Hvìlɛ̀mɔ̀nì 1:10 - Mokpwe: Bakwery (New Testament)

¹⁰ Ò èŋgànɛ̀lɛ̀ rzɔ nà ò rzòrzòmeyà ò nyòla ama Ònɛ̀rzìmùrzì. Mɔ̀ à hwèlì ndi nàŋgɛ nàa è ŋmanà wà ami. Imba ndi nà gbèyi ema à lòkɛ̀ Krirztò è hvonda ema à mà hwɛ nà imba anu ò hwèwòwà.

Hvìlɛ̀mɔ̀nì 1:10 Mawu Ofanana

Makòrzì 9:17

Mòtò mɔ̀kɔ wà èŋge ŋgìndì rzì à alàhwɛ̀ nanù ema, “Ìi Mòòkòlèlì kòkò nà ò jànèlì e ŋmanà wà ami wà mùnyanà ema a òhvi èlìŋgɛ̀ yà wòhwe ò nyò yà eni, ema e mò gbeyà ema à rza òhwa.

Ròmànì 12:1

O eŋgànɛ̀lɛ̀ rzɔ, wònyàmòwe kòkò, èhwanja ò ììlì ndɛnɛ ja ama Lohwɛ̀ ema a jò uŋmɛ̀lɛ̀, na e atɛkɛ nanù ema, ya aŋgbɛ inyɔ hwiti ò ma Lohwɛ̀ nàa jàhwèyà ema i hwèlì lòŋgɛ. Ini jàhwèyà i hwɛni lì hwɛ wòrzàŋgi na lì emeyàhwa na Lohwɛ̀. Nànù ndi inyɔ e hwɛni ò lì kànɛ.

1 Kɔ̀rintìyà 4:14

Nà rza tilì ndi hwenè hweyà o lì e òkìrzɛ̀ ìrzɔnì. Nà hwe tilì ndi o lì e kòkòwɛ̀lɛ̀ o hweyà ema e hwɛnì lì hwiya. Èhwanja e hwèlì ndi nàa hwàna hwa ami hwa ndìŋgɛ.

1 Kɔ̀rintìyà 4:15

Tɔ̀ e ohva ndi lìyomɛ̀ la hwekolì hwe hwahvɛhvɛ Hwà-òkòwèlì hwa ama Krirztò, e hwɛnì ndi rzaŋgo hvɔ̀kɔ. Nà oma nà mà e jàneyà Ŋmɛ̀ndì mò Gbamù na hwèlì ndi nàa e rzaŋgo ya anyu o ma Krirztò.

Gàletìyà 4:19

Ìi hwàanà hwa ami kòkò, o nyòla inyɔ na hweyà mòrziyò ema mo gbèyi ndi nàa molanà ema a hwèlì o mòrziyò mo lìyalì. Ndeŋgànɛ̀lɛ̀ na hweyà moŋgo mòrziyò natɛ̀ɛ ɛ̀ɛ̀mɛ̀ ya ama Krirztò è ò è kpèeyà gbamù.

Kòlòrzìyà 4:9

Nà mò òma nà Ònɛ̀rzìmùrzì. Ònɛ̀rzìmùrzì mɔ̀ hvɛ à hwèlì ndi ŋmanyàŋgò wà arzu wà Krirztò ema i lìŋgàni, mɔ̀ hvɛ à gbèeya ndi Krirztò nà ŋmèma mɔ̀kɔ. À hwèlì ndi mòtò ema à uwɛ̀lɛ̀lɛ̀yi ò mbowà ndɛnɛ yà anyu. Mɔ̀ nà Tàyìkìkùrzì hwa è ohweyà hweyà ema hwe gbèyɛ̀nɛ anu.

1 Tìmotì 1:2

Ìi Tìmòtì, ò wà ndi nà tìleyà ene kààtì. Ò tɛ̀ɛ̀tɛ̀ɛ ò hwèlì ndi nàa è ŋmanà wà ami èhwanja ò lòkɛ̀yì Krirztò. Inyɛ̀ è ndèli, ììlì nà ɛ̀yɔ̀lɛ̀ ema è uwɛ̀lɛ̀lɛ̀yi oma Lohwɛ̀ Tatɛ̀ wà arzu nà Yerzù Krirztò è Rzàŋgo yà arzu hwe hwɛ nà inyɔ.

Tàyìtùrzì 1:4

Ò wà Tàyìtùrzì ndi nà tìlèlì ene kààtì. Ò hwèlì ndi nàa è ŋmanà wà ami wà jɔ̀kɛ̀ ò lìlòkɛ̀ ema irzɔ hwa arzɛ jo ohvi. È ndèli nà ɛ̀yɔ̀lɛ̀ ema è uwɛ̀lɛ̀lɛ̀ ò mà Lohwɛ̀ è Tatɛ̀ nà Yerzù Krirztò è Mòrzùŋgèlì hwa arzu è hwɛ nà ò wà.

Hvìlɛ̀mɔ̀nì 1:11

O lìrzako lɔ̀kɔ à rzi hwɛnɛ tɔ̀ wòlìtò nà ò wà, ndi ò nàŋgɛ nanù à hwɛni wòlìto o ò wà nà imba.

Hvìlɛ̀mɔ̀nì 1:13

Nà mà lìŋgàna nanù ema à hwɛ ndi nà imba, aŋga nanù à nò òŋgòwànà ò lì hwɛ ò èki yà aŋgɔ nàŋgɛ ema imba nà hwèlì anu hwèwòwà ò lìnà là ŋmɛ̀ndì mò gbamù.

3 Yòwanìrzɛ̀ 1:4

O rza enje tɔ̀ eyà ema e no òkirzɛ mɔ̀nyɛ̀ŋgì lì aka tɛ ema imba na hweyà nanù ema hwàànà hwa ami hwa lìya o jɔ̀kɛ̀ na oma Lohwɛ̀ a arza nanù ema hwa lìye.