Matiyò 9:8 - Mokpwe: Bakwery (New Testament)

⁸ Nà òma è ŋgìndì è mà ɛnɛ nanù, hwa mà tùmeyà nà mòkambiya. Rzìi hwa wòteya lì eka Lohwɛ̀, èhwanja mɔ̀ à ŋgbelì hwatò ène tumba wònjà.

Matiyò 9:8 Mawu Ofanana

Matiyò 12:23

Ene eyà ema Yerzù à mà gbèèye e ma tàmìrzɛ̀ e ŋgìndì ya hwatò ya arzɛ. Rzìi hwa wòteyà lì ayijòwanɛ mɔ̀kɔ na ɔ̀nɛyi nanù ema, “Aŋgàmɛnɛ ònò mòtò ndi à hwèlì è Ŋmanà wà e nyɔ̀ŋgɔ̀nì ya ama Dàhwitì ema a ambɛlɛhwɛyi e?”

Matiyò 15:31

Hwàŋga hwatò hwà mà jeja rzayi na òma hwà mà ɛnɛ nɛ imbùke jò òhwa, imbòkò i wɔ̀wìrzɛ̀wɛ̀yi, hwaŋga ema hwà mà kperzòhwa hwà ma ɛ̀ndɛ gbamù, na òma indima hvɛ i ma ɛ̀nɛ, rzìi hwa eka Lòohwà la hwatò hwa Irzàyɛ̀lì.

Matiyò 28:18

Yerzù rzìi a tòmbeya lì hwa kòmbɛnɛ rzìi a hwa òhweyà nanù ema, “Nà ŋgbààhwi wònja ò lìkànèyà la ŋmanyu na e rze.

Matiyò 5:16

Inyɛ̀ inyɔ hvɛ è pànye ndi ŋgàna hvɔ̀kɔ nàa ètùlù. Hwatò hwa ɛni tɛ hwèwòlò hwe anyu hwe gbamù ema è gbèya, hwa eka Lohwɛ̀ Tatɛ̀ hwa anyu ema à hwèlì ò ŋmanyu yà lohwà.”

Matiyò 9:7

Ò wòtɛmɛ̀tɛmɛ̀ rzìi òŋgò mòtò à tɛ̀mɛ̀nɛ̀, à ɛ̀ndɛ ò mààndà mà eni.

Makòrzì 2:12

À mà tɛ̀mɛ̀ rzìi à wòwà lìkɔ̀kɔ̀ lì eni à anjiya ò èŋge ndawò ò hwɛ̀ɛ̀nèlì hwe hwaŋga hwatò hwa arzɛ. Ène eyà è mà tàmìrzɛ̀ hwatò hwa arzɛ rzìi hwa eka Lohwɛ̀ hwa òhwa nanù ema, “Ì rzi ɛni ène nyàyi yà eyà!”

Makòrzì 7:37

Tɔ̀ ima mɔ̀ ema a mà hwèya hwenè hweyà a mà hwe tameya rzayì-rzayì, rzìi hwa òhwà nanù ema, “A gbèyi hweyà hwe arzɛ gbamù. A gbeyà hvɛ hwetòòtò hwe hweyà, ìmbùke hvɛ jò òhwa.”

Lukàrzɛ̀ 13:13

A mò hwàkɛ lìya la eni. O wòtɛmɛ̀tɛmɛ̀ òŋgò mòlanà a tɛnɛ̀nɛ, a wòteya lì ŋgbàà Lohwɛ̀ jeka.

Lukàrzɛ̀ 17:15

Mɔ̀kɔ wà àwu à mà ayèmbɛ ema à mà wurzeyà. Rzìi à tìmbà, a eka Lohwɛ̀ nà lìlò lì kàrzàmi.

Lukàrzɛ̀ 17:18

Tɔ̀ mɔ̀kɔ wà àwu à rza tìmbì ò lì eka Lohwɛ̀, lì akà tɛ ònò mòjilì ŋmìti e?”

Lukàrzɛ̀ 18:43

Lìwòkìmɛ̀nɛ̀, òŋgò mòtò rzìi a wòteyà lì ɛnɛ̀. Rzìi à òŋgama Yerzù. A ŋgbà hvɛ Lohwɛ̀ jèka. Nà òmà è ŋgìndì yà àrzɛ e mà ɛnɛ nanù, è mà ŋgbà Lohwɛ̀ jeka.

Lukàrzɛ̀ 2:20

Àŋga ndi hwaŋga hwà-ɔ̀ŋgèlì hwa mɛ̀lɛ̀ŋgù, hwa mà tìmbe rzìi hwa à kàrzɛ Lohwɛ̀ nà lì mò eka, èhwanja hweyà hwe àrzɛ ema hwa mà hweye rzìi hwa hwe ɛnɛ̀nɛ̀ hvɛ nà mììrzɔ̀ ma awu, nà òmà hwa mà òhwahwɛlɛ.

Lukàrzɛ̀ 23:47

È mòtìmbèlì wà hwàànèlì hwa njùma, à mà ɛ̀nɛ mamɛ ya àrzɛ ema e ma gbèyɛ̀nɛ̀, à mà eka Lohwɛ̀ rzìi a òhwa nanù ema, “Ò jɔ̀kɛ̀, ò nò mòtò à mà hwɛ ndi mòtò wà gbamù.”

Lukàrzɛ̀ 7:16

Wɔ̀ hwa arzɛ hwa mà lɛ̀mbeya mòkambiya rzìi hwa eka Lohwɛ̀ nanù ema, “Mòòhwèlì wà èlìŋgɛ̀ à jò wurzelì ò ìtììtènì jà arzu,” rzìi hwa òhwa hvɛ nanù ema, “Lohwɛ̀ à ma jà ò lì rzùŋgà hwatò hwa eni.”

Yòwanìrzɛ̀ 15:8

Èluhwe ya ama e Tatɛ̀ ya ami e awuŋmɛ̀lɛ̀ e hwèlì tɛ ema e ŋyàa hwehvùma jɔ̀ɔjɔ̀ɔ, eŋge ndi e gbeyà ema e hwɛ̀ɛ hwànɔ̀ŋgèlì hwa ami.

Hwègbèèlì 11:18

Lirzakò ema hwanɛ̀yi hwatò hwà mà hweye ene eyà, wɔ̀ hwà mà hwɛmɛ e ndandò ya awu na Pètrò rzi hwa wòteya lì eka Lohwɛ̀. Wɔ̀ hwà mà òhwa nanù ema, “Irzɔ i tànɛyi ò lì ɛnɛ nanù ema, Lohwɛ̀ a ŋgbèlì hvɛ hwanù hwatò ema hwa rza enje wònyà Yudà èŋge ehvòlò ya lì tikòwa ò wòhwè wò awu lì timba ò ma Lohwɛ̀ lì luwa lòŋgɛ la gbìndèyà.”

Hwègbèèlì 21:20

O mburza hvònda ema wɔ hwà mà hweyɛ mamɛ Pàwolò à mà òhwe, rzìi hwa eka Lohwɛ̀. Rzìi hwa òhweyà Pàwolò nanù ema, “Ŋmànyàŋgò wa arzu kòkò, ò wa ò tanɛyi lì ɛnɛ na òma ò hwèlì hwekòlì, na hwekòlì hwe hwatò hwa wònyà Yudà, ema hwe ma jɛ̀ɛ̀ hwàlòkèlì ndèŋgànɛ̀lɛ̀ wɔ hwa arzɛ hwa ikayi e mbenda ya ama Mòrzè na nyɔ̀ŋgi ndɛnɛ.

Hwègbèèlì 4:21

Hwelìyelì hwe hwàkàyìrzèlì hwe ma timba lì hwa kòkòwɛ̀lɛ̀ na ŋginyà rzi hwa hwà hwɛmɛ ema hwa ɛndɛ. Hwa rzi tànɛyi lì hwa kɔ̀kìrzɛ̀ èhwanja hwatò hwa arzɛ hwà mà hwɛ lì eka Lohwɛ̀ lì hvòmɛ̀nɛ̀ mamɛ ema e ma gbèyɛ̀nɛ.

2 Kɔ̀rintìyà 9:13

Hweya ema ene èwòlò ema e gbeyà, hwe o wuluhwa o mote, hwe gbeyà hwatò rzayi-rzayi o lì ŋgba Lohwà èluhwe, èhwanja inyɔ e hwèlì ndi o lì gbeyà na oma ŋmɛ̀ndì mò ama Krirztò mo òhwi. Inyɔ e hwɛnì rzɔ o lì uŋmɛ̀lɛ̀ mono ŋmèma mo gbamù o hwatò hwa Lohwà ema hwa hwèlì o Jèrurzalɛ̀mù, ndèŋgànɛlɛ o lì mo uŋmɛ̀lɛ̀ hvɛ o hwahvɛhvɛ hwatò hwa Lohwà.

Gàletìyà 1:24

Eyà ema Lohwɛ̀ à mà no gbèeyà e ma hwa gbeyà o lì eka Lohwɛ̀.

1 Pètrò 2:12

È hwɛnɛ hwɛ̀ɛ̀mɛ̀ hwe gbamù o ìtììtènì ja hwaŋga hwatò ema hwa rza lòkɛ̀ Lohwɛ̀, aŋga nanù tɔ̀ nɛ wɔ hwa e rzàmba nanù ema e gbeyà wòhwe, wɔ hwa ɛnɛ hwegbèèlì hwe anyu hwe gbamù. Èŋge e gbeyà hwa eka Lohwɛ̀ o wùnyà wo hwejèelì hwe eni.