Hvìlɛ̀mɔ̀nì 1:14 - Mokpwe: Bakwery (New Testament)

¹⁴ Ndi tɔ̀ nanù, nà rza arza lì ò tindɛ̀lɛ̀ ema ò nò òŋgòwane. Ndi, nà ò lìŋgàna nanù ema ò nò òŋgòwane ndi ehwànja ò wà hwìti ò lìŋgàni lì nò òŋgòwàna. Ò èŋgànɛ̀lɛ̀ rzɔ, nà rza tànɛ lì gbeyà tɔ̀ eyà ema ò wà ò rzi imànɛ̀lɛ̀.

Hvìlɛ̀mɔ̀nì 1:14 Mawu Ofanana

1 Kɔ̀rintìyà 9:17

Èma hwɛ tɛ nanù ema imba ndi nà mà ahvɔ̀rzɛ̀ o lì gbeyà ene èwòlò, o ma na lùwa mòrzàhwèlì. Ndi na rza e hvɔ̀rzì, Lohwɛ̀ mɛnɛ ndi à no ŋgbelì ene èwòlò ò lì gbeyà.

1 Kɔ̀rintìyà 9:7

Ima ŋmànèlì hwa njùma a hwèlì, ema mɔndi à hwɛnì lì gbèeyà èwòlò na lì awòmbɛ̀ mɔ̀ ŋmìti e? Ima mòònèlì wa mbòta a hwèlì ema a òna màyi ma hwehvùma rzi a rzì le lòŋgo la hwèŋge hwehvùma e? Ima mɔ̀ɔ̀ŋgèlì wa mɛ̀lɛ̀ŋgù a hwèlì, ema a tànɛyi lì ɔŋgeya lì hwèmba la mɛ̀lɛ̀ŋgù, rzìi a rzi nyɔ lòŋgo la màŋga mànyɔ̀ŋgɔ̀ ma mèŋge mɛ̀lɛ̀ŋgù ma eni e?

2 Kɔ̀rintìyà 1:24

I rza arza ema e hwɛ ndi nàa hwanɛyi ema, je imbɛ o lì lòkɛ̀ hweyà. Ndi irzɔ i gbèyɛ̀nɛ na inyɔ, aŋga nanù e oka mɔ̀nyɛ̀ŋgì èhwanja e tɛmi ehve-ehve o malòkɛ̀ ma anyu.

2 Kɔ̀rintìyà 8:12

È hwɛnì tɛ nyɔ̀ŋgi ya lì ŋgbà mòtò yoma na oma e ohvi, e emànɛ̀lɛ̀hwɛ̀yì na Lohwɛ̀. Lohwɛ̀ a rza arza nanù ema mòtò a ŋgbe lì aka mamɛ ema a ohvi.

2 Kɔ̀rintìyà 9:5

O èŋgànɛ̀lɛ̀ rzɔ, aŋga ndi nà mà lùtèyà nanù ema o lɔ̀wu ema na ome wònyànyàŋgo hwa arzu hwa Krirztò o worzò, aŋga nanù e kulɛ lì wòŋgìrzɛ̀nɛ̀ lì oŋgowanɛ lì ndɛnɛ ema e ohwi nanù ema e o hwa ŋgba. È gbèyi tɛ nanù, lì oŋgòhwànɛ̀ la arzɛ lì o wòŋgìrzɛ̀nɛ̀ ndèŋgàna na e jà. Ène ŋgàna e uŋmɛ̀lɛ̀ nanù ema e ŋgbelì na ŋmèma mɔ̀kɔ, rzeketɛ èhwanja je e nyàkìrzɛ̀.

2 Kɔ̀rintìyà 9:7

Mòtò tɛ a ŋgbe wolì na oma ŋmèma mo eni mo mò ohwèlì. È rzi hwɛ nanù ema a tinɛlɛhwɛyi, èhwanja, Lohwà a lìŋgàni e mòtò ema a ŋgbà na ŋmèma ema mo rzaŋgi.