Hvìlɛ̀mɔ̀nì 1:2 - Mokpwe: Bakwery (New Testament)

² I kɔ̀mi hvɛ Ahvìyà, e ndòmɛ ya arzu wa ama Krirztò. I kɔ̀mi hvɛ Achipurzi, ema mɔ̀hvɛ a ohwa ŋmɛ̀ndì mò gbamù na e ŋginyà ya eni ya arzɛ na oma irzɔ hvɛ i gbeyà. Ndèŋgànɛlɛ i kɔ̀mɔ̀ hvɛ wònyànyàŋgo hwa arzu hwa ŋmèmba ema hwa tàneya o ndawò ya aŋgɔ.

Hvìlɛ̀mɔ̀nì 1:2 Mawu Ofanana

Ròmànì 16:1

Nà e òhweyà nanù ema e ndòmɛ ya arzu ema e hwɛ̀lɛ̀hwɛ̀ Hvòbe, ema a òŋgòwàna lì gbeyà èwòlò ò ŋmèmba ema mò hwèlì ò mbòwa ya Rzɛ̀nkrèyà, a gbèeyà èwòlò ya gbamù.

Ròmànì 16:5

È nò kɔmèya hvɛ ŋmèmba ema mò taneya ò ndawò ya awu. È nò kɔmèya hvɛ e mbunda ya ami ya mèrziŋge Èpànɛ̀tùrzì, ema mɔ̀ ndi à mà hwɛ, e mòtò wa wòrzò ò lì lòkɛ̀ Krirztò ò erzòòkà ya Èrzìyà.

1 Kɔ̀rintìyà 16:19

Mèèmbà me arzɛ me erzòòkà ya Èrzìyà me è omelì ikɔ̀mi ja awu. Akwìlà na Prìrzìlà na mèèmbà ema me taneyà o ndawò ya awu, wɔ̀ hvɛ hwa e omelì ikɔ̀mi o lìnà la ama Rzàŋgo.

Hvìlipìyà 2:25

Ndi nà mà kulɛ nanù ema o lɔ̀wu nanù ema imba na e omeya ŋmanyàŋgò wa arzu Èpàhvrɔ̀dìtùrzì. A mà gbeyà èwòlò ya ama Krirztò na imba, ndèŋgànɛ̀lɛ̀ à mà oŋgowàna o lì teŋgɛ̀nɛ̀ hwatò ema hwa anana ŋmɛ̀ndì mò gbamù. Ndeŋgànɛ̀lɛ̀ mɔ̀ ndi à hwèlì nàa e rzùwɛlɛ̀ ema inyɔ e ma òme o lì no oŋgowàna.

Kòlòrzìyà 4:15

È no kɔmèya wònyànyàŋgo hwa arzu hwa ama Krirztò ema hwa hwèlì o mbowà ndɛnɛ ya Làwòdèrzìyà. È no kɔmèya Nimhva na hwàlòkèlì hwa arzɛ ema hwa taneya o ndawò ya eni.

Kòlòrzìyà 4:17

Ndeŋgànɛ̀lɛ̀ e ohweyà Achipurzi nanù ema, “A hwiye kɔ̀yi-kɔ̀yi nanù ema a hwɛni o lì kulɛ èwòlò ema Rzàŋgo a mo ŋgbelì o lì gbeyà.”