Tàyìtùrzì 1:5 - Mokpwe: Bakwery (New Testament)

⁵ Ìi Tàyìtùrzì, nà mà ò lììya ò mbowà yà Krɛ̀tɛ aŋga nanù ò wà ò tànɛ lì tɛ̀yirzɛ mamɛ ema è rzi kulɛ̀hwɛ ò lì gbeyàhwa, ndèŋganɛlɛ ò lì hvɔ̀rzɔ̀ hwàtìmbèlì hwa mèèmbà ò tɔ̀ ima mbowà. Ò rzi hvoŋga ò lì gbeyà nà oma imba nà mà ò ohweyà ò lì gbeyà.

Tàyìtùrzì 1:5 Mawu Ofanana

Hwègbèèlì 11:30

Nànù ndi wɔ̀ hwà mà gbèye. Hwà mà rzàŋga wòlì, rzìi hwa wò òmana Bànàbàrzì na Rzàwòlò ò lì ŋgba hwàtìmbèlì hwa ŋmèmba.

Hwègbèèlì 14:23

O tɔ̀ ima ŋmèmba ema wɔ̀ hwà mà uke, wɔ̀ hwà mà hwɛ lì hvɔ̀rzɔ̀ hwatò ema hwa ò timbàa ŋmèmba mò arzɛ. È hvònda ema hwà mà kànɛ̀ na lì hwɛ ò mòkìyà njàwò, hwà mà ŋgba hwaŋga hwàtimbèlì ò màà mà ama Rzàŋgò ema wɔ̀ hwa ika lìlòkɛ̀ la awu.

Hwègbèèlì 2:11

O ìtììtènì ja hwanu hwatò hwa arzɛ, lòŋgò hwa uwɛ̀lɛ̀lɛ̀yi ndi ò mòtende mò wònyà Yudà hwanɛyi hvɛ hwa hwèlì ndi hwatò ema hwa rza enje wònyà Yudà, ndi hwa òŋgami lìlòkɛ̀ là wònyà Yudà. Lòŋgò la arzu jò uwɛ̀lɛ̀lɛ̀yi ndi ò èkòmè ya Krɛ̀tɛ na ò èkòmè ya Arèbìyà, ndi tɔ̀ nanù, tɔ̀ ima mɔ̀ wa arzu a hwèya na òma hwa òhwa ò imbɔrzi ja arzu hweyà hwe ndɛnɛ ema Lohwɛ̀ à mà gbeyɛ.”

Hwègbèèlì 27:12

Èŋge èki ema melì me ŋmànja me ma hwɛ e rzi hwɛ ndi èki ema hwatò hwà mà kànɛyi lì hwɛ e hvònda ema e mbɛ̀hvɛ̀nì e uŋgɛlɛ. O eŋgànɛ̀lɛ̀ rzɔ̀, hwatò ema hwà mà kòka hwà mà hwɛ ndi hwaŋga ema hwà mà lìŋgàna nanù ema hwa ɛ̀ndɛ̀nɛ̀ ndi yɔ̀ndɔ ò wòrzò ò lì keka lì uka ò e mbòwa ndɛnɛ ya Hvɔ̀nìrzì. Hvɔ̀nìrzì à mà hwɛ ndi èki ema hwà mà hwɛ lì rzɛ̀lɛ melì me ŋmànja ò erzòòkà ya Klɛ̀tì. Klɛ̀tì ema à mà hwɛ lì ɔ̀ŋgɔ e rzàawà ya lɛlu na e ya mbɛ̀ŋgɛ. Aŋga ndi hwà mà tànɛyi lì lìya ò e hvònda ya yùulùlì ndɛnɛ.

Hwègbèèlì 27:13

Ŋmanà mbɛ̀hvɛ̀nì ema e ma uwɛ̀lɛ̀lɛ̀yi mbɛŋgɛ e ma wòteyà lì aka. Rzìi hwaŋga hwatò hwa lùtèyà nanù ema hwa tànɛyi hwa ɛndɛ ò wòrzò na ŋmànò mò awu. O eŋgànɛlɛ wɔ̀ hwà mà rzìima mìiyò ma awu ò tenì ya melì me ŋmànja rzìi hwa ɛ̀ndɛ̀nɛ̀ yɔ̀ndɔ̀ ya awu ya màlìhwa lì akeyà ò tòŋgòŋgò ò lì uka ò erzòòkà ya Klɛti.

Hwègbèèlì 27:21

O mburza ya hvònda ema e wawi ema hwatò hwa rzi lɛɛ tɔ mòlelì, Pàwolò rzi a tɛ̀mɛ̀ ò ìtììtènì ja hwaŋga hwatò hwa arzɛ rzìi a òhwa nanù ema, “Ìi wònyàmòwe kòkò, e ma kànɛyi lì nò hweyàna e hvònda nà mà òhwe nanù ema e rza anjiya ò Klɛti. È ma nò hweyàna tɛ ò ma i rza luu mònò mòtàkà na ene mbɔ̀lɔ̀ni ema i ma luwɛ nàŋgɛ.

Hwègbèèlì 27:7

Lìwòteya aŋga, yɔ̀ndɔ ya meŋge melì me ŋmànja e ma hwɛ ndi hviyayi-hviyayi ndèŋgànɛlɛ rzàyi-rzàyi ja mèenyà me ma aka ndèŋgana je òhwa nanù ema i ma uka ò e mbòwa ndɛnɛ ya Rznìdùrzì. Kànàtɛ e mbɛ̀hvɛ̀nì e ma hwɛ ndi lì jò uŋgɛlɛlɛ ò wòrzò, i rzi tànɛ lì ɛndɛ ò wòrzò ò eŋge èhvàrzù. O eŋgànɛlɛ, i ma akeyà ndi ò tòŋgòŋgò ò lì ɔ̀ndɔ̀ ò èhvàrzù ema e mbɛ̀hvɛ̀nì e rzi imbamɛ. I ma akeyà lì akeyà ò Kepi Rzàlmɔ̀nì ò lì uka ò erzòòkà ya Klɛti ema e ma hwɛ ndi yòndi.

1 Kɔ̀rintìyà 11:34

Tɔ̀ ima mòtò ema a hweyàa e njàwò, a lee o ndawò ya eni aŋga nanù a rza gbeyà eyà ema Lohwɛ̀ a e kàyìrzɛ̀ e arzàŋganɛ tɛ. Ndi lì hvomɛ̀nɛ̀ hwenɛyi hweyà, na jelì tɛ na e ohweyà nɛ e hwɛnì lì hwe gbèeyà.

1 Kɔ̀rintìyà 14:40

Ndi e hwɛnì ndi lì gbeyà hweyà hwe arzɛ rzilìlìlì na oma hwe hwɛnì lì gbeyà hwa.

1 Kɔ̀rintìyà 4:17

Ène ŋgàna ndeŋgatɛ imba, na e omeya Tìmòtì. Mɔ̀ ema a hwèlì ndi nàa e ŋmanà wa ami, wa ndìŋgɛ ya màlìŋgò o lìnà la ama Rzàŋgo. Mɔ̀ a gbeyà ndi mamɛ ya arzɛ ema e hwɛnì lì gbeyàhwa. Mɔ̀ a e ɔ̀ŋgɛ̀lɛ̀nɛ hwɛ̀ɛndèli hwe ami, hwe lòŋgɛ là ami na Yerzù Krirztò. Èŋge tumba lòŋgɛ e ɛ̀ndɛ̀nèlì na mamɛ ema imba na okolɛ̀ o ndawò ja mitelì.

Kòlòrzìyà 2:5

Tɔ nɛ na rza enje na inyɔ o nyo, na hwèlì na inyɔ o èlìŋgɛ̀. Tɔ nɛ imba na rza enje na inyɔ na ohvi mɔ̀nyɛ̀ŋgì nanù ema lì lòkɛ̀ la anyu o ma Krirztò lì imbami nanù mɛnɛ.

1 Tìmotì 1:3

Nà arza ema ò lìya ò mbowà yà Ɛ̀hvɛ̀rzɔ̀rzì, molemilemi nà oma nà mà ò kòkòwɛ̀lɛ̀ è hvonda ema nà mà hwɛ lì ɛndɛ ò erzòòkà yà Màrzèdonìyà. Àŋga nanù, ò wà ò kànèyà loŋgo là hwatò ema hwa rza okolɛ hwèyòkòlèlì ema hwe rza hvomɛ̀nɛ̀.

2 Tìmotì 2:2

Hweya ema o ma hweye ema nà mà okolɛ rzayi-rzayi ja hwatò lì hvomɛ̀nɛ̀ Krirztò, o wa hvɛ o hwe okolɛ o hwahvɛhvɛ hwatò ema wɔ̀ hvɛ hwa tànɛyi lì okolɛ hwahvɛhvɛ hwatò.

Tàyìtùrzì 1:12

Mòòhwèlì mɔ̀kɔ wa èlìŋgɛ̀ wa kowàa o èkomè ya Krɛ̀tɛ à mà ohwa nanù ema, “Hwàto hwa Krɛ̀tɛ hwa kɔɔ hweyà ihvonda ja arzɛ. Wɔ̀ hwa hwèlì wɔ̀ɔ̀ na ɛkɔ̀ni, hwa hwèlì ndi hwatò hwa rziŋga ema hwa ondi na njɔ̀ŋgu.”