Tàyìtùrzì 2:2 - Mokpwe: Bakwery (New Testament)

² O òkolɛ hwàwululu hwa wùnyànà o lì hwiya nɛ hwa hwɛnɛ lìkànèyà mòŋgɛ ma awu, hwa gbeye hweyà nyayi ema hwatò wo o hwà ŋgbɛɛ èluhwe, ndèŋgànɛ̀lɛ̀ wɔ̀ hwa a gbeyà hweyà na gbaŋgo wo nɔ̀kɔ̀wu. Hwa àŋgàmɛ̀nɛ̀yi ndi lì ɛndɛ o worzo o lì lòkɛ̀ Krirztò, hwa àŋgàmɛ̀nɛ̀yi ndi lì ɛndɛ o worzo o lì hwɛneya hwahvɛhvɛ hwatò e ndìŋgɛ, ndèŋgànɛ̀lɛ̀ hwa àŋgàmɛ̀nɛ̀yi ndi lì ɛndɛ o worzo o lì luwa mètàkà ema hwa luwa o nyòla lìlòkɛ̀ la awu.

Tàyìtùrzì 2:2 Mawu Ofanana

Makòrzì 5:15

È hvònda ema hwatò hwa mà jèe ò ma Yerzù rzìi hwa ɛnɛ òŋgò mòtò ema lìnyɛyi la hwèlìŋgɛ̀ hwe wòhwe hwe mà tàkìrzɛ̀, mɔ̀ ndì a lìyayi, nà lìwɔtì la gbamù, nà màlùtèyà ma gbamù. Hwa mà kpèeyà wɔ̀ŋgɔ̀.

Lukàrzɛ̀ 8:35

Nà òmà hwatò hwa mà hweye enè eyà, hwa mà wurza lì ɛnɛ̀ mamɛ ya arzɛ ema, e ma gbèyɛ̀nɛ̀. Nà òmà hwa mà ùke èki ema Yerzù a mà hwɛ, hwa mà ɛ̀nɛ òŋgò mòtò ema hwèlìŋgɛ̀ hwe wòhwe hwe mà hwɛ lì tàkirzɛ, mɔ̀ ndì à lìyelì Yerzù ò tòŋgòŋgò yà eni. Òŋgò mòtò à mà wɔ̀wìrzɛ̀hwɛ, a wɔtɔ̀ hvɛ nà lìwɔti la eni. Èŋge eyà e mà òkirzɛ hwaŋga hwatò wɔ̀ŋgɔ̀.

Hwègbèèlì 24:25

Ndi na òma Pàwolò à mà hwɛ lì òhwa lì hvòmɛ̀nɛ̀ lì tɛ̀mɛ̀ la ehve-ehve ò wòrzò wò ama Lohwɛ̀, lì alɛ̀mbɛ, na Wùùnyà wò hwèkàyìrzèlì ema wò hwɛnì lì jà. Hvɛlìkrzi à mà òka wɔ̀ŋgɔ̀. Hvɛlìkrzi rzìi a òhwa nanù ema, “Inyɛ̀ i hwɛmɛ ene mbɔrzi nanù. O tanɛyi ò ɛndɛ. Nà lu tɛ ehvòlò na ò hwɛlɛ hvɛ.”

Ròmànì 12:3

O e ndèli ya ama Lohwɛ̀ a nò ŋgbelì, na òhweyà tɔ̀ ima mɔ̀kɔ wa anyu nanù ema, tɔ̀ mòtò a rza àŋgàmɛ̀nɛ̀ lì awòwɛ̀ mɔ̀ ŋmìti lì aka mamɛ ema mɔ̀ à hwèlì. Ndi ò arzihwirzɛ ò màlùtèyà ma aŋgɔ̀. Ndeŋgànɛ̀lɛ̀ hvɛ ò àkàyìrzɛ̀ ò wà witi ò lìmɛni la lìlòkɛ̀ ema Lohwɛ̀ à mà màa lì ò ŋgbà.

1 Kɔ̀rintìyà 15:34

È timbe o mahwiye ma anyu ma jɔ̀kɛ̀, e rzìi gbeyà wòhwe hvɛ. Lòŋgò la anyu e rza hwi Lohwɛ̀. È hwɛnì ndi lì oka ìrzɔnì na oma na ohwa ene eyà.

1 Kɔ̀rintìyà 9:25

Tɔ̀ ima mohwaŋgelì ema a hwɛnì lì hwaŋga lìhwaŋgi, à àjùlɛ̀nɛ̀ mètàkà me arzɛ. Hwa wòŋgirzɛnɛ ndi nanù, o lì wɔ̀tìrzɛ̀hwɛ ekooto ya èluhwe ya mbonji ema e rza hwɛ natɛ̀ɛ na o mòlìkɛ̀, ndi irzɔ i gbeyà ndi èwòlò ema i lùwàna morzawelì mò mòlìkɛ̀.

2 Kɔ̀rintìyà 5:13

Lòŋgo la hwatò hwa ohwa ndi nanù ema jo òhwa ndi nàa hwatò ema hwa kpanyi. Ène eyà e hwèlì tɛ e jɔ̀kɛ̀, nanù oma Lohwɛ̀ mɔ̀ ndi irzɔ i kànɛ. Jo òhwa tɛ hweyà nàa hwatò ema hwa rza kpanyɛ nanù oma jo òhwa ndi o lì e oŋgòwànà.

Gàletìyà 5:23

Èlìŋgɛ̀ yà Wòtani yɔ ndi e gbeyà mòtò a arzìirzɛ na lì alɛ̀mbɛ mo ŋmìti. O rza enje tɔ̀ mbenda lì teŋgɛ̀nɛ hwene hweyà.

Hvìlipìyà 4:8

Ìi wònyàmòwe kòkò, o lì kulɛ ene mbɔrzi, e lùteyà hwène hweyà o ihvonda ja arzɛ. È lùteyà tɔ̀ ima eyà ema e hwèlì e jɔ̀kɛ̀, tɔ̀ ima eyà ema e hwèlì ema e lɔ̀wu, tɔ̀ ima eyà ema e hvomɛ̀nɛ̀, tɔ̀ ima eyà ema e rza ohvɛ tɔ̀ lìtɔ̀tì la wòhwe, tɔ̀ ima eyà ema hwatò hwa àŋgàmɛ̀nɛ̀yi lì lìŋgàna na tɔ̀ ima eyà ema e ɛni nanù ema ye e lɔ̀ɔ̀ni. È ɔ̀ŋgɛ̀lɛ̀ hweyà ema hwe lɔ̀wu rzayi-rzayi ndèŋgànɛ̀lɛ̀ e hweyɔ ema hwatò hwa ohwa nanù ema hwe lɔ̀wu. Ini nyayi ja hweyà ndi e àŋgàmɛ̀nɛ̀yi lì ika o màlùtèyà ma anyu o ihvonda ja arzɛ.

1 Tɛ̀rzàlonìyà 5:6

Ò eŋgànɛ̀lɛ rzɔ, inyɛ i rzi hwɛ nàa hwatò ema hwa gbèyi ndi nàa hwa hwèlì ò ijɔ. Ndi inyɛ i wòwe hvonda nà ò lì àwòhvɛ̀ irzɔ hwiti gbamù.

1 Tɛ̀rzàlonìyà 5:8

Ndi kànàtɛ̀ irzɔ i hwèlì ndi hwatò hwa ŋmerze, inyɛ ja alɛ̀mbɛ. Inyɛ̀ lìlòkɛ̀ ema i hwɛnelì Yerzù na e ndìŋgɛ ema i hwɛnelì hwahvɛhvɛ hwatò, inyɛ hwe hwɛ ndi nàa lìwɔti la hwɛ̀ɛkɛ̀ ema mòtò a wɔ̀ti o nyo ya eni o lì iŋga e ŋgeŋge ya eni o e hvonda ya njuma. Lìhvìtà ema e hwɛni o nyòla hwèrzùŋgèlì ema e o luwɛ, inyɛ hwe hwɛ ndi nàa mòtò a wɔ̀ti tàmba ema hwa gbeyànì hwɛ̀ɛkɛ̀.

1 Tìmotì 1:10

È mbenda ya ama Lohwɛ̀ e hwèlì ndi o hwatò hwa morzonje, o wunyanà ema hwa juwa hwahvɛhvɛ wunyanà na o hwalana hvɛ ema wɔ̀ hvɛ hwa juwa hwahvɛhvɛ hwalana. O hwatò ema hwa hvùma hwahvɛhvɛ hwatò ò lì hwa àhwirzɛ̀ nàa hwàkòmì, o hwatò ema hwa kɔɔ hweyà, na o hwatò hvɛ ema hwa aàtɛ hweyi ja mòlàŋga o hwèkayirzelì, na hwatò hvɛ hwa gbèeyà hweyà ema hwa rza enje o ŋmɛ̀ŋgɛ o lì ohwa mamɛ hwèyòkòlèlì hwe jɔ̀kɛ̀ hwe ohwa.

1 Tìmotì 1:14

Rzàŋgo ya arzu a ma no ŋgba e ndèli ya eni ema e rza ohvɛɛ lìmɛni. A no gbèyi hvɛ nanù ema na mo lòkɛ̀ na o lì lìŋgana hwahvɛhvɛ hwatò èhwanja i hwèlì mɔ̀kɔ na Yerzù Krirztò.

1 Tìmotì 1:2

Ìi Tìmòtì, ò wà ndi nà tìleyà ene kààtì. Ò tɛ̀ɛ̀tɛ̀ɛ ò hwèlì ndi nàa è ŋmanà wà ami èhwanja ò lòkɛ̀yì Krirztò. Inyɛ̀ è ndèli, ììlì nà ɛ̀yɔ̀lɛ̀ ema è uwɛ̀lɛ̀lɛ̀yi oma Lohwɛ̀ Tatɛ̀ wà arzu nà Yerzù Krirztò è Rzàŋgo yà arzu hwe hwɛ nà inyɔ.

1 Tìmotì 1:5

Lìtìŋga ndèŋgàtɛ̀ nà mà e ohweyà ema o òkolɛ hwatò hwèyòkòlèlì hwe jɔ̀kɛ̀ hwe hwèlì ndi nanù ema, hwatò hwa alìŋgànɛ mɔ̀kɔ na ɔ̀nɛyi. È hwɛni lì hwɛnɛ ndìŋgɛ ema e uwɛ̀lɛ̀lɛ̀yi o ŋmèma ema me rzaŋgi, ŋmèma ema mo hwi mamɛ e hvomɛ̀nɛ̀ na mamɛ ema e rza hvomɛ̀nɛ̀, na ŋmèma ema mo hwi lì lòkɛ̀ ema lì hwèlì e jɔ̀kɛ̀.

1 Tìmotì 3:11

Tɔ̀ hwàalanà hwa hwànu wunyanà, wɔ̀ hvɛ hwa àŋgàmɛ̀nɛ̀yi lì hwɛnɛ ɛ̀ɛ̀mɛ̀ ya gbamù. Wɔ̀ hwa rza hwɛni lì hwɛ hwalana ema hwa inda hwatò, hwa hwɛ hvɛ lì alɛ̀mbɛnɛ, hwa hwɛ hvɛ ndi hwalana ema hwatò wa hwɛni lì lòkɛ̀ tɔ̀ mamɛ ema hwa gbeyà.

1 Tìmotì 3:2

O eŋgànɛ̀lɛ̀, e mòtimbèlì hwa ŋmèmba, a hwɛni ndi lì hwɛ mòtò ema a rza luwahwa màtonà. Ndèŋgàna a hwɛni ndi lì ohva jòjìyɛ̀ hvɔ̀kɔ. A hwɛni ndi lì hwɛ mòtò ema a alɛ̀mbɛ mɔ̀ ŋmìti, mòtò ema a lùtèyà kɔ̀yi-kɔ̀yi, mòtò ema hwatò hwa ŋgba èluhwe, a hwɛni ndi lì hwɛ mòtò ema a kàrzɛ hwàyɛ̀nì o ndawò ya eni, na mòtò ema a hwi o lì okolɛ hwatò.

1 Tìmotì 3:4

A hwɛni lì timba e la eni lìtumba gbamù, a hwɛni lì aŋgoweya hwàanà hwa eni ŋgàna ema hwa mo ŋgba èluhwe o hweyà hwe arzɛ.

1 Tìmotì 3:8

Hwatò ema hwa oŋgowàna o lì gbèeyà èwòlò ò ŋmèmba hwa hwɛni ndi lì hwɛnɛ ɛ̀ɛ̀mɛ̀ ya gbamù na o lì hwɛ hwatò ema hwa ohwa hweyà na ŋmèma mɔ̀kɔ. Hwa rza hwɛni lì hwɛ hwatò hwa mboma, tɔ̀ lì hwɛ hwatò ema hwa hwèlì njɔ̀ŋgu ya wolì.

1 Tìmotì 5:1

O rzi keka lì lomeya mòmbaki wa mòtò. O mo wowe wòlìto na oma o wowi e tatɛ̀ ya aŋgɔ̀. O wowe hvɛ hwaŋga hwarzàlì ema o wa akayi ŋmèmba wòlìto ò a ɛnɛ oma hwa hwèlì ndi wònyanyàŋgo wa aŋgɔ̀.

Tàyìtùrzì 1:13

Hwene hwèyohwèlì hwe ama ono mòòhwèlì wà èlìŋgɛ̀ lì hvomɛ̀nɛ̀ hwatò hwa èkomè ya Krɛ̀tɛ, hwe hwèlì ndi e jɔ̀kɛ̀. O eŋgànɛ̀lɛ̀ rzɔ, hwatò ema hwa lòkɛ̀ Yerzù rzi hwa a ika hweŋge hwèyòkòlèlì hwe mòlàŋgà, o hwa kànje na ŋginyà o lì hwa ohweyà nanù ema hwa toni, aŋga nanù wɔ̀ hwa lòkɛ̀ hwèyòkòlèlì hwe jɔ̀kɛ̀ lì hvomɛ̀nɛ̀ Yerzù.

Tàyìtùrzì 1:8

Ndi tɔ̀ nanù e mòtimbèlì wa ŋmèmba a àŋgàmɛ̀nɛ̀yi ndi lì hwɛ mòtò ema a kàrzɛ hwatò ema hwa jà o lì mo hvɛhvɛ, ndèŋgànɛ̀lɛ̀ a hwèlì ndi mòtò ema a lìŋgàna hwema hwe gbamù. A àŋgàmɛ̀nɛ̀yi ndi lì hwɛ mòtò ema a hwi lì àwòhvɛ̀ la eni na hwahvɛhvɛ hwatò, mòtò ema hwègbèèlì wa eni hwe tɛnɛ̀nɛ̀, ema a hwèlì wòtani, ndèŋgànɛ̀lɛ̀ a hwèlì mòtò ema àkuwɛ̀ɛ mɔ̀ ŋmìti.

Tàyìtùrzì 2:7

O hweyà hwe arzɛ ema o gbeyà o hwa o uŋmɛ̀lɛ̀ hwèmbànèlì hwe gbamù. O okolɛ tɛ, eyà ema o okolɛ e àŋgàmɛ̀nɛ̀yi ndi lì hwɛ e jɔ̀kɛ̀, ndèŋgànɛ̀lɛ̀ o àŋgàmɛ̀nɛ̀yi ndi lì hwɛ mòtò ema a oŋgama hweyà gbamù.

Hvìlɛ̀mɔ̀nì 1:9

è ndìŋgɛ ema imba nà ò hwɛ̀nèlì, è nò gbeyà nanù ema nà hwɛ ndi ò lì ò rzòrzòmeyà. Imba Pàwolò nà ohwa ndi nanù nàa molùni wà mòtò ema à hwèlì ò hwèwòwà nàŋgɛ ò nyòla lìinà là ama Krirztò.

1 Pètrò 1:13

O eŋgànɛlɛ rzɔ, e a kpatɛ, e woŋgirzɛnɛ o lì gbeyà èwòlò ema Lohwɛ̀ a arza nanù ema e gbeye. È wowe hvonda ndèŋgànɛ̀lɛ̀ e ika mèèmà me anyu o e ndèli ema Lohwɛ̀ a e ŋgba o e hvonda ema Yerzù Krirztò a jà o lì e àwuŋmɛ̀lɛ̀.

1 Pètrò 4:7

Lirzuku la hweyà hwe arzɛ lì ma kombɛnɛ. È hwɛni lì àwòhvɛ̀lɛ̀, na lì aŋgowa, aŋga nanù e tànɛ lì kànɛ.

1 Pètrò 5:8

Ya aŋgowe, e wowe hvonda. Mòkarzɛ̀ e mɔ̀kɔ̀yèlì wa anyu a hwèlì a ahwa ndi nàa njila ema e rzìŋga o lì arza njɛnɛ ema a tàawa.

2 Pètrò 1:6

O ŋmanyu ya lìhwiyè la anyu, e hwi hvɛ lì àwòhvɛ̀lɛ̀ la anyu. O ŋmanyu ya lì àwòhvɛ̀lɛ̀ la anyu, e kake mèèmà me anyu. O ŋmanyu ya lì kaka la mèèmà me anyu, ɛ̀ɛ̀mɛ̀ ya anyu e àŋgàmɛ̀nɛ̀yi ndi lì hwɛ nàa ɛ̀ɛ̀mɛ̀ ya hwatò hwa Lohwà e hwɛni lì hwɛ.