Tàyìtùrzì 2:15 - Mokpwe: Bakwery (New Testament)

¹⁵ O eŋgànɛ̀lɛ̀ rzɔ̀, o òkolɛ hwatò hwene hweyà. O embɛ nà lì kànja na lìkànèyà ema Lohwɛ̀ à mà o ŋgbɛ. O rzi keka lì emeyà nanù ema tɔ̀ mòtò tɔ̀ mɔ̀kɔ a o ndinde.

Tàyìtùrzì 2:15 Mawu Ofanana

Matiyò 7:29

èhwanja à mà òkòlɛ̀nɛ̀ nà lìkànèyà. A rzi hwɛ lì òkòlɛ̀ nàa Hwà-òkòlèlì hwa mbenda.

Makòrzì 1:22

Hwatò ema hwa mà hwɛ lì mò òkànèyà, hwa mà tàmeyà hwèyòkòlèlì hwe eni èhwanja a mà òkòlɛ̀nɛ̀ nà lìkànèyà, à rzi hwɛ lì òkòlɛ̀ nàa Hwà-òkòlèlì hwa mbenda.

Makòrzì 1:27

Hwatò hwa arzɛ hwa mà tàmeya enè eyà rzayì-rzayì, rzìi hwa ijòwànɛ mɔ̀kɔ nà ɔnɛ̀yi nanù ema, “Ima tumba eyà ène! Hwèyòkòlelì hwe hvènya hwe ene e? Ònò mòtò à hwɛnì ŋginyà ò lì kànja hwèlìŋgɛ̀ hwe wòhwe natɛ̀ɛ hwe mò hweyànà!”

Lukàrzɛ̀ 4:36

Hwatò hwa arzɛ hwa mà jeja, rzìi hwa àyijòwànɛ̀ mɔ̀kɔ nà ɔ̀nɛ̀yi nanù ema, “Ima lìtumba la mbɔrzi lìni e? Nɛ mòtò a tànɛyi lì kànèyà hwèlìŋgɛ̀ hwe wòhwe nà ŋginyà, rzìi hwe wurzà e?”

1 Kɔ̀rintìyà 16:11

O èŋgànɛ̀lɛ̀ rzɔ tɔ̀ mòtò a rzi mo niya. È mo òŋgòwane a ɛ̀ndɛ o yɔ̀ndɔ̀ ya eni na ɛ̀yɔ̀lɛ̀, aŋga nanù mɔ̀ nà hwahvɛhvɛ hwatò hwa Krirztò ema na ambɛ̀lɛ hwanù ùŋmanɛlɛ anù.

1 Tìmotì 5:20

Mòmbaki wa ŋmèmba a toni tɛ, o mo kanje o worzo wo ŋmèmba, aŋga nanù hwanɛyi hwàmbaki hwa ŋmèmba hwa oka wɔ̀ŋgɔ̀ o lì gbeyà wòhwe.

2 Tìmotì 4:2

O lì ohwa ŋmɛ̀ndì mò gbamù mò ama Lohwɛ̀, tɔ̀ hwatò hwa lìŋgàna o lì mo hweyà tɔ̀ hwa rzi lìŋgàne. O hwa gbeye o lì hwiya nanù ema tɔ̀ mamɛ ema o hwa òhwèyà e hwèlì ndi è jɔ̀kɛ̀, o hwa gbeye hwa hwɛmɛ lì gbeyà wòhwe o hwa kɔ̀mɛ̀lɛ̀, ndèŋgàna o òkolɛ hwatò hwene hweyà hwe arzɛ na lì àjùlɛ̀.

Tàyìtùrzì 1:13

Hwene hwèyohwèlì hwe ama ono mòòhwèlì wà èlìŋgɛ̀ lì hvomɛ̀nɛ̀ hwatò hwa èkomè ya Krɛ̀tɛ, hwe hwèlì ndi e jɔ̀kɛ̀. O eŋgànɛ̀lɛ̀ rzɔ, hwatò ema hwa lòkɛ̀ Yerzù rzi hwa a ika hweŋge hwèyòkòlèlì hwe mòlàŋgà, o hwa kànje na ŋginyà o lì hwa ohweyà nanù ema hwa toni, aŋga nanù wɔ̀ hwa lòkɛ̀ hwèyòkòlèlì hwe jɔ̀kɛ̀ lì hvomɛ̀nɛ̀ Yerzù.

1 Pètrò 4:11

Tɔ̀ ima mòtò ema à hwi lì ohwa gbamù inyɛ à ohwe ndi nàa à ohwa ndi è mbɔrzi ema è uwɛ̀lɛ̀lɛ̀yì ò mà Lohwɛ̀ mɔ̀ ŋmìti. Tɔ̀ njɛnɛ ema à oŋgowàna hwatò, inyɛ à gbeyàne ndi è ŋginyà ema Lohwɛ̀ à mò ŋgbelì. Jèka jò ò ŋgbààhwà Lohwɛ̀ lì hvomɛ̀nɛ̀ hweyà hwe arzɛ lì akeyà nà Yerzù Krirztò. Èluhwe yà arzɛ nà è ŋginyà yà arzɛ è hwɛ nà mɔ̀ ò gbìndèyà nà ò gbìndèyà. Inyɛ̀ wò lìya nanù!