Tàyìtùrzì 2:12 - Mokpwe: Bakwery (New Testament)

¹² O nyòla ene ndèli, Lohwɛ̀ à mà jo òkolɛ o lì rzɔ̀njɛlɛ hweyà ema a rza arza nanù ema i gbeye, ndèŋgànɛ̀lɛ̀ o lì hwɛmɛ e nyɔ̀ŋgì ya lì gbeyà mamɛ ema hwatò hwa è rze yà mɔ̀nyɛ̀ ema hwa rza hwiyɛ Lohwɛ̀ hwa gbeyà. O lì okolɛ o lì gbeyà hweyà nàa hwatò ema hwa hwi nɛ hwa gbeyà hweyà, o lì gbeyà hweyà ema hwe hvomɛ̀nɛ̀, na o lì gbeyà hweyà ema Lohwɛ̀ a arza nanù ema i gbeye anu rze ya mɔ̀nyɛ̀.

Tàyìtùrzì 2:12 Mawu Ofanana

Matiyò 12:32

Tɔ̀ ima mɔ̀ ema a òhwi ìrzìlàkò lì nò teŋgɛ̀nɛ̀ imba è Ŋmanà wà è Mòtò wà Hwènàmà Lohwɛ̀ a ò mò làkìrzɛ̀ ndi e mɔ̀ ema a òhwi ìrzìlàkò lì teŋgɛ̀nɛ̀ Èlìŋgɛ̀ yà Wòtani a rza ò làkìrzɛ̀hwɛ̀ ò ene nyɔ̀ŋgɔ̀ni ya naŋgɛ na e yɔ hvɛ ema e ò jɛ̀ɛ̀.

Matiyò 16:24

Yerzù rzìi a òhweyà Hwà-òkòwèlì hwa eni nanù ema, “Tɔ̀ ima mòtò ema arza lì nò nɔ̀ŋgɔ a hwɛnì lì ahvòŋgɛ, rzìi a hwanɛ̀ e mbarzà ya eni rzìi à nò òŋgama.

Matiyò 28:20

È hwa òkòlɛ̀ hvɛ ò lì nɔ̀ŋgɔ hweyà hwe arzɛ ema na e kànèlì ò lì gbeyà. È hwiye nanù ema na hwɛ na inyɔ natɛ̀ɛ na ò lìrzùkù la rze.”

Lukàrzɛ̀ 1:6

Lòŋgɛ là ama Rzàkàriyà nà Èlìrzabɛ̀tì lì mà hwɛ gbamù ò wòrzò wò ama Lohwɛ̀. Wɔ̀ hwa mà ika imbenda ja ama e Rzàŋgò ndèŋgàna wɔ̀ hwa mà gbeyà mamɛ ema è ma lɔ̀wu.

Lukàrzɛ̀ 1:75

Èŋge hvònda jò ò mò gbèeyà nà mèèmà me arzu ema me tani, nà lì tɛ̀mɛ̀ hvɛ ehve-ehve ò wòrzò wò eni, ò hwèyu hwe àrzɛ hwe lòŋgɛ la arzu.

Yòwanìrzɛ̀ 14:30

Nà rza òhwa hvɛ na inyɔ hvònda ema e wawi, èhwanja e mòkànèlì wà ene rze a hwèlì a ja. Mɔ̀ a rza nò hwɛnelì tɔ̀ ŋginyà.

Yòwanìrzɛ̀ 6:25

È hvònda ema hwaŋga hwatò hwa mà uke ò enɛyi èhvàrzù ya yùlu rzi hwa ɛnɛ Yerzù. Hwà mà mò ijòwa nanù ema, “Ìi Mòòkòlèlì, ima hvònda ò wa ò ùkelì anù e?”

Hwègbèèlì 24:16

O èŋgànɛ̀lɛ̀ na keka ihvònda ja arzɛ nanù ema ŋmèma mò ami mò rzaŋge ò wòrzò wò ama Lohwɛ̀ na ò wòrzò wò ama e mòtò wa hwènàmà.

Hwègbèèlì 24:25

Ndi na òma Pàwolò à mà hwɛ lì òhwa lì hvòmɛ̀nɛ̀ lì tɛ̀mɛ̀ la ehve-ehve ò wòrzò wò ama Lohwɛ̀, lì alɛ̀mbɛ, na Wùùnyà wò hwèkàyìrzèlì ema wò hwɛnì lì jà. Hvɛlìkrzi à mà òka wɔ̀ŋgɔ̀. Hvɛlìkrzi rzìi a òhwa nanù ema, “Inyɛ̀ i hwɛmɛ ene mbɔrzi nanù. O tanɛyi ò ɛndɛ. Nà lu tɛ ehvòlò na ò hwɛlɛ hvɛ.”

Ròmànì 12:2

È rzi keka lì òŋgama hwɛ̀ɛ̀mɛ̀ hwe hwatò hwa ene rze ya mɔ̀nyɛ̀, ndi e hwɛmɛ Lohwɛ̀ a tikòwe mèèmà me anyu, aŋga nanù e luwa mèèmà me hvènya. Èŋge ye e gbeyà e rzɔ̀ŋgìtɛ̀nɛ̀ na ò lì òŋgama hweyà na òma Lohwɛ̀ a àrzeyà. Inyɔ e hwi gbamù hweyà ema Lohwɛ̀ a lìŋgàni ndèŋgànà e òŋgama hweyà ema hwe hvòmɛ̀nɛ̀yi.

Ròmànì 6:12

O èŋgànɛ̀lɛ̀ rzɔ, e rzi hwɛmɛ wòhwe wò kànèyà e nyàmà ya nyò ya anyu ema e ŋwaa. Èŋge e gbeyà nanù ema inyɔ e rza òŋgama e nyɔŋgi ya e nyàmà nyò hvɛ.

Ròmànì 6:19

Nà òhwa ndi hwene hweyà hwe arzɛ nanù, ò hwèhwɛ̀ɛlì nàa e mòtò wa hwènàmà èhwanja inyɔ nàa hwatò hwa hwènàmà, lì rzɔ̀ŋgìtɛ̀nɛ̀ la anyu lì rza imbami. O mòlòmɛ̀ e ma aŋgbɛ inyɔ hwiti nàa hwàkòmì ò lì gbeyà hweyà hwe mbindò na e hwe wòhwe. È ma lìmeya ndi ò lì gbeyà hweyà hwe wòhwe nanù mɛnɛ. Nàŋgɛ e àŋgàmɛ̀nɛyi lì aŋgbɛ inyɔ hwiti nàa hwàkòmì, ò lì gbeyà hweyà na òma Lohwɛ̀ a hwe àrzeyà. Ène eyà ndi e gbeyà mòŋgɛ ma anyu ò lì hwɛ wòtani.

Ròmànì 8:13

Èhwanja e gbèyi tɛ ndi na òma e nyàmà nyò ya arza nanù òma e hwɛni lì ŋwa. Ndi e hwèlì tɛ ò ŋginyà ya Èlìŋgɛ̀ ya ama Lohwɛ̀ rzìi e òŋwa hweyà hwe wòhwe ema e gbeyà, nanù òma e luwa lòŋgɛ.

2 Kɔ̀rintìyà 1:12

Mamɛ ya arzɛ ema e gbèyɛ̀nɛ̀yi, e jò ŋgbelì kumba. I tànɛyi lì ohwà na mèèmà me rzaŋgi ema o hwɛ̀ɛ̀mɛ̀ hwɛ arzu hwe arzɛ anù rze, rzɛ̀hvɔ̀nì na oma i hwèlì na inyɔ na mèèmà me wòtani, na e jɔ̀kɛ̀ ya arzu. Nànù ndi Lohwɛ̀ a mà tɛ̀yirzɛ ema e hwɛ. Rzeketɛ o lìhwiyè la arzù la mòtò wa hwènàmà, ììlì ja ama Lohwɛ̀.

2 Kɔ̀rintìyà 7:1

Ìi Wònyamòwè kòkò, nà oma Lohwɛ̀ a ohwi ama mɔ̀ ndi à hwèlì e Tatɛ̀ ya arzu, irzɔhvɛ i hwɛ hwàanà hwa eni. Inyɛ̀ i rzɔnjɛ̀lɛ̀ hweyà ema hwe rzɔkɔ i nyo na hwèlìŋgɛ̀ hwe arzu. Inyɛ̀ i luwɛ Lohwɛ̀ na lì hwɛnɛ lòŋgɛ ema lì tani. Ène ŋgàna ndi e jo gbeyà o lì kanɛ̀ Lohwɛ̀ na oma ya àrzàhweyà.

Gàletìyà 1:4

Ò lì arza nanù ema i rzolowahwa ò lì gbeyà wòhwe ò ene rze yà yawono, Yerzù Krirztò à mà aŋgbɛ mɔ̀ ŋmìti ò lì jò ŋwèeyà ò wòhwe wò arzu. À mà gbeyà ndi nanù èhwanja nanù ndi Lohwɛ̀ è Tatɛ̀ yà arzu è mà tɛ̀yirzɛ.

Gàletìyà 5:24

Ndèŋgàna hwaŋga hwatò ema hwa hwèlì na Yerzù Krirztò hwa rza enje hvɛ o rze ya e nyɔ̀ŋgi ya e nyàmà nyo. È gbèyi ndi nàa hwa ɛnɛ oma hwà mà wòmeyà eŋge nyɔ̀ŋgi ya e nyàma nyo ò mbarza, ndèŋgàna e ma ŋwèeyà aŋga.

Ɛ̀hvìrzìyà 1:4

Ndèŋgànà Lohwɛ̀ à è wèka è rze, à mà màà lì jò hvɔ̀rzɔ̀ ò lì hwɛ hwatò wà eni mòndèŋge nà Yerzù Krirztò. À gbèyi ndi nanù, aŋga nanù irzɔ ì hwɛ wòtani ema ì rza ohva màtònà ò worzò wò ama Lohwɛ̀. Nà oma Lohwɛ̀ à jò lìŋgàni,

Ɛ̀hvìrzìyà 2:2

Ò eŋge hvonda è mà nɔ̀ŋgɔ̀ hweyà hwe wòhwe hwe hwatò hwa ene rze. È mà hwɛ lì hweyàna è mòkànèlì ema à kànèyà hwèlìŋgɛ̀ hwe wòhwe ema hwe hwèlì ò yululì. Nàtɛ̀ɛ nà yàwònò, eŋge èlìŋgɛ̀ è hwèlì è kànèyà hwatò ema hwa gbeyà mamɛ ema Lohwɛ̀ à ohwi nanù ema hwa rza gbeyà.

Kòlòrzìyà 1:22

Ndi ò naŋgɛ, Lohwɛ̀ à mà gbeyà nanù ema inyɔ è mò tìmbeyà ò lì akeyà nà è kpelì yà ama è ŋmanà wà eni Krirztò ò mbàrza ema à mà ohva è nyo yà mòtò wà hwènàmà. Lohwɛ̀ à mà gbeyà ndi nanù aŋga nanù inyɔ è hwɛ ò èki ema mɔ̀ à hwèlì, inyɛ inyɔ è hwɛ hwatò ema hwa rzàŋgi, è rza àŋgàmɛ̀nɛ̀ lì hwɛnɛ tɔ̀ lìtɔ̀ti tɔ̀ lɔ̀kɔ là wòhwe ò nyo yà anyu, inyɛ hwa rza è lɛ̀mbɛ nà tɔ̀ lìtònà tɔ̀ lɔ̀kɔ.

1 Tɛ̀rzàlonìyà 4:7

Lohwɛ̀ a rzi jo hvɔ̀rzè o lì hwɛnɛ ɛ̀ɛ̀mɛ̀ ya èèti, ndi mɔ̀ à mà jo hvɔ̀rzɔ̀ o lì hwɛnɛ ɛ̀ɛ̀mɛ̀ ya wòtani.

1 Tɛ̀rzàlonìyà 4:9

O nàŋgɛ nanù lì hvomɛ̀nɛ̀ e ndìŋgɛ ema e ahwɛ̀nɛ̀nɛ̀yi mɔ̀kɔ na ɔ̀nɛyi nàa hwàlòkèlì hwa ama Lohwɛ̀ i rza aŋgàmɛnɛ lì atàkìrzɛ o lì e tìleya, ehwànja Lohwɛ̀ mɔ̀ ŋmìti à mà màa lì e okolɛ nɛ e àŋgàmɛ̀nɛ̀yi lì lìŋgàna mɔ̀kɔ na ɔ̀nɛyi.

1 Tìmotì 4:12

O rzìi keka lì emeyà nanù ema tɔ̀ mòtò tɔ̀ mɔ̀kɔ a o ndinde èhwanja o hwèlì ndi mberza. Ndi o uŋmɛ̀lɛ̀ hwatò ema hwa lòkɛ̀yì ɛ̀ɛ̀mɛ̀ ya gbamù aŋga nanù wɔ̀ hvɛ hwa gbeyà molemilemi. Hweyohwèlì hwe aŋgɔ̀, ɛ̀ɛ̀mɛ̀ ema o òhvi, hwèlìŋgànèlì hwe aŋgɔ̀ hwe hwatò, lì lòkɛ̀ la aŋgɔ̀ na Lohwɛ̀ ndèŋgàna na oma o rza gbeyà hweyà hwe mbindo hwe hwɛni ndi lì hwɛ nàa embànèlì o hwatò ema hwa lòkɛ̀.

1 Tìmotì 6:17

O kòkòwɛ̀lɛ̀ hwaŋga hwatò ema hwa nàmì kɔ̀yi-kɔ̀yi nanù ema hwa rzi a ekirzɛ o lì kumba ìŋgèŋgè, ndèŋgàna hwa rzi ika mèèmà me awu o mònàmɛ̀ mo awu ema mo kuwa, ndi hwa ika ndi mèèmà me awu o ma Lohwɛ̀. Mɔ̀ ndi à hwèlì e mɔ̀ ema a jo ŋgba hwèèmà hwe arzɛ ema ja arza aŋga nanù jo òka mɔ̀nyɛ̀ŋgì.

1 Tìmotì 6:9

Ndi hwatò ema hwa arza lì tuwa hwèwàŋgì hwa unda o tenì ya màkèkìrzɛ̀nɛ̀ ndèŋgàna hwa hwɛ ndi nàa hwatò ema hwa undi o ŋgùndèli. Wɔ̀ hwa arza ndi lì gbeyà hweyà rzayi-rzayi ema hwe rza lɔ̀wu na hweyà rzayi-rzayi ema hwe rza hwa lɔɔnɛ. Hwene hweyà hwe hwa gbeyà hwa taka rzayi-rzayi.

2 Tìmotì 3:12

Ndi o jɔ̀kɛ̀, tɔ̀ ima mòtò ema a arza o lì lìya lòŋgɛ la ehve-ehve, na oma mɔ̀ à hwèlì na Yerzù Krirztò a hwɛni lì tàkìrzɛ̀hwɛ o màà mà hwatò.

2 Tìmotì 4:10

Nà ohwa nanù èhwanja Dɛ̀màrzì à mà no kìnyɛ̀lɛ̀ èhwanja, mɔ̀ à mà ɛndɛ o mbowà yà Tɛ̀rzàlònìkà èhwanja a lìŋgàni lòŋgɛ la ene rze. Klɛrzɛnrzi à mà ɛndɛ o erzòokà ya Gàlerzìyà, Tàyìtùrzì mɔ̀hvɛ à mà ɛndɛ o mbowà ya Dàlmàtìyà.

Tàyìtùrzì 3:3

O hvonda hvɔ̀kɔ ema e ma aka, irzɔ hvɛ i ma hwɛ hwèèti, i rzi hwɛ lì hweyàna Lohwɛ̀, i ma hvònda e njiya, i ma hwɛ nàa hwàkòmì na oma i ma ohve e nyɔ̀ŋgi ya hweyà hwe e rze ya mɔ̀nyɛ̀, ndèŋgànɛ̀lɛ̀ i ma hwɛ lì arza mɔ̀nyɛ̀ŋgì mo e rze. Mòŋgɛ ma arzu ma mà onda ndi na inona na ɛ̀kɔ̀wù. Hwàto hwà mà jo kɔwu ndèŋgànɛ̀lɛ̀ irzɔ hvɛ i ma kɔwu mɔ̀kɔ na ɔnɛyi.

Hibrù 8:11

Tɔ̀ mɔ̀kɔ wà awu à rza tanɛyi lì okolɛ̀ e mbunda ya eni ndèŋgànɛ̀lɛ̀ tɔ̀ mòtò a rza o ohweyà ŋmanyàŋgò wa eni nanù ema a hwi Lohwɛ̀, èhwanja wɔ̀ hwa arzɛ hwa o no hwiya, lì wòteya o hwarzàlì natɛ̀ɛ no o hwàmbaki.

Jèmìrzì 1:27

O lì gbèeyà Lohwɛ̀ o ŋgànà ema e hwèlì Wòrzàŋgì ndèŋgànà o jɔ̀kɛ̀ ya ama Tatɛ̀ Lohwɛ̀, e hwèlì ndi o lì ɔŋgeya i nyuhwe ja hwàna na mekurze me hwalana ema me tàka, na lì àwòhvɛ̀ la eni la gbamù e rzi hwɛ nanù ema hweyà hwe mbindo hwe e rze ya mɔ̀nyɛ̀ hwe mo atukɛ o nyo.

2 Pètrò 2:9

O eŋgànɛ̀lɛ̀ rzɔ, e Rzàŋgo e hwi nɛ a kombɛ hwatò ema hwa hwi Lohwɛ̀ o màkèkirzɛnɛ ma awu. Nà nɛ hvɛ o lì ika hwatò hwa wòhwe o rze ya hwèkɔ̀kìrzèlì o lì ambɛ̀lɛ̀ Wùnyà wo hwèkàyìrzèlì.

2 Pètrò 3:11

Kànàtɛ hwene hwema hwe arzɛ hwe ò hvàŋgahwɛ̀ ndi ò ene ŋgànà, ima lìtumba là hwatò inyɔ è ò hwɛ̀ɛ̀ e? Mòòŋgɛ mà anyu mà àŋgàmɛ̀nɛ̀yi lì hwɛ Wòrzàŋgì ndèŋgànɛ̀lɛ̀ inyɔ hvɛ e hwɛnɛ ɛ̀ɛ̀mɛ̀ hwe hwatò hwa ama Lohwɛ̀.

1 Yòwanìrzɛ̀ 2:27

Ndi ò inyɔ, Krirztò à mà è ondìrzɛ̀ nà Èlìŋgɛ̀ yà Wòtani ndèŋgànɛ̀lɛ̀ yɔ̀ è hwèlì ò tenì yà anyu. Ò eŋgànɛ̀lɛ̀ rzɔ, inyɔ è rza arza mòtò ò lì è okòlɛ̀ ehwànja Èlìŋgɛ̀ è mà e okòlɛ̀ hweyà hwe arzɛ, ndèŋgànɛ̀lɛ̀ hweyà ema à è okòlɛ hwe hwèlì ndi è jɔ̀kɛ̀ rzeketɛ mòlàŋga. Ò eŋgànɛ̀lɛ̀ rzɔ, nanù mɛnɛ nà Krirztò nà oma Èlìŋgɛ̀ yà Wòtani è mà è okòlɛ̀.

1 Yòwanìrzɛ̀ 2:6

Tɔ̀ njɛnɛ ema à ohwa nanù ema à hwèlì nà Lohwɛ̀ ò ì hvonda jà arzɛ, lòŋgɛ là eni lì àŋgàmɛ̀nɛ̀yi ndi lì hwɛ nàa è là ama Yerzù Krirztò.

1 Yòwanìrzɛ̀ 5:19

Ì hwi nanù ema irzɔ ì hwèlì ndi hwàanà hwa ama Lohwɛ̀, tɔ̀ nɛ ì hwi nanù ema è Mɔ̀ wà Wòhwe ndi à kànèyà hwatò ò rze ema hwa rza hwiyɛ Lohwɛ̀.

Judɛ 1:18

Hwa mà è ohweyà nanù ema, “Ò mèènyà mè lìrzukù ema mè ò jɛ̀ɛ̀, hwatò ema hwa è yɔ̀ɔ̀yeyà hwa ò jà, wɔ̀ ema hwa oŋgàma ndi hweyàrzèlì hwe awu hwe è nyàma nyo ema hwe rza enje hwetɛirzelelì hwe ama Lohwɛ̀.”

Hwèwulùwèlì 14:12

Ène eyà è hwèlì ndi nanù ema, hwatò hwa wòtani hwa ama Lohwɛ̀ hwa àŋgàmɛ̀nɛ̀ lì ajùlɛ̀ ò tenì yà mètàkà, ò lì ika imbenda jà ama Lohwɛ̀ nà ò lì kombɛ̀ lìlòkɛ̀ là awu nà Yerzù.