Tàyìtùrzì 2:10 - Mokpwe: Bakwery (New Testament)

¹⁰ Hwa rzi keka lì hwa ihwàna, ndi hwa uŋmɛ̀lɛ̀ irzàŋgo ja awu ja èwòlò nanù ema wɔ̀ hwa tànɛ lì lòkɛ̀hwɛ. Wɔ̀ hwa aŋgàmɛ̀nɛ̀yi ndi lì gbèeyà nanù, aŋga nanù tɔ̀ ima eyà ema hwa gbèeyà, e gbeyà hwatò ò lì uŋmɛ̀lɛ̀ èluhwe o mamɛ ema irzɔ jo òkolɛ lì hvomɛ̀nɛ̀ ŋmɛ̀ndì mo ama Lohwɛ̀, e Mòrzùŋgèlì hwa arzu.

Tàyìtùrzì 2:10 Mawu Ofanana

Matiyò 24:45

“Njɛnɛ rzɔ a hwèlì e mògbèèlì hwa lìhwiyè na e jɔ̀kɛ̀ e? Mɔ̀ ndi rzàŋgɛ wa eni wa èwòlò a ŋgba e wònja ò lì kànèyà hwanɛ̀yi hwàgbèèlì ò lì hwa ŋgba mòlelì mò awu ò e hvònda ema e hvòmɛ̀nɛ̀.

Matiyò 5:16

Inyɛ̀ inyɔ hvɛ è pànye ndi ŋgàna hvɔ̀kɔ nàa ètùlù. Hwatò hwa ɛni tɛ hwèwòlò hwe anyu hwe gbamù ema è gbèya, hwa eka Lohwɛ̀ Tatɛ̀ hwa anyu ema à hwèlì ò ŋmanyu yà lohwà.”

Lukàrzɛ̀ 1:47

èlìŋgɛ̀ ya amì hvɛ e òkani Lohwɛ̀ mɔ̀nyɛ̀ŋgì. Mɔ̀ ema à hwèlì è mɔ̀kɔ̀tèlì wà amì.

Lukàrzɛ̀ 1:80

Yòwanìrzɛ̀ à mà òŋgà, Èlìŋgɛ̀ ya ama Lohwɛ̀ e mà mò ŋgba màyìmbì. À mà lìya ò mòrzànjɛ̀, natɛ̀ɛ nà è hvònda ema a mà wòteya lì òhweyà hwatò hwa Irzàyɛ̀lì Eyà ya Lohwà ò mòte.

Lukàrzɛ̀ 16:10

Mòtò ema a tànɛyi ò lì ɔ̀ŋgeyà hweyà hwè rzàlì, à tànɛyi hvɛ ò lì ɔ̀ŋgeyà hweyà hwè ndɛnɛ̀. Mòtò ema à rza tanɛ̀yi ò lì ɔ̀ŋgeyà hweyà hwè rzàlì, à rza ò tànɛyi hvɛ̀ tɔ̀ lì ɔ̀ŋgeyà hweyà hwe ndɛnɛ̀.

Yòwanìrzɛ̀ 12:6

À rzìi òhwe ndi ene eyà èhwanja à mà lutaneya mèlìrza me hwatò gbamù, ndi èhwanja à mà hwɛ ndi ŋmìhwɛ̀. Mɔ̀ ndi à mà òhva lìyamba la wòlì, à mà hwɛ lì a òŋgòwanɛ mɔ̀ ŋmìti na wòŋgò wòlì.

1 Kɔ̀rintìyà 4:2

Mamɛ ema e arzàhwà na hwanù hwàgbèèlì e hwèlì ndi nanù ema hwa hwɛ jɔ̀kɛ̀ na èwòlò ya awu, ema Rzàŋgo wa awu a hwa ŋgbelì.

Ɛ̀hvìrzìyà 4:1

O èŋgànɛ̀lɛ̀ rzɔ imba ema na hwèlì ndi nàa mòtò wa hwèwòwà èhwanja o nyòla èwòlò ema na gbèeya Rzàŋgo, nà è rzòrzòmèyà nanù ema hwɛ̀ɛ̀mɛ̀ hwe anyu hwe hwɛ ndi na oma Lohwɛ̀ a arza, na oma Lohwɛ̀ à mà e hwɛlɛ à mà e lìya.

Hvìlipìyà 1:27

O nàŋgɛ, ɛ̀ɛ̀mɛ̀ ya anyu e àŋgàmɛ̀nɛ̀ ndi lì hwɛ na oma Krirztò o ŋmɛ̀ndì mò gbamù mo eni a ohwi. Ène eyà e gbeyà nanù ema tɔ̀ imba na jà o lì e ɛnɛ tɔ̀ na rzi e ɛnɛ, na hwiya nanù ema inyɔ e tɛmi gbamù nàa mòtò mɔ̀kɔ, ndèŋgànɛ̀lɛ̀ e hwɛni hvɛ ndi mɔ̀ŋgɛ̀lɛ mɔ̀kɔ o lì ana lì kombɛ mamɛ ema inyɔ e lòkɛ̀.

Hvìlipìyà 4:8

Ìi wònyàmòwe kòkò, o lì kulɛ ene mbɔrzi, e lùteyà hwène hweyà o ihvonda ja arzɛ. È lùteyà tɔ̀ ima eyà ema e hwèlì e jɔ̀kɛ̀, tɔ̀ ima eyà ema e hwèlì ema e lɔ̀wu, tɔ̀ ima eyà ema e hvomɛ̀nɛ̀, tɔ̀ ima eyà ema e rza ohvɛ tɔ̀ lìtɔ̀tì la wòhwe, tɔ̀ ima eyà ema hwatò hwa àŋgàmɛ̀nɛ̀yi lì lìŋgàna na tɔ̀ ima eyà ema e ɛni nanù ema ye e lɔ̀ɔ̀ni. È ɔ̀ŋgɛ̀lɛ̀ hweyà ema hwe lɔ̀wu rzayi-rzayi ndèŋgànɛ̀lɛ̀ e hweyɔ ema hwatò hwa ohwa nanù ema hwe lɔ̀wu. Ini nyayi ja hweyà ndi e àŋgàmɛ̀nɛ̀yi lì ika o màlùtèyà ma anyu o ihvonda ja arzɛ.

1 Tìmotì 1:1

Imba Pàwolò, ema na hwèlì e àpɔ̀rzìtòlò ya ama Yerzù Krirztò, ndi na tilì ene kààtì. Lohwɛ̀ ndi à no kànèlì ema na gbeye ene èwòlò mɔ̀ ema a jo rzùŋgi o wòhwe hwa arzu. Lini lìkànèyà lì uwɛ̀lɛ̀lɛ̀yi hvɛ oma Krirztò Yerzù ema ji ikayi lìhvìta.

1 Tìmotì 5:17

Hwambaki hwa ŋmèmba ema hwa timba ŋmèmba gbamù hwa àŋgàmɛ̀nɛ̀yi lì ŋgbààhwà èluhwe na mòrzawèlì. Rzɛhvɔ̀ni hwaŋga ema hwà mà ŋgbahwɛ èwòlò ya lì ohwa na lì okolɛ ŋmɛ̀ndì mo ama Lohwɛ̀.

1 Tìmotì 6:1

Hwatò hwa arzɛ ema hwa hwèlì hwàkòmì hwa àŋgàmɛ̀nɛ̀yi lì ŋgba irzàŋgo ja awu èluhwe o hweyà hwe arzɛ. Àŋga nanù tɔ̀ mòtò a rza ohwa tɔ̀ eyà ya wòhwe lì teŋgɛ̀nɛ Lohwɛ̀ ndèŋgàna hwa rza ohwa hweyà hwe wòhwe o mamɛ ema irzɔ jo òkolɛ.

1 Tìmotì 6:3

O hwèlì loŋgo la hwatò ema hwa okolɛ hwèyòkòlèlì ema hwe rza hvomɛ̀nɛ̀. Hwèyòkolelì hwe awu hwe rza enje nyayi hvɔ̀kɔ na hwèyòkòlèlì hwe ama e Rzàŋgo ya arzu Yerzù Krirztò ema hwe okolɛ hwatò ò lì gbeyà na oma Lohwɛ̀ a àrzeyà.

Tàyìtùrzì 1:3

È hvonda ema Lohwɛ̀ à mà ɛnɛ nanù ema e hvomɛ̀nɛ̀, à mà gbeyà hwatò ò lì hwiya ŋmɛ̀ndì mò eni. Lohwɛ̀ à mà no ŋgba moŋgo ŋmɛ̀ndì o màà mà ami, ndeŋgànɛlɛ nà hwèlì nà mò ohwa nà e wònja ema Lohwɛ̀ e Mòrzùŋgèlì hwa arzu a no ŋgbelì.

Tàyìtùrzì 3:4

Ndi Lohwɛ̀, è Mòrzùŋgèlì hwa arzu, à mà jo uŋmɛ̀lɛ̀ ŋmèma mo eni mo ììlì na e ndìŋgɛ ya eni.

1 Pètrò 2:12

È hwɛnɛ hwɛ̀ɛ̀mɛ̀ hwe gbamù o ìtììtènì ja hwaŋga hwatò ema hwa rza lòkɛ̀ Lohwɛ̀, aŋga nanù tɔ̀ nɛ wɔ hwa e rzàmba nanù ema e gbeyà wòhwe, wɔ hwa ɛnɛ hwegbèèlì hwe anyu hwe gbamù. Èŋge e gbeyà hwa eka Lohwɛ̀ o wùnyà wo hwejèelì hwe eni.

1 Pètrò 3:16

Ndi e gbeye nanù na mèèmà ema me lìhvohwèlì. Inyɔ e gbeyà tɛ nanù, inyɔ e arzihwirzɛ na èluhwe ya arzɛ ndèŋgànɛ̀lɛ̀ inyɔ e lìhvowe mèèmà me anyu o hwatò ema hwa ohwa hweyà hwe wòhwe o lì e teŋgɛ̀nɛ̀ ehwànja e oŋgama Krirztò. Wɔ̀ hwa o òka ìrzɔnì hwa ɛni tɛ hwɛ̀ɛ̀mɛ̀ hwe anyu hwe gbamù.

2 Yòwanìrzɛ̀ 1:9

Tɔ̀ ima mòtò ema à rza oŋgàmɛ̀ hwèokòlelì hwe ama Krirztò, rzìi à oŋgama ndi hwehvɛhvɛ hwèokòlelì nanù oma à rza enje nà Lohwɛ̀. Ndi tɔ̀ ima mòtò ema à oŋgama hwèokòlelì hwe ama Krirztò nanù oma à hwèlì nà è Tatɛ̀ nà è Ŋmanà wà eni.