Hvìlɛ̀mɔ̀nì 1:22 - Mokpwe: Bakwery (New Testament)

²² Èhvɛhvɛ eyà ema imba nà ohwi nanù ema nà ò òhweyà è hwèlì ndi nanù ema, ò nò rzèkeyà tùù hvɔ̀kɔ ò ndawò yà aŋgɔ̀, èhwanja nà lòkɛ̀yì nanù ema Lohwɛ̀ à ò è hweyànà màkanɛ̀ mà anyu, à ò nò ulɛ̀ ò hwèwòwà oma nà mà è uŋmànɛ̀lɛ̀ hvɛ.

Hvìlɛ̀mɔ̀nì 1:22 Mawu Ofanana

Hwègbèèlì 27:24

‘Ìi Pàwolò ò rzi òka tɔ wɔ̀ŋgɔ̀! O wa ò hwɛni lì tɛ̀mɛ̀ ò wòrzò wa ama Kàyìrzà e mòkànèlì ò lì kàya. O nyòla e ndèli ema Lohwɛ̀ a ò hwɛnelì, mɔ̀ à ò rzùŋgà hwaŋga hwatò hwa arzɛ ema hwa ɛndɛlɛnɛ na ò wa ò ene yɔ̀ndɔ ya malìhwa.’

Hwègbèèlì 28:23

O èŋgànɛ̀lɛ̀ hwà mà ika wùnyà na Pàwolò ema hwa jà lì mò òkànèyà, na òma wòŋgò wùnyà wò ma uke, ŋgìndì ya hwatò e ma jà ò èki ema Pàwolò à mà lìya. Lìwòteya eelele natɛ̀ɛ na e ŋgòmbe, Pàwolò à mà hwɛ lì hwa òhweyà ŋmɛ̀ndì lì hvòmɛ̀nɛ̀ lìkànèyà là mà Lohwà. A ma keka nanù ema hwa lòkɛ̀ Yerzù. Mɔ̀ à mà hwɛ lì gbeyàna hwèhvàrzù ema hwe ma uwɛ̀lɛ̀lɛ̀yi ò e kààtì ya e mbenda ya ama Mòrzè na hwetilelì hwe hwà-òhwèlì hwa hwèlìŋgɛ̀ aŋga nanù wɔ hwa lòkɛ̀ nanù ema Yerzù ndi à hwèlì Krirztò.

Ròmànì 15:24

Nà ikayi lìhvìtà ò lì gbèeyà nanù nàŋgɛ. Nà ò lìŋgàna ò lì e ɛnɛ ò yɔ̀ndɔ̀ ya ami ya lì ɛndɛ ò Rzìpenì. Nà ò lìŋgàna hvɛ ò lì e ɛnɛ na a arza tɛ lì ɛndɛ aŋga, aŋga nanù òma inyɔ hvɛ e ma nò òŋgòwànà ema na ɛndɛ aŋga. Ndi na ò hwɛ na inyɔ ò ŋmanà hvòka hvònda ò lì alɔ̀kɔ̀nɛyi mèèmà me arzu ndèŋgànà na e ɛndɛ.

2 Kɔ̀rintìyà 1:11

Lohwɛ̀ à jò rzùŋgà èhwanja è hwèlì è jò kànɛ̀lɛ̀lɛ̀. Rzayì-rzayì ja hwatò hwa jo kànɛlɛ̀lɛ̀ ndèŋgàna Lohwɛ̀ a jo nàmìrzɛ̀yi. Ène eyà e gbeyà rzayì-rzayì ja hwatò hwa eka Lohwà, èhwanja mɔ̀ à jo rzùŋgi.

Hvìlipìyà 1:19

Nà oka ndi mɔ̀nyɛ̀ŋgì nanù mɛnɛ ehwànja na hwi nanù ema lì kànɛ ema e no kànɛlɛlɛ ndèŋgànɛ̀lɛ̀ lì oŋgowàna ema Èlìŋgɛ̀ ya ama Yerzù Krirztò e o no ŋgba, hwe o no gbeyà imba o lì luwa lì rzuŋgàhwa.

Hvìlipìyà 2:24

Nà lòkɛ̀yì nanù ema e Rzàŋgo e o emeyà nanù ema imba hvɛ na o ehvɛhvɛ ŋmanà mbɔ.

Hibrù 13:19

O tɛ̀ɛ̀tɛ̀ɛ, je e rzorzomeya nanù ema e jo kanɛ̀lɛ̀lɛ̀ aŋga nanù Lohwɛ̀ a gbeyà na jà karzi-karzi o lì hwɛ na inyɔ.

Hibrù 13:23

Nà arza ema e hwiye ema ŋmanyàŋgo wa arzu Tìmòtì, à mà ulɛ̀hwɛ o ndawò ya hwèwòwà. A no ùŋmànɛ̀lɛ̀ tɛ karzi-karzi je e jèeya.

Jèmìrzì 5:16

O eŋgànɛ̀lɛ rzɔ, e àpùrzɛ̀lɛ̀nɛ̀ wòhwe hwa anyu mɔ̀kɔ na ɔ̀nɛyi ndèŋgànɛ̀lɛ̀ inyɛ tɔ̀ ima mòtò a kànɛlɛlɛ ŋmanyàŋgò wa eni, aŋga nanù inyɔ hwa arzɛ e wɔ̀wìrzɛ̀hwɛ. Màkanɛ̀ ma e mòtò ema a gbeyà hweyà hwe jɔ̀kɛ̀ o worzo wo ama Lohwɛ̀ hwe imbami rzàyi-rzàyi, ndèŋgànɛlɛ ma ɛndeya.

2 Yòwanìrzɛ̀ 1:12

Ò hwèlì hweyà rzayì-rzayì ema nà mà hwɛnɛ lì è ohweyà, ndi nà rza arze lì hwe tìla ò tenì yà ene kààti. Ndi nà àhvitɛ̀ nanù ema nà ò èhvɛhvɛ, aŋga nanù jò ò à ɛ̀nɛ̀nɛ̀ ò worzo nà worzo, aŋga nanù mɔ̀nyɛ̀ŋgì mò arzu mò ònda.

3 Yòwanìrzɛ̀ 1:14

Nà àhvìtɛ̀ ò lì è ɛnɛ ŋmanà mbɔ̀ aŋga nanù jò ò à ɛ̀nɛ̀nɛ̀ worzo nà worzo rzi ì kòowà.