Tàyìtùrzì 1:9 - Mokpwe: Bakwery (New Testament)

⁹ A àŋgàmɛ̀nɛ̀yi ndi lì hwɛ mòtò ema a ika ŋmɛ̀ndì mò gbamù kɔ̀yi-kɔ̀yi, ŋmɛ̀ndì mò gbamù ema hwatò hwa àŋgàmɛ̀nɛ̀yi lì ika mèèmà me awu aŋga ndèŋgànɛ̀lɛ̀ a lòkɛ̀yì na oma hwà mà mo òkolɛ. Ène e gbeyà nanù ema a tanɛ lì oŋgowàna hwahvɛhvɛ hwatò o lì oŋgama ŋmɛ̀ndì mò gbamù nyayi ema e hvomɛ̀nɛ̀. À ò tanɛ hvɛ lì uŋmɛ̀lɛ̀ o mòte màtònà ma hwatò ema hwa teŋgɛ̀nɛ̀ moŋgo ŋmɛ̀ndì mò gbamù.

Tàyìtùrzì 1:9 Mawu Ofanana

Hwègbèèlì 18:28

O hvenda ya eni ya ŋginyà mɔ̀ à mà rzuwàna wònyà Yudà ò hwèki hwe ŋgìndì. Mɔ̀ à mà hwa telɛlɛ lì akeyà na e kààtì ya Lohwà nanù ema Yerzù mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi.

1 Kɔ̀rintìyà 14:24

Ndi e hwèlì tɛ ema inyɔ̀ hwa arzɛ è ohwà ŋmɛ̀ndì mò ama Lohwɛ̀, rzi hwatò ema hwa rza lòkɛ̀ Krirztò, tɔ̀ hwatò ema hwa rza rzɔ̀ŋgìtɛ̀nɛ̀ hwenè hweyà, hwa jelì tɛ o wolìya wo anyu, wɔ̀ hwa emeyà nanù ema hwa gbeyà wòhwè, ndèŋgànɛ̀lɛ̀ wɔ̀ hwà mà tuwa ŋmaŋgo ò worzò wo ama Lohwà.

1 Tɛ̀rzàlonìyà 5:21

Ndi e kèkirzɛ hweyà hwe arzɛ ema wɔ̀ hwa ohwa. È lɛmbɛ hweyà ema hwe hvomɛ̀nɛ̀ ema hwa ohwa na ŋginyà.

2 Tɛ̀rzàlonìyà 2:15

Ò eŋgànɛlɛ rzɔ, ìi wònyàmòwe kòkò, è àyètìrzɛ̀nɛ̀ ò lì oŋgàma hwèyòkòlèlì ema irzɔ i lùù ndèŋgàna jè è okòlɛ. Irzɔ ì mà hwɛ lì è okòlɛ̀ ò hwèohwèlì hwe ŋmɛ̀ndì mò gbamù nà ò lì è tìleyà ò kààti.

1 Tìmotì 1:10

È mbenda ya ama Lohwɛ̀ e hwèlì ndi o hwatò hwa morzonje, o wunyanà ema hwa juwa hwahvɛhvɛ wunyanà na o hwalana hvɛ ema wɔ̀ hvɛ hwa juwa hwahvɛhvɛ hwalana. O hwatò ema hwa hvùma hwahvɛhvɛ hwatò ò lì hwa àhwirzɛ̀ nàa hwàkòmì, o hwatò ema hwa kɔɔ hweyà, na o hwatò hvɛ ema hwa aàtɛ hweyi ja mòlàŋga o hwèkayirzelì, na hwatò hvɛ hwa gbèeyà hweyà ema hwa rza enje o ŋmɛ̀ŋgɛ o lì ohwa mamɛ hwèyòkòlèlì hwe jɔ̀kɛ̀ hwe ohwa.

1 Tìmotì 1:15

Hwèyòhwèlì hwe jɔ̀kɛ̀ hwène, ema irzɔ i hwɛni lì èmeyà nà lì lòkɛ̀ kɔ̀yi-kɔ̀yi. Yerzù Krirztò à mà jà ò rze ò lì rzùŋga hwatò hwa wòhwe. Imba ndi nà hwèlì è mɔ̀ ema wòhwe wò eni wò koki lì aka wòhwe wò hwahvɛhvɛ hwatò.

1 Tìmotì 1:19

Ò lɛ̀mbɛ kɔ̀yi-kɔ̀yi ò lì lòkɛ̀ Krirztò nà lì gbeyà hweyà gbamù nà oma ŋmèma mò aŋgɔ̀ mò òhweyà. Lòŋgo là hwatò hwa rza gbeyà hweyà nà oma mèèmà mè awu mè hwa ohweyà ò lì gbeyà. Ène eyà ema hwa gbeyà ema hwa mà rzɔ̀njɛlɛ lìlòkɛ̀ là awu ndeŋgànɛ̀lɛ̀ hwa rza hwi òne hwa tànɛyi lì ɛndɛ.

1 Tìmotì 4:9

Ène eyà ema na ohwi nanù e hwèlì ndi e jɔ̀kɛ̀, e hwɛni lì e lòkɛ̀.

1 Tìmotì 6:3

O hwèlì loŋgo la hwatò ema hwa okolɛ hwèyòkòlèlì ema hwe rza hvomɛ̀nɛ̀. Hwèyòkolelì hwe awu hwe rza enje nyayi hvɔ̀kɔ na hwèyòkòlèlì hwe ama e Rzàŋgo ya arzu Yerzù Krirztò ema hwe okolɛ hwatò ò lì gbeyà na oma Lohwɛ̀ a àrzeyà.

2 Tìmotì 1:13

Ò lɛmbɛ nà ŋginyà è mbɔrzi yà jɔ̀kɛ̀ ema nà mà màa lì okòlɛ̀. È hwɛ ndi nàa ɛ̀mɛ̀nɛ̀nì ema ò àŋgàmɛ̀nɛyi lì nɔ̀ŋgɔ. Ò lòkɛ̀ Yerzù Krirztò ndèŋgàna ò lìŋgàne hvɛ hwahvɛhvɛ hwatò nà oma ò hwèlì mɔ̀kɔ nà Yerzù Krirztò.

2 Tìmotì 2:2

Hweya ema o ma hweye ema nà mà okolɛ rzayi-rzayi ja hwatò lì hvomɛ̀nɛ̀ Krirztò, o wa hvɛ o hwe okolɛ o hwahvɛhvɛ hwatò ema wɔ̀ hvɛ hwa tànɛyi lì okolɛ hwahvɛhvɛ hwatò.

2 Tìmotì 2:25

O òkolɛ hwaŋga hwatò ema hwa o teŋgɛ̀nɛ, aŋga nanù wɔ̀ hwa hwiya nanù ema hweŋge hweyà ema wɔ̀ hwa ohwa lì o teŋgɛ̀nɛ hwe rza enje e jɔ̀kɛ̀. O hwa okolɛ tɛ o hwa ajùlɛ̀nɛ̀, o hwɛni lì hwɛnɛ lìhvìtà nanù ema Lohwɛ̀ a gbeyà ema hwa embɛ lùùrzè la awu aŋga nanù hwa a eŋgohwɛ̀, ndèŋgàna hwa rzɔŋgìtɛ̀nɛ̀ e jɔ̀kɛ̀ ya mamɛ ema eyà ya Lohwà e ohwa.

2 Tìmotì 3:14

Ndi o wa Tìmòtì, ɛndɛ ndi o worzo ò lì gbeyà hweyà ema o ma okowɛ ema o lòkɛ̀ nanù ema hwe hwèlì ndi e jɔ̀kɛ̀ èhwanja o hwi hwatò ema hwà mà o òkolɛ e hweyɔ.

2 Tìmotì 4:3

È hvonda e o jà ema hwatò hwa rza òkànèyà hwèyòkòlèlì hwe jɔ̀kɛ̀, ndi wɔ̀ hwa o gbeyà ndi mamɛ mèèmà me awu me hwa ohweyà o lì gbeyà. Ndèŋgana wɔ̀ hwa o lìŋgàna ndi o lì òkànèyà hwà-òkòlèlì ema hwa o wo òkolɛ mamɛ ema wɔ̀ hwa lìŋgàni lì hweyà.

Tàyìtùrzì 1:11

O rzi keka lì emeyà nanù ema hwaŋga hwatò hwa okolɛ ehwànja wɔ̀ hwà mà hvuŋguhwa rzayi-rzayi ja màtumbà mà hwatò hwa ama Krirztò na oma wɔ̀ hwa okolɛ hweyà ema hwa rza ohvɛ e wònja o lì hwe okolɛ. Wɔ̀ hwa okolɛ ndi ini nyayi ja hweyà aŋga nanù wɔ̀ hwa luwa wolì.

Tàyìtùrzì 2:1

Ndi o wà Tàyìtùrzì o okòlɛ̀ ndi hwatò hwèyòkòlèlì ema hwe hvomɛ̀nɛ̀.

Judɛ 1:3

Imbùnda jà ami kòkò, nà hwèlì nà atàkìrzɛ̀ ò lì è tìleyà lì hvomɛ̀nɛ̀ lì rzùŋgàhwà ema Lohwɛ̀ à mà jò ŋgbɛ ò lì akeyà nà Yerzù Krirztò. Ndi o nàŋgɛ, na ɛnɛ nanù ema o lɔ̀wu nanù ema na e tìleya o lì hvomɛ̀nɛ̀ hwehvɛhvɛ hweyà. Nà e kɔ̀mɛ̀lɛ̀ nanù ema, e a alɛ̀mbɛ̀nɛ na ŋginyà e jɔ̀kɛ̀ ya ŋmɛ̀ndì mò gbamù. Mono ŋmɛ̀ndì mò gbamù mo rza àyèŋgòwɛ̀. Lohwɛ̀ à mà mo ŋgba hwatò hwa eni ŋgelì hvɔ̀kɔ o iŋgèlì ja arzɛ.

Hwèwulùwèlì 2:25

Ndi tɔ̀ nanù inyɔ è ika mèèmà mè anyu nà imba natɛ̀ɛ nà ò è hvonda ema nà ò jɛ̀ɛ̀.

Hwèwulùwèlì 3:11

Nà ò jà ŋmàna mbɔ̀, è ika ndi mèèmà mè anyu nà imba nanù mɛnɛ, aŋga nanù tɔ̀ mòtò tɔ̀ mɔ̀kɔ à rza tànɛ lì wòwa ììtàŋgi yà anyu.

Hwèwulùwèlì 3:3

Ò eŋgànɛlɛ rzɔ, è ɔ̀ŋgɛ̀lɛ̀ hweyà ema inyɔ è mà okowe nà è hwèyɔ̀ ema è mà hwèye, è hwe ika ndèŋgànɛ̀lɛ̀ è ayèŋgowɛ̀ ò wòhwe wò anyu. Ndi inyɔ è rzi imowì tɛ, imba nà ò jà ndi nàa ŋmìhwɛ, ndeŋgànɛlɛ è rza ò hwiya è hvonda ema nà ò jɛ̀ɛ̀.