Matiyò 8:8 - Mokpwe: Bakwery (New Testament)

⁸ Oŋgò mɔ̀ɔ̀ŋgèlì wà hwàànà njùma rzìi à alàhwɛ̀ Yerzù nanù ema, “Ìi Rzàŋgò nà rza uki tɔ̀ mòtò ema nà tànɛyi lì ò arzàŋgànɛ̀lɛ̀ nàa ŋmɛ̀nì ò ndawò yà ami, ndi òhwa mbɔrzi hvɔ̀kɔ òma è mògbèèlì wà amì à mà wɔ̀wɔ̀.

Matiyò 8:8 Mawu Ofanana

Matiyò 3:11

Imba nà è lùhwìrzɛ̀ nà malìhwa ò lì uŋmɛ̀lɛ̀ nanù ema è mà ayèŋgòwɛ̀ ò wòhwe wò anyu. Ndi òhvɛhvɛ mòtò à hwèlì à jà ema à nò akàyi. Ema imba nà rza ukɛ hvɛ tɔ̀ mòtò ema à tanɛ lì hwànɛ hwètàmbì hwe eni. Mɔ̀ à è lùhwìrzɛ̀ ndi nà Èlìŋgɛ̀ yà Wòtani nà mùùnya.

Matiyò 3:14

Ndì Yòwanìrzɛ̀ à mà keka lì mò gbèya nanù ema à eŋgòwe ŋmèma mò eni, rzìi à mò òhwèyà nanù ema, “Nà òma è hwèlì ndi nanù ema ò wà ndi ò hwɛnì lì nò lùhwìrzɛ̀, mamɛ ndeŋgatɛ ò nò jèeya ema nò lùhwìrzɛ̀ e?”

Matiyò 8:3

Yerzù à mà enyòwa lìya là eni à lì hwàkɛ òŋgò mòtò ò nyò yà eni, à òhwa nanù ema, “Nà lìŋgàni, rzàŋga!” O wòtɛmɛ̀tɛmɛ̀ è nyàmbɛ yà mɔ̀lɔ̀ŋgɔ è mà kuwa ò nyò yà eni.

Matiyò 8:7

Yerzù rzìi à mò òhweyà nanù ema, “Nà ɛ̀ndɛ, lì mò wɔ̀wìrzɛ̀.”

Matiyò 8:9

Imba mbiti nà hwèlì ndi mòtò ò rze yà lìkànèyà. Nà kànèyà hvɛ hwàànà njùma. Nà òhweyà ŋmànèlì mɔ̀kɔ wà njuma nanù ema, ‘Ɛ̀ndɛ,’ ndèŋgànɛ̀lɛ̀ à ɛ̀ndɛ. Nà òhweyà hvɛ ɔ̀nɛyi nanù ema, ‘Jà,’ mɔ̀ hvɛ à jà. Nà òhweyà hvɛ è mògbèèlì wa ami nanù ema, ‘Gbeyà ene eyà,’ mɔ̀ hvɛ à è gbeyà.”

Lukàrzɛ̀ 15:19

Nà rza ukì hvɛ tɔ̀ è mɔ̀ ema à hwɛ̀lɛ̀hwɛ̀ e ŋmanà wà aŋgɔ̀. Rzònì, ò nò wòwe nàa mògbèèlì wà aŋgɔ̀ mɔ̀kɔ.’”

Lukàrzɛ̀ 15:21

È ŋmanà rzìi a mò òhweyà nanù ema, ‘Tatà, nà ò gbeyànì ò wà nà Lohwɛ̀ wòhwe. Nà rza ukì hvɛ tɔ̀ è mɔ̀ ema a hwɛ̀lɛ̀hwɛ̀ è ŋmanà wà aŋgɔ̀ hvɛ.’

Lukàrzɛ̀ 5:8

Nà òmà Rzìmɔ̀nì Pètrò a mà ɛ̀nɛ mamɛ e ma gbèyɛnɛ, a rzùmeya Yerzù màwɔ̀ŋgɔ̀ŋgɔ̀, rzìi a mò òhweyà nanù ema, “Yerzù kòkò, ò nò ànjiiya anù, nà rza kanɛ̀ lì ò kòmbɛ̀nɛ̀, nà hwèlì ndi mòtò wa wòhwe!”

Yòwanìrzɛ̀ 1:27

Mɔ̀ ndi à hwèlì è mɔ̀ ema à ò jɛ̀ɛ̀ ò mburza yà ami. Ndi nà rzà ukì hvɛ tɔ̀ òŋgò ema à tànɛyì lì wùnduwa mèèrzìŋgà mè hwètàmbì hwe eni.”