Tàyìtùrzì 3:1 - Mokpwe: Bakwery (New Testament)

¹ Ìi Tàyìtùrzì kòkò, o ɔ̀ŋgɛ̀lɛ̀nɛ hwatò nanù ema hwa arzìhwìrzɛ̀lɛ̀lɛ̀ hwàkànèlì nà hwàtìmbèlì hwa awu. È hwa hweyàne, na o lì wòŋgirzɛnɛ o lì gbeyà tɔ̀ mamɛ ema e hwèlì gbamù.

Tàyìtùrzì 3:1 Mawu Ofanana

Matiyò 22:21

Hwà mà mò alàhwɛ̀ nanù ema, “È la ama Kayirzà.” Yerzù rzi a hwa òhweyà nanù ema, “È ŋgbe Kayirzà mamɛ e hwèlì e ya ama Kayirzà. È ŋgbe hvɛ Lohwɛ̀ mamɛ e hwèlì e ya ama Lohwɛ̀.”

1 Kɔ̀rintìyà 15:58

O èŋgànɛ̀lɛ̀ ìi wònyamòwè kòkò, e tɛ̀mɛ̀ gbamù, e rza anyìŋgìrzɛ̀nɛ̀. È hwɛ ndi o lì gbèeyà Rzàŋgo. È hwi nanù ema èwòlò ema e gbèeyà Rzàŋgo tɔ̀ yɔ̀kɔ e rza hwɛ ya ŋgundu.

Ɛ̀hvìrzìyà 2:10

Lohwɛ̀ à mà jo wèka o lì hwɛ mamɛ ema i hwèlì naŋgɛ. Nà oma i hwèlì mɔ̀kɔ na Yerzù Krirztò, mɔ̀ à jo ŋgbelì lòŋgɛ aŋga nanù, i gbeyà hwèwòlò hwe gbamù nanù ndi Lohwɛ̀ à mà tɛ̀yirzɛ natɛ̀ɛ na e hvonda ya koohwa ema i luwa ene tumba ɛ̀ɛ̀mɛ̀ o lòŋgɛ.

Hvìlipìyà 1:11

Ène eyà e gbeyà nanù ema ɛ̀ɛ̀mɛ̀ ya anyu ya gbamù ema e uwɛlɛlɛyi o ma Yerzù Krirztò, e o awuŋmɛ̀lɛ̀ o hweyà hwe gbamù hwe arzɛ ema e gbeyà, aŋga nanù Lohwɛ̀ a o luwa èluhwe ya eni na jeka.

Kòlòrzìyà 1:10

Èŋge eyà è gbeyà mòŋgɛ mà anyu, mà hwɛ ndi nà oma lòŋgɛ là hwatò hwa ama Lohwɛ̀ là àŋgàmɛ̀nɛ̀yi lì hwɛ. È ò gbeyà ndi hweyà ema hwe ò mò lìŋgirzɛ. Hweyà hwe gbamù nà gbamù mɛnɛ ndi inyɔ è ò gbeyɛ. Lì rzɔ̀ŋgìtɛ̀nɛ̀ là anyu là ama Lohwɛ̀ lì ò ahwàtɛ ndi nanù mɛnɛ.

1 Tìmotì 2:2

È kànɛlɛlɛ ikiŋgɛ̀ na hwanɛyi hwatimbelì hwa arzɛ hwa lìkànèyà. Ène e gbèeyà mɔ̀ŋgɛ̀lɛ̀ ma arzu ma hwɛ o ɛ̀yɔ̀lɛ̀ e rzi hwɛ tɔ̀ mòhvùŋgu, jo ò gbèeyà ndi na oma Lohwɛ̀ a arza nanù ema i gbeye na lì mo ŋgbaà èluhwe ihvonda ja arzɛ.

1 Tìmotì 4:6

O òkolɛ tɛ hwatò ema hwa lòkɛ̀ Yerzù hwene hweyà, e hwɛ ndi nanù ema o hwɛ ndi mògbèèlì hwa gbamù hwa ama Yerzù Krirztò. O ètìrzɛ̀hwɛ o èlìŋgɛ̀ èhwanja o ŋmɛ̀ndì ema o lòkɛ̀yi, ndeŋgànɛ̀lɛ̀ hvɛ hwèyòkòwèlì hwe ama Lohwɛ̀ ema o nɔ̀ŋgɔ.

1 Tìmotì 5:10

Moŋgo mokurze mo molanà mo hwɛni ndi lì hwɛ molanà ema a hwiyɛnɛyi o hwègbèèlì wa eni hwe gbamù. A àŋgàmɛ̀nɛ̀yi ndi lì hwɛ molanà ema à mà màa lì woŋgohwa hwàànà gbamù, a kàrzɛ hwàyɛ̀nì gbamù o ndawò ya eni, a hwɛni lì arzìirzɛ, ema à mà gbèeyà hwatò hwa Lohwɛ̀ nyayi ema à mà hwɛ lì rzorza matàŋgà mà awu. A hwɛni hvɛ ndi lì hwɛ molanà ema à mà oŋgowanɛ hwatò ema hwà mà hwɛ o ndùtù, ndèŋgàna a hwɛni hvɛ lì aŋgbɛ ŋmìti o hwègbèèlì hwe gbamù.

2 Tìmotì 1:6

Lìtìŋga lɔ̀ lììnì ɔ̀ndeŋgàtɛ̀ imba nà ò ɔ̀ŋgɛ̀lɛ̀nɛ jàhwèyà ema Lohwɛ̀ à mà ò ŋgbe è hvonda ema nà mà ò hwàkɛ̀ màà mà ami ò mòhvo mò aŋgɔ̀ ò hwɛ ndi ò lì ji gbeyàna nanù mɛnɛ.

2 Tìmotì 2:14

O hwɛ ndi o lì ɔ̀ŋgɛ̀lɛ̀nɛ hwaŋga hwatò ema hwa lòkɛ̀ hwene hweyà, o hwa kòkòwɛ̀lɛ̀ o worzo hwa ama Lohwɛ̀ nanù ema, hwa rza akanjɛnɛ mɔ̀kɔ na ɔ̀nɛyi lì hvomɛ̀nɛ̀ eyà ya Lohwà. Ène nyayi ya hvenda e rza oŋgowàna, ndi e hvàŋga lìlòkɛ̀ la hwaŋga ema hwa e òkànèyà.

2 Tìmotì 2:21

Tɔ ima mòtò ema a rzɔnjɛ̀lɛ̀ lì gbeyà la hweyà hwe mbindo, à ò hwɛ ndi nàa màlùkù mà mèyɔnjɔ ema me gbeyànɛhwɛ o ndèma yà towotowo. Oŋgo mòtò a ondi wòrzaŋgi ndèŋgàna e Rzàŋgo ya eni e mo gbeyàna. Ndèŋgana oŋgo mòtò a woŋgirzɛnɛyi o lì gbeyà eyà yà gbamù o tɔ̀ ima hvonda.

Tàyìtùrzì 1:16

Hwàto ema hwa okolɛ hweŋge hwèyòkòlèlì hwe mòlàŋgà wɔ̀ hwa ohwa nanù ema hwa hwi Lohwɛ̀, ndi hwègbèèlì hwe awu hwe uŋmɛ̀lɛ̀ nanù ema hwa rza hwi Lohwɛ̀. Hwa gbeyà hweyà ema hwatò hwa rza lìŋgànɛ, wɔ̀ hwa rza gbeyà hweyà na oma Lohwɛ̀ a hwe àrzeyà ndeŋgànɛlɛ hwa rza tànɛ lì gbeyà tɔ̀ eyà yɔ̀kɔ ya gbamù.

Tàyìtùrzì 2:14

Yerzù Krirztò à mà aŋgbɛ mɔ̀ ŋmìti o lì jo kɔ̀tɔ̀ o wòhwe wo arzu wo arzɛ. A ma jo gbèeyà o lì hwɛ hwatò ema hwa hwèlì wòtani, ndèŋgànɛ̀lɛ̀ à mà jo gbeyà o lì hwɛ hwatò hwa eni mɛnɛ, ema hwa ohvi e nyɔ̀ŋgi ya lì gbeyà hweyà hwe gbamù.

Tàyìtùrzì 3:14

Ndèŋgànɛ̀lɛ̀ o gbeye hwatò hwa arzu o lì okowa o lì gbeyà hweyà hwe gbamù. Wɔ̀ hwa àŋgàmɛ̀nɛ̀yi lì oŋgòwànà o lì gbeyà hweyà ema hwe arzahwa nanù ema mòtò a hwe gbeye. Wɔ̀ hwa rza gbeyà hweyà hwe ŋgàndi.

Tàyìtùrzì 3:8

Hwène hweyà hwe arzɛ ema nà mà ohwɛ hwe hwèlì ndi e jɔ̀kɛ̀. Nà arza ema e ùkirzɛ̀lɛ̀lɛ̀ hwene hweyà nɔ̀ke-nɔ̀ke aŋga nanù, hwaŋga ema hwà mà lòkɛ̀ Lohwɛ̀ hwa o aŋgowa o lì aŋgbɛ wɔ̀ hwiti o lì gbeyà mamɛ ema e hvomɛ̀nɛ̀. Nànù ndi i gbeye ndèŋgànɛ̀lɛ̀ nanù ndi hwe jànà hwatò hwa arzɛ mɔ̀rzɛ̀ŋgi.

Hibrù 13:21

Imba nà kanɛ̀ nanù ema Lohwɛ̀ à yè gbèèyè ò lì wòŋgìrzɛ̀nɛ̀ ò lì gbeyà hweyà hwe arzɛ ema mɔ̀ à arza nanù ema è gbèèyè ndeŋgànɛ̀lɛ̀ è ohve è nyɔ̀ŋgi yà lì gbeyà hweyà ema hwe hvomɛ̀nɛ̀. Yerzù à hwèlì à è oŋgowàna ò lì gbeyà hweyà ema hwe lìŋgìrzɛ Lohwɛ̀. Èluhwe è hwɛ nà Yerzù Krirztò ò gbìndèyà nà ò gbìndèyà. Inyɛ̀ wò lìya nanù.

2 Pètrò 1:12

O lìni lìtiŋga rzɔ, tɔ̀ nɛ inyɔ e ma lomɛ o lì hwiya hwene hweyà hwe arzɛ, ndèŋgànɛ̀lɛ̀ e lòkɛ̀yi e jɔ̀kɛ̀ ema e hwèlì o tenì, na hwɛ ndi o lì e ɔ̀ŋgɛ̀lɛ̀nɛ e hwɛyɔ.

Judɛ 1:5

Tɔ̀ nɛ è hwi hwenè hweyà hwe arzɛ, nà arza ò lì è ɔ̀ŋgɛ̀lɛ̀nɛ nanù ema, ò hvonda hvɔ̀kɔ Rzàŋgo e ma rzùŋgà hwatò hwa Irzàyɛ̀lì o màà mà hwatò hwa èkòmè ya Ìjiptò. Ndi o mburza hvonda, à mà hvaŋga hwaŋga hwatò ema hwa rzi mo lòkɛ̀.