Tàyìtùrzì 1:11 - Mokpwe: Bakwery (New Testament)

¹¹ O rzi keka lì emeyà nanù ema hwaŋga hwatò hwa okolɛ ehwànja wɔ̀ hwà mà hvuŋguhwa rzayi-rzayi ja màtumbà mà hwatò hwa ama Krirztò na oma wɔ̀ hwa okolɛ hweyà ema hwa rza ohvɛ e wònja o lì hwe okolɛ. Wɔ̀ hwa okolɛ ndi ini nyayi ja hweyà aŋga nanù wɔ̀ hwa luwa wolì.

Tàyìtùrzì 1:11 Mawu Ofanana

Matiyò 23:13

Yerzù rzìi a òhwa nanù ema “Mòjema na inyɔ̀ Hwà-òkòlèlì hwa mbenda na inyɔ Ihvàlìrzàyì, e hwèlì ndi hwatò hwa mòlàŋgà! Inyɔ e umbana hwatò lìyòhva là lìkànèyà là ŋmanyu yà Lohwà aŋga nanù hwatò hwa rza kpeya. Tɔ̀ inyɔ hwiti e rza ò kpèeyà. È rza tànɛyi hvɛ lì hwɛmɛ tɔ̀ hwaŋga hwatò ema hwa hwèlì hwa keka lì kpèeyà ò lì kpèeyà.

Lukàrzɛ̀ 20:40

Tɔ̀ mòtò à rzi tanɛ̀ lì mò ijòwà hvɛ mìijòwelì.

Yòwanìrzɛ̀ 10:12

È mògbèèlì ema a akàhwì ò lì ɔŋgeya mɛ̀lɛ̀ŋgù ema tɔ̀ mɔ̀ ŋmìti a rza enje ndi e mɔ̀ɔŋgèlì wa mɛ̀lɛ̀ŋgù, ndèŋgàna rzeketɛ mɔ̀ ndi à hwɛnì mɛ̀lɛ̀ŋgù. O èŋgànɛ̀lɛ̀ rzɔ mɔ̀ à ɛni tɛ na òma e njuwɛ e ja, mɔ̀ à kìnyɛ̀lɛ̀ mèŋge mɛ̀lɛ̀ŋgù rzi a hwaŋga e ya eni. Àŋga ndi e njuwɛ rzɔ e hvùma mɔ̀lɛ̀ŋgù mɔ̀kɔ ò ma menɛyi me ma wuhweyà.

Ròmànì 3:19

O nàŋgɛ nanù irzɔ i hwi nanù ema tɔ̀ ima eyà ema e tìlahwì ò tenì ya e kààtì ya mbenda, e ɔ̀ŋgɔ ndi hwaŋga hwatò hwa arzɛ ema hwa ŋgbàahwì eŋge mbenda. O èŋgànɛ̀lɛ̀ rzɔ tɔ̀ mòtò a rza tànɛyi a òhwa nanù ema a rzu ŋmàŋgò. Tɔ a hwɛ ndi wònyà Yudà tɔ̀ hwaŋga ema hwa rza enje wònyà Yudà, tɔ̀ ima mòtò a ò tɛ̀mɛ̀ ò wòrzò wò ama Lohwɛ̀.

2 Kɔ̀rintìyà 11:10

Nà oma na ohwa e jɔ̀kɛ̀ na mòtò wa Krirztò, tɔ̀ mòtò tɔ̀ mɔ̀kɔ o erzòòkà ya Àkayiyà a rza tanɛ a no tɛmirzɛ o lì kùmba lìya la ami o kòkò ema na rza lu etàŋgì na inyɔ.

1 Tìmotì 5:13

Ndeŋgànɛ̀lɛ̀ hvɛ Hwèrzɔ̀mbɛ̀ hwe mekurze hwe nyàmɛ̀lɛ lì lìya nanù e rzi hwɛ lì gbeyà tɔ̀ eyà na o lì hvɛhvɛ hwahvɛhvɛ hwatò ò mandawò ma awu. Rzeketɛ ema hwa rza hwɛ ndi rziŋga mɛnɛ, ndi hwa inda hwatò na o lì ohwa hweyà ema hwe rza hwa hvomɛ̀nɛ̀. Wɔ̀ hwa ohwa lì hvomɛ̀nɛ̀ hweyà ema hwa rza àŋgàmɛ̀nɛ̀yi lì ohwa.

1 Tìmotì 5:4

Ndi mokurze mo molanà mo òhvi tɛ hwàanà tɔ̀ membamba, hwa hwɛni lì mo ɔŋgeya. Eyà ya worzo ene ema hwatò ema hwa gbeyà na oma Lohwɛ̀ a arza ema hwa gbeye hwa àŋgàmɛ̀nɛ̀yi lì gbeyà. Irzàŋgo na inyàŋgo ja awu i ma hwa ɔŋgeya, o eŋgànɛ̀lɛ̀ rzɔ wɔ̀ hvɛ hwa hwɛni lì hwa ɔŋgeya. Hwa gbèyi tɛ nanù Lohwɛ̀ a oka mɔ̀nyɛ̀ŋgì.

1 Tìmotì 6:5

Ène e ma hwa gbeyà ema hwa tɔ̀wɔ mòtaŋgo ihvonda ja arzɛ ŋgàna ema o ambi wɔ̀ lì hwiya mamɛ ema e hvomɛ̀nɛ̀. Hwa rza tànɛyi lì rzɔŋgìtɛ̀nɛ̀ eyà ema e hwèlì e jɔ̀kɛ̀ na e yɔ ema e hwèlì mòlàŋgà. Wɔ̀ hwa ɔ̀ŋgɛ̀lɛ̀ nanù ema, hwa gbèelì tɛ Lohwɛ̀, oma hwà mà tuwa hwèwàŋgì.

2 Tìmotì 2:18

Wɔ̀ hwà mà hwɛmɛ lìlòkɛ̀ la jɔ̀kɛ̀ ndèŋgàna hwa hwèlì hwa okolɛ nanù ema irzɔ ema i lòkɛ̀yi, Lohwɛ̀ à mà màa lì jo hvùmùlɛ̀. Ini nyayi ja hwèyòkòlèlì hwe hvàŋga lìlòkɛ̀ la loŋgo la hwatò.

2 Tìmotì 3:6

Lòŋgo la hwanu hwatò hwa lùkɛ̀lɛ̀ hwatò. Wɔ̀ hwa kpèelì tɛ ndawò hwa lùkɛ̀lɛ̀ hwaŋga hwalanà ema hwa rza ohvɛ mahwiye ema hwa lìiya o tenì ja iŋgi ndawò. Hwàŋga hwalanà hwa gbeyà hweyà hwe wòhwe rzayi-rzayi nyayi ema woŋgo wòhwe wo hwa lìtana ndi nàa muna ndi hwa hwànɛ. Màlùteyà ma wòhwe ndi ma hwa kànèyà.

Tàyìtùrzì 1:7

Kànàtɛ e mòtimbèlì wa ŋmèmba ndi à kànèyà ewòlo ya ama Lohwɛ̀, a àŋgàmɛ̀nɛ̀yi ndi lì hwɛ mòtò ema a rza ohvɛ tɔ̀ njɔ̀mi. A àŋgàmɛ̀nɛ̀ ndi lì hwɛ mòtò ema a rza enje lìhvàma, na mòtò ema a ambi lì tata. A rza àŋgàmɛ̀nɛ̀ lì hwɛ mòtò ema a aŋgbɛ mɔ̀ ŋmìti o lì nyɔ la mimba, tɔ̀ mòtò ema a jànà mòhvùŋgu. Ndèŋgànɛ̀lɛ̀ a rza àŋgàmɛ̀nɛ̀ lì hwɛ njɔ̀ŋgu.

Tàyìtùrzì 1:9

A àŋgàmɛ̀nɛ̀yi ndi lì hwɛ mòtò ema a ika ŋmɛ̀ndì mò gbamù kɔ̀yi-kɔ̀yi, ŋmɛ̀ndì mò gbamù ema hwatò hwa àŋgàmɛ̀nɛ̀yi lì ika mèèmà me awu aŋga ndèŋgànɛ̀lɛ̀ a lòkɛ̀yì na oma hwà mà mo òkolɛ. Ène e gbeyà nanù ema a tanɛ lì oŋgowàna hwahvɛhvɛ hwatò o lì oŋgama ŋmɛ̀ndì mò gbamù nyayi ema e hvomɛ̀nɛ̀. À ò tanɛ hvɛ lì uŋmɛ̀lɛ̀ o mòte màtònà ma hwatò ema hwa teŋgɛ̀nɛ̀ moŋgo ŋmɛ̀ndì mò gbamù.

Tàyìtùrzì 3:10

O kòkòhwɛ̀lɛ̀ tɔ̀ njɛnɛ ema à jànà lùwànje o ìtììtènì ja hwàlòkèlì, a rza o hweyàni tɛ ò mò kòkòhwɛ̀lɛ̀ e ŋgelì ema e ùkirzɛ̀ ihwàkɛ o mburza nanù, a rza o hweyàni hvɛ tɛ, o rzi hwɛnɛ hvɛ tɔ̀ eyà o lì gbeyà na mɔ̀.