Matiyò 9:3 - Mokpwe: Bakwery (New Testament)

³ Nà òma lòŋgò la Hwà-òkòlèlì hwa mbenda hwa ma hweye nanù, rzìi hwa arzàrzòwɛ wɔ̀ na wɔ̀ nanù ema, “Onò mòtò a hwɛnyɛ Lohwɛ̀!”

Matiyò 9:3 Mawu Ofanana

Matiyò 26:65

Aŋga ndi e Pìlìrzì ema e karzami ya a nyààhwà mààtù ma eni ò lì uŋmɛ̀lɛ̀ nanù ema a tàti rzìi a òhweyà hwatò hwa e ndawò ya hwèkàyìrzèlèlì nanù ema, “A òhwi ndi ìrzìlàkò! Mamɛ ja àrzeyà hvɛ ehvɛhvɛ mbòŋgi e? Inyɔ hwa arzɛ e hweyi na òma a òhwàna ìrzìlàkò!”

Matiyò 7:29

èhwanja à mà òkòlɛ̀nɛ̀ nà lìkànèyà. A rzi hwɛ lì òkòlɛ̀ nàa Hwà-òkòlèlì hwa mbenda.

Makòrzì 14:64

“È mà hweya nà òmà mɔ̀ à hwɛ̀nyɛ̀ Lohwɛ̀. Mamɛ è hwɛnì ò lì òhwa lì mò hvòmɛ̀nɛ̀ e?”

Makòrzì 3:28

Nà è òhweyà è jɔ̀kɛ̀ nanù ema, wòhwe wò àrzɛ nà ìrzìlàkò hwatò hwa òhwa, Lohwɛ̀ à hwa làkìrzɛ̀,

Makòrzì 3:29

ndi è mɔ̀ ema à òhwani Èlìŋgɛ̀ yà Wòtani lìhwena a rza ò làkìrzɛ̀hwɛ̀ tɔ̀ wùnyà, à gbèyi wòhwe wò rza làkìrzɛ̀hwɛ̀.”

Makòrzì 7:21

Èhwanja ò tenì ya mèèmà me hwatò ɔndi màlùtèyà ma wòhwe nàa e ma mòrzònje, lì ihwà na lì òŋwa hwe uhwɛlɛlɛ.

Lukàrzɛ̀ 5:21

Hwà-òkòlèlì hwa mbenda nà Ihvàlìrzàyì rzìi hwa wòteyà lì arzàrzòhwɛ nanù ema, “Njɛnɛ ònò ema a hwɛ̀nyɛ̀ Lohwɛ̀ e? Njɛnɛ à tànɛyi lì làkìrzɛ̀ wòhwe lì akà Lohwɛ̀ e?”