Matiyò 9:16 - Mokpwe: Bakwery (New Testament)

¹⁶ È hwɛni lì hwiya nanù ema mòtò a rzɛ̀ŋgɛ̀nɛ̀ tɛ mbɔti, a rza wòwà ehvàhvè ya lìhwàtù lì hvènya ò lì rzɛ̀ŋgɛ̀nɛ̀ è mbòlòwa ya mbɔ̀ti. Èhwanja eŋge ehvàhvè ya lìhwàtù lì hvènya è wòtèlì tɛ lì nyùkeyà òma la akakòwɛ ò mbòlòwa lìhwàtù. Oma eŋge èhvɔ̀ndì ya eŋge mbòlòwa ya lìhwatu ema nyàla.

Matiyò 9:16 Mawu Ofanana

Matiyò 9:15

Yerzù rzìi a hwa alàhwɛ̀ nanù ema, “Nɛ hwatò ema hwa yòhwɛ̀hwɛ̀yi ò ndèma yà lìhwa hwà tànɛyi lì lìya rzɔ̀lùù wɔ̀ hwa hwèlì tɛ na e mòhwɛnɛ wa mɔ̀ɔ̀mbì e? Jàyɛ̀ hwa rzà tànɛ̀yi! Ndi o ò jà wùnyà ema wò ò hwa wòwàna è mòhwɛnɛ wa mɔ̀ɔ̀mbì. O wòŋgò wùnyà ndi hwa ò lìya e mòkìyà njàwò ò màkanɛ̀.

Matiyò 9:17

Nanù mɛnɛ hvɛ ndi mòtò a rza tànɛ̀yi lì wòwà mòkàkò mò mimba rzìi à mà rzɔ̀lɛ̀ ò tenì yà èlùnì ja kòhwà. Ehwànja, òŋgò mòtò à gbèyi tɛ nanù, mòŋgò mòkàkò mò hvùhvà, natɛ̀ɛ è kòhwà e kandeyà, ò ma maŋga mimbà ma mà rzòweyà, ò ma è kòhwà yɔ hvɛ e ma hvaŋgeyà. È hwɛ ndi ema mòkàkò mò mimba mò rzɔ̀lɛ̀hwɛ̀ ndi ò tenì ya kòhwà hvènya, aŋga nanù e kòhwà na mììmbà ma utahwa.”

Makòrzì 2:21

Mòtò à rzèeyà tɛ mbɔti, à rza wòwà èhvàhve ya lìhwatù lì hvènya ò lì rzèeyànà e mbòlòwa yà mbɔti. Èhwanja èŋge èhvàhve ya lìŋgi lìhwàtù lì hvènya lì wòtèlì tɛ lì nyàhweyà, lì nyààwà hvɛ èŋge mbòlòwa yà lìhwàtù. Ò ma lìŋgi lìhvɔ̀ndi lì ma teyama lì akà lìmɛ̀nì.

Lukàrzɛ̀ 5:36

Yerzù à mà hwa kpɛ̀ɛ̀yà hvɛ mònò ŋmàna nanù ema, “Mòtò à hwɛnì tɛ lì rzèeyà lìwɔtì, a rza kɛ èhvàhve ya lìhwàtù ò lìŋgi lìwɔtì lì hvènya ò lì rzèeyàneyà è mbòlòwa yà lìwɔtì. À gbèyi tɛ nanù, ò ma à mà nyààwà lìwɔtì lì hvènya, èhwanja èŋge èhvàhve ya lìŋgi lìwɔtì lì hvènya lì rza ò kìta na e mbòlòwa yà lìŋgi lìwɔtì.

Yòwanìrzɛ̀ 16:12

“Nà hwɛnɛ rzayì-rzayì ja hweyà ò lì e òhweyà, hwe akayi tɔ̀ mamɛ ema e rza tànɛyi lì hwanɛ.

1 Kɔ̀rintìyà 13:13

O hwèlì hweyà hweyàwò ema hwe hwèlì, ndi lì lòkɛ̀, lìhvìtà, nà e ndìŋgɛ, ndi eyɔ ema e akayi hwe arzɛ e hwèlì ndi e ndìŋgɛ.

2 Kɔ̀rintìyà 9:12

Ène èwòlò ema e gbeyà e rza òŋgòwàna ndi hwatò hwa Lohwà mɛnɛ, ndi e hwèlì hvɛ ndi o lì uŋmɛ̀lɛ̀ nanù ema hwatò hwa eka Lohwɛ̀ rzayi-rzayi.