Tàyìtùrzì 2:8 - Mokpwe: Bakwery (New Testament)

⁸ O ɛnɛ nanù ema hwèyòkòlèlì hwe aŋgɔ̀ hwe hvomɛ̀nɛ̀yi aŋga nanù hwatò hwa rza ohwa tɔ̀ eyà ya wòhwe o lì o teŋgɛ̀nɛ̀. Ène e gbeyà hwatò ema hwa o teŋgɛ̀nɛ̀ o lì òka irzɔ̀ni, ehwànja hwa rza o luwa e njiya o lì ohwa tɔ̀ eyà ya wòhwe o lì jo teŋgɛ̀nɛ̀.

Tàyìtùrzì 2:8 Mawu Ofanana

Makòrzì 12:17

Yerzù rzìi a hwa òhweyà nanù ema, “È ŋgbè Kayirzà mamɛ e hwèlì è ya ama Kayirzà, e ŋgbè hvɛ Lohwɛ̀ mamɛ e hwèlì è ya ama Lohwɛ̀.” Nà òma hwà mà hweye nanù, hwà mà tàmà.

Makòrzì 12:28

Mòòkòlèlì mɔ̀kɔ wa mbenda à mà hwɛ aŋga, rzìi a hwèya mamɛ hwa mà hwɛ lì òhwa. Nà òma à mà ayèmbɛ nanù ema Yerzù a mà ŋgba Irzàdùrzì ja alàhwɛ̀ ja gbamù rzìi a ijòwa Yerzù nanù ema, “Ìi Mòòkòlèlì ò imbenda ja arzɛ ima yɔ e hwèlì wòlìtò lì aka enɛyi e?”

Makòrzì 12:32

Rzìi òŋgò Mòòkòlèlì wa mbenda a òhweyà Yerzù nanù ema, “Mòòkòlèlì ò hvòmɛ̀nɛ̀yi. Ò òhwi ndi è jɔ̀kɛ̀ nanù ema Lohwà lɔ̀kɔ̀ ndi lì hwèlì, ò rzà enje lìhvɛhvɛ Lohwà lì aka tɛ mɔ̀ mɛnɛ.

Makòrzì 12:34

Nà òmà Yerzù à ma ɛnɛ nanù ema òŋgò Mòòkòlèlì wa mbenda a alàhwɛ̀ nà lìhwiyè, rzìi a mò òhweyà nanù ema, “Ò rza rzɔ̀lɛnɛ nà Lìkànèyà là ama Lohwɛ̀.” O mburzà nanù tɔ̀ mòtò a rzi tanɛ lì ijòwa hvɛ Yerzù tɔ̀ miijòwelì.

Lukàrzɛ̀ 13:17

Mamɛ Yerzù a mà òhwe, e ma gbeyà hwatò ema hwà mà mò teŋgɛ̀nɛ lì lɛmbeya ìrzɔnì, mòtò tɛ à mà òka mɔ̀nyɛ̀ŋgì lì hvomɛ̀nɛ̀ hweyà hwe mànyàka hwe arzɛ ema Yerzù a mà gbèye.

2 Tɛ̀rzàlonìyà 3:14

È hwèlì tɛ nanù ema o hwèlì mòtò ema a rza emelɛ o lì oŋgàma màmɛ ema e tìlahwì o tenì ya ene kààtì, e mo ika mìirzɔ. È rzi hwɛnɛ tɔ̀ eyà o lì mo gbeyàna, aŋga nanù oma à mà enya.

1 Tìmotì 5:14

Ɔ̀ndeŋgàtɛ̀ imba na kòkòwɛ̀lɛ̀ Hwèrzɔ̀mbɛ̀ hwe mekurze me hwalana o lì hwaahwa hvɛ na lì hwɛnɛ hwàna na o lì ɔŋgeya hvɛ i ndawò ja awu. Aŋga nanù wɔ̀ hwa rza ŋgbà hwàkɔ̀yèlì hwa arzu tɔ̀ lìtiŋga o lì ohwa wòhwe o lì jo teŋgɛ̀nɛ.

1 Tìmotì 6:3

O hwèlì loŋgo la hwatò ema hwa okolɛ hwèyòkòlèlì ema hwe rza hvomɛ̀nɛ̀. Hwèyòkolelì hwe awu hwe rza enje nyayi hvɔ̀kɔ na hwèyòkòlèlì hwe ama e Rzàŋgo ya arzu Yerzù Krirztò ema hwe okolɛ hwatò ò lì gbeyà na oma Lohwɛ̀ a àrzeyà.

Tàyìtùrzì 3:14

Ndèŋgànɛ̀lɛ̀ o gbeye hwatò hwa arzu o lì okowa o lì gbeyà hweyà hwe gbamù. Wɔ̀ hwa àŋgàmɛ̀nɛ̀yi lì oŋgòwànà o lì gbeyà hweyà ema hwe arzahwa nanù ema mòtò a hwe gbeye. Wɔ̀ hwa rza gbeyà hweyà hwe ŋgàndi.

1 Pètrò 2:12

È hwɛnɛ hwɛ̀ɛ̀mɛ̀ hwe gbamù o ìtììtènì ja hwaŋga hwatò ema hwa rza lòkɛ̀ Lohwɛ̀, aŋga nanù tɔ̀ nɛ wɔ hwa e rzàmba nanù ema e gbeyà wòhwe, wɔ hwa ɛnɛ hwegbèèlì hwe anyu hwe gbamù. Èŋge e gbeyà hwa eka Lohwɛ̀ o wùnyà wo hwejèelì hwe eni.

1 Pètrò 2:15

È hwèlì ndi hwètɛ̀yirzèlelì hwe ama Lohwɛ̀ nanù ema, lì akeyà na hwègbèèlì hwe anyu hwe gbamù ema e gbeyà, e hwɛni lì tɛmirzɛ e mbɔrzi ya ŋgundu ema hwatò hwa èèti hwa ohwa o lì e teŋgɛ̀nɛ̀.

1 Pètrò 3:16

Ndi e gbeye nanù na mèèmà ema me lìhvohwèlì. Inyɔ e gbeyà tɛ nanù, inyɔ e arzihwirzɛ na èluhwe ya arzɛ ndèŋgànɛ̀lɛ̀ inyɔ e lìhvowe mèèmà me anyu o hwatò ema hwa ohwa hweyà hwe wòhwe o lì e teŋgɛ̀nɛ̀ ehwànja e oŋgama Krirztò. Wɔ̀ hwa o òka ìrzɔnì hwa ɛni tɛ hwɛ̀ɛ̀mɛ̀ hwe anyu hwe gbamù.