Tàyìtùrzì 2:5 - Mokpwe: Bakwery (New Testament)

⁵ Hwà hwa okòlɛ̀ nanù ema hwa hwɛ ijòjìyɛ̀ ja gbamù. Hwa ika ndi mèèmà me awu o mèjòmɛ̀ me awu mɛnɛ, ndèŋgànɛ̀lɛ̀ hwà hwa okòlɛ̀ nɛ hwa àŋgàmɛ̀nɛ̀yi o lì aŋgoweya indawò ja awu, nyayi ema e hwa gbeyà o lì hwɛ jòjìyɛ̀ ema ja arzìhwìrzɛ̀lɛ̀lɛ̀yì mèjòmɛ̀ me awu. È hwèlì tɛ nanù ema hwàalanà hwa gbèya hwene hweyà hwe arzɛ, hwatò hwa rza ohwa tɔ eyà ya wòhwe lì hvomɛ̀nɛ̀ ŋmɛ̀ndì ema Lohwɛ̀ à mà ŋgbe hwatò.

Tàyìtùrzì 2:5 Mawu Ofanana

Hwègbèèlì 9:36

O mbòwa ya Jopà ò ma hwɛ mòlòkèlì wa mòlanà ema à mà hwɛ̀lɛ̀hwɛ̀ Tàbità. (jànda ja lìinà la eni ò mbɔrzi ya Grìki lì hwèlì ndi Dɔ̀kàrzì eŋge ŋgàna e hwèlì ndi ìrzɛ̀wù). Onò mòlanà, à mà akɛlɛ e hvònda ya eni ya arzɛ ò lì gbeyà hweyà hwe gbamù na ò lì òŋgòwànà mèlìrza me hwatò.

Hwègbèèlì 9:39

O èŋgànɛ̀lɛ̀ rzɔ, Pètrò à mà wòŋgirzɛnɛ rzii a ɛndɛ na hwaŋga hwatò. Lirzakò ema mɔ̀ à mà uke aŋga, hwà mà mò agbana ò tùu ya ŋmanyu ya eŋge ndawò ya ndɛkì. Mekurze me hwalana me arzɛ me ma mò tòŋga, rzìi hwa a eyà na lì mò uŋmɛ̀lɛ̀ màatù ma arzɛ, na ikòti ema Dɔ̀kàrzì à mà hwa kɔleya, e hvònda ema mɔ̀ à mà hwɛ lòŋgɛ̀.

Ròmànì 14:16

O rzi emeyà ema lìkànèyà ema ò òhvi nàa e mòtò ema lì lòkɛ̀ la eni lì imbami, lì gbèye mòtò a gbeye wòhwe, aŋga nanù hwatò hwa rza tanɛyi lì òhwa hweyà hwe wòhwe ò lì ò hvòmɛ̀nɛ̀.

Ròmànì 2:24

È kààtì ya Lohwɛ̀ e òhwi nanù ema, “Hwàŋga hwatò ema hwa rza enje wònyà Yuda, hwa òhwàna Lohwɛ̀ ìrzìlàkò ò nyòla hweyà ema inyɔ wònyà Yudà e gbeyà.”

1 Kɔ̀rintìyà 11:3

Nà arza ema e rzɔ̀ŋgìtɛ̀nɛ̀ nanù ema, Krirztò a hwèlì ndi moòhvo mo kànèyà tɔ̀ ima mòtò hwa mùnyanà. È mùnyanà mɔhvɛ a hwèlì ndi moòhvo mo ama e jòjìyɛ̀ ya eni. Lohwà mɔhvɛ ndi à hwèlì moòhvo mo ama Krirztò.

1 Kɔ̀rintìyà 14:34

Hwaalanà hwa hwɛnì lì lìya ŋmɛ̀ɛ o tenì yà màndawò ma ama Lohwà. Hwa hwɛnì ndi lì arzìhwirzɛ̀, nà omà e mbenda ya ama Morzè e ohwì.

Ɛ̀hvìrzìyà 5:33

O eŋgànɛ̀lɛ̀ rzɔ, tɔ̀ ima mòjòmɛ̀ à hwɛnì lì lìŋgàna e jòjìyɛ̀ yà èni nà omà a alìŋganɛ mɔ̀ ŋmìti, rzìi tɔ̀ ima jòjìyɛ̀ mɔ̀ hvɛ à hwɛnì lì ŋgbàà mòjòmɛ̀ mo eni èluhwe.

Kòlòrzìyà 3:18

Inyɔ ijòjìyɛ̀ e arzìhwìrzɛ̀lɛ̀lɛ̀ mèjòmɛ̀ me anyu. Nànù ndi hwatò ema hwa lòkɛ̀ Lohwɛ̀ hwa àŋgàmɛ̀nɛ̀yi lì gbeyà.

1 Tìmotì 5:10

Moŋgo mokurze mo molanà mo hwɛni ndi lì hwɛ molanà ema a hwiyɛnɛyi o hwègbèèlì wa eni hwe gbamù. A àŋgàmɛ̀nɛ̀yi ndi lì hwɛ molanà ema à mà màa lì woŋgohwa hwàànà gbamù, a kàrzɛ hwàyɛ̀nì gbamù o ndawò ya eni, a hwɛni lì arzìirzɛ, ema à mà gbèeyà hwatò hwa Lohwɛ̀ nyayi ema à mà hwɛ lì rzorza matàŋgà mà awu. A hwɛni hvɛ ndi lì hwɛ molanà ema à mà oŋgowanɛ hwatò ema hwà mà hwɛ o ndùtù, ndèŋgàna a hwɛni hvɛ lì aŋgbɛ ŋmìti o hwègbèèlì hwe gbamù.

1 Tìmotì 6:1

Hwatò hwa arzɛ ema hwa hwèlì hwàkòmì hwa àŋgàmɛ̀nɛ̀yi lì ŋgba irzàŋgo ja awu èluhwe o hweyà hwe arzɛ. Àŋga nanù tɔ̀ mòtò a rza ohwa tɔ̀ eyà ya wòhwe lì teŋgɛ̀nɛ Lohwɛ̀ ndèŋgàna hwa rza ohwa hweyà hwe wòhwe o mamɛ ema irzɔ jo òkolɛ.

Tàyìtùrzì 2:4

Hwa a gbeyà hwene hweyà aŋga nanù wɔ̀ hwa o tanɛ o lì okolɛ̀ meleka me hwalanà nɛ hwa àŋgàmɛ̀nɛ̀ lì hwɛneya mèjòmɛ̀ na hwàanà hwa awu e ndìŋgɛ.