Tàyìtùrzì 1:15 - Mokpwe: Bakwery (New Testament)

¹⁵ O hwatò ema hwa rzàŋgi, hwèèmà hwe arzɛ hwe rzàŋgi, ndi o hwaŋga hwatò ema hwa rza rzàŋgɛ, ndeŋgànɛlɛ hwa rza lòkɛ̀, tɔ̀ eyà o màlùtèyà mà awu nà ò mèèmà me awu e rza rzàŋgi.

Tàyìtùrzì 1:15 Mawu Ofanana

Matiyò 15:18

Ndi hweyà ema hwe wurza ò wàna ya mòtò hwe uwɛ̀lɛ̀lɛ̀yi ndi ò ŋmèma mò eni, hweŋge hweyà ndi hwe gbeyà mòtò a rza hwɛ wòrzàŋgi ò wòrzò wò ama Lohwɛ̀.

Hwègbèèlì 10:15

Lìŋgi lìlò rzi lì mò òhweyà hvɛ nanù ema, “O rzi wòwà tɔ̀ yòma tɔ̀ yɔ̀kɔ ema Lohwɛ̀ a òhwi nanù ema e rzàŋgì nanù ema e rza rzàŋgì.”

Ròmànì 14:14

Nà òma na hwèlì mɔ̀kɔ na e Rzàŋgò Yerzù, hwe nò òkòlɛ̀ ò lì hwiya kɔ̀yi-kɔ̀yi nanù ema ò rza enje tɔ̀ mòlelì ema ò mɔ̀ ŋmìti mò rza rzaŋgɛ ò wòrzò wò ama Lohwɛ̀. Ndi ò hwèlì tɛ mòtò ema a lutelì nanù ema ò hwèlì mòlelì ema mò rza rzaŋgɛ ò wòrzò wò ama Lohwɛ̀, a rzi mò laa.

Ròmànì 14:20

Ène eyà ya mòlelì e rzi gbeyà ema ò hvàŋge èwòlò ema Lohwɛ̀ à mà gbeyɛ. Melelì me arzɛ me rzaŋgi ò wòrzò wa ama Lohwɛ̀. Ndi e hwèlì ndi lùurzè lì laa tɔ̀ ima mòlelì ema mò gbeyà ò hvɛhvɛ mòtò a unde ò wòhwe.

Ròmànì 14:23

Ndi tɔ̀ njɛnɛ ema a hwamɛyi nanù ema a rza àŋgàmɛ̀nɛ̀ lì laa lìtumba lɔ̀kɔ la mòlelì ndi à timba a mò laa, Lohwɛ̀ a òhwa nanù ema a gbèyi wòhwe èhwanja a rza gbeyànì lì lòkɛ̀ la eni ò lì gbeyà mamɛ ema a àŋgàmɛ̀nɛ̀yi lì gbeyà. Mòtò a gbèyi tɛ eyà ema a hwamɛyi nanù ema e hvòmɛ̀nɛ̀yi tɔ̀ e rza hvòmɛ̀nɛ̀ nanù ò ma à mà gbeyà wòhwe.

1 Kɔ̀rintìyà 10:23

È ohwahwi nanù ema, “I hwɛnì wònjà o lì gbeyà tɔ̀ mamɛ.” Aŋga mɔ̀ e jɔ̀kɛ̀ ndi rzeketɛ hwèèmà hwe arzɛ ndi hwe lɔ̀wu. “I hwɛnì wònjà o lì gbeyà tɔ̀ mamɛ” ndi rzeke hwèèmà hwe arzɛ ndi hwe lɔ̀yìrzɛ̀.

1 Kɔ̀rintìyà 10:25

È hwɛnì wònja o lì làa tɔ̀ mamɛ ema ya ahwìrzɛ̀hwɛ o e lùwa e rzi hwɛ lì ijòwa mìijowelì ema me o jàneyà mètàkìrzɛ̀nɛ o ŋmèma, lì hvomɛ̀nɛ̀ mamɛ o andi.

1 Kɔ̀rintìyà 10:31

Ène ŋgàna e hwèlì ndi nanù ema, tɔ̀ mamɛ ema o làa tɔ̀ o nyɔ̀, tɔ̀ mamɛ ema o gbeyà, o hwe gbeyàne nà èluhwe ya ama Lohwɛ̀.

1 Kɔ̀rintìyà 8:7

Ndi tɔ̀ nanù, rzeketɛ hwatò hwa arzɛ ndi hwa hwi ene jɔ̀kɛ̀. Lòŋgò la hwàlòkèlì hwa ama Krirztò ema hwà mà nyàmɛ̀lɛ lì kànɛ hwèrzùmbu, hwa hwèlì hwa lùtèyà natɛ̀ɛ na naŋgɛ ema hwa lelì tɛ iŋgi nyayi ja melelì, nanù oma wɔ̀ hwa hwèlì ndi o lì kànɛ hweŋga hwèrzùmbu. Mèemà me awu me rza imbami o èŋgànɛ̀lɛ̀ hwa ɔ̀ŋgɛ̀lɛ̀ ndi ema mòŋgo mòlelì mo ma hwa rzɔ̀kɔ̀.

1 Tìmotì 6:5

Ène e ma hwa gbeyà ema hwa tɔ̀wɔ mòtaŋgo ihvonda ja arzɛ ŋgàna ema o ambi wɔ̀ lì hwiya mamɛ ema e hvomɛ̀nɛ̀. Hwa rza tànɛyi lì rzɔŋgìtɛ̀nɛ̀ eyà ema e hwèlì e jɔ̀kɛ̀ na e yɔ ema e hwèlì mòlàŋgà. Wɔ̀ hwa ɔ̀ŋgɛ̀lɛ̀ nanù ema, hwa gbèelì tɛ Lohwɛ̀, oma hwà mà tuwa hwèwàŋgì.

Hibrù 10:22

Inyɛ̀ i keke o lì ɛndɛ lì kombɛnɛ Lohwɛ̀ nà mèèmà mɔ̀kɔ na o lì mo ŋgbà mèèmà me arzu me arzɛ. Ène eyà e hwèlì ndi nanù èhwanja màyija ema Yerzù à mà kome o mbarza, mà rzaŋgirzɛ mèèmà me arzu. Mɔ̀ a timbi hvɛ o lì jo rzaŋgirzɛ na malìhwa ema mà rzaŋgi kɛɛŋgɛŋgɛ.

Hibrù 12:15

È aŋgòwa, nanù ema tɔ̀ mòtò tɔ̀ mɔ̀kɔ a rza o hvònda lì lùwa ììlì ja ama Lohwɛ̀. È aŋgòwa tɔ̀ mɔ̀kɔ hwa anyu a rzi hwɛ nàa mbota ya wòhwe ema e oŋgi tɛ e jànà ndùtù rzìi e hvaŋga ihvɛhvɛ mbota.

Hibrù 9:14

È hwèlì tɛ ema màyija ma hwèembè ma tanɛ ma hwɛnɛ màyìmbì ma lì rzàŋgirzɛ hwatò, nanù oma màyija ma ama Yerzù ma hwɛni màyìmbì rzayi-rzayi o lì rzàŋgirzɛ hwatò. Krirztò ema a rza ohvɛ tɔ̀ wòhwe tɔ̀ wɔ̀kɔ à mà aŋgbɛ mɔ̀ ŋmìti nàa jàhwèyà o lì jo kɔ̀tɔ̀ irzɔ hwa arzɛ. A ma gbeyà ndi ene eyà nanù o lì akeyà na èlìŋgɛ̀ yà wòtani ema e hwɛ natɛ̀ɛ na o gbìndèyà. Màyìjà ma eni mɔ̀ ndi ma jo rzàŋgirzɛyi mèèmà me arzu, ema i rza gbeyà hweyà hwe wòhwe ema hwe jo jàneyà e kpelì. Ndi e àŋgàmɛ̀nɛ̀yi lì gbèeyà Lòohwà la lòŋgɛ.