Matiyò 8:5 - Mokpwe: Bakwery (New Testament)

⁵ Lìrzakò ema Yerzù à mà kpèeyà ò mbòwà yà Kàpɛ̀nàwɔ̀mì, mɔ̀ɔ̀ŋgèlì mɔ̀kɔ wà hwàànà njùma wà Ròmànì ema à mà hwɛ lì kànèyà egbe yà hwàànà njùma, rzìi à mò jèeyà à mò rzòrzòmeyà nanù ema,

Matiyò 8:5 Mawu Ofanana

Matiyò 11:23

Inyɔ hvɛ hwatò hwa Kàpɛ̀nàwɔ̀mì, è ɔ̀ŋgɛ̀lɛ̀ nanù ema, e ma uka ò ŋmanyu ya Lohwɛ̀, ndi è hwɛnì lì rzìhwirzɛhwɛ ò tenì yà mùnya. È ma hwɛ tɛ ema hweyà hwe mànyakà ema Lohwà à mà gbèye ò mbòwa ya anyu hwe mà gbeyàhwa tɛ ndi ò mbòwa ya Rzòdòmi òma eŋge mbòwà e hwèlì natɛ̀ɛ na yàwònò.

Matiyò 27:54

Ndì è mòkànèlì hwa hwàànà njùma na hwanɛ̀yi hwàànà njuma ema hwà mà hwɛ lì ɔŋgeya Yerzù, hwà mà ɛnɛ mònyìŋgìrzɛ̀nɛ̀ na mamɛ ya arzɛ ema e ma gbèyɛ̀nɛ hwa mà lɛ̀mbeya mòkambiya rzìi hwa òhwa nanù ema, “Nà e jɔ̀kɛ̀ ònò mòtò à mà hwɛ ndi è Ŋmanà wà munyanà wà ama Lohwɛ̀.”

Matiyò 4:13

Yerzù à mà hwɛmɛ è mbòwà yà Nàrzarɛ̀tì, rzi à ɛ̀ndɛ lì lìya ò mbòwà yà Kàpɛ̀nàwɔ̀mì. Ene mbòwà è mà hwɛ ndi ò tòŋgòŋgò yà yùlu yà Galìlì ò erzòòkà ya Rzɛ̀bulɔ̀nì nà Nàhvìtàlì.

Matiyò 9:1

O mburza eŋge hvònda Yerzù rzìi a kpèeyà ò tenì ya wɔ̀lɔ̀ hvɛ, rzìi a aka ò enɛyi èhvàrzù ya yulu lì ɛ̀ndɛ ò mbòwà ya eni ema à mà hwɛ lì lìya.

Makòrzì 15:39

Oŋgò ŋmànèlì wa njùma ema à ma tɛ̀mɛ̀ aŋga ò wòrzò wa ama Yerzù, à mà òkànèyà lùwa, rzìi a ɛnɛ hvɛ lì undɛ̀nɛ̀ la ama Yerzù, à mà òhwa nanù ema, “Nà e jɔ̀kɛ̀ ònò munyanà à mà hwɛ ndi è Ŋmanà wà ama Lohwɛ̀!”

Makòrzì 2:1

O mburzà yà ŋgùrzù jà mèènyà, Yerzù à mà tìmba hvɛ ò mbòwà yà Kàpɛ̀nàwɔ̀mì, hwatò hwa mà hwèya nanù ema à mà jà ò mbòwà.

Hwègbèèlì 22:25

Ndi è hvònda ema wɔ̀ hwa mà hwɛ ò lì kàka Pàwolò ò lì mò gbiyɛ è hvònji, Pàwolò rzìi à ijòwa è ŋmànèlì wà njuma ema à mà mò kòmbɛ̀nɛ̀ nanù ema, “È hvòmɛ̀nɛ̀ nanù ema inyɔ è gbiyɛ wònja yà Ròmànì, ema è rzìi è kàyìrzɛ̀ e?”

Hwègbèèlì 23:17

Pàwolò rzìi a hwɛlɛ ŋmànelì wa njuma mɔ̀kɔ rzìi a mò òhweyà nanù ema, “Ɛndɛnɛ ene mberza òma e mòkànèlì wa hwàànà njuma, a òhvi eyà ò lì mò òhweyà.”

Hwègbèèlì 23:23

Òŋgò mòkànèlì wa hwàanà njuma rzìi a hwɛlɛ hwaànelì hwa njuma hwa eni hwa hwàkɛ rzìi a hwa òhweyà nanù ema, “È wòwe hwègbe hwehwakɛ hwe hwàànèlì hwa njuma, e hwa wòŋgirzɛnɛ ò lì ɛndɛ ò Kàyìrzèrìyà, e late hvɛ menì lìrzamba me hwàànèlì hwa njuma ema hwa ɛ̀ndɛnɛ iwɔ̀rzi, na ègbe ya hwàànèlì hwa njuma ema hwa anana na màwɔ̀ŋgɔ̀. O wa na wɔ̀ e wòŋgirzɛnɛ e anjiye eyà ya lùuwa la ŋgɛ̀ŋgì la wùu.

Hwègbèèlì 27:13

Ŋmanà mbɛ̀hvɛ̀nì ema e ma uwɛ̀lɛ̀lɛ̀yi mbɛŋgɛ e ma wòteyà lì aka. Rzìi hwaŋga hwatò hwa lùtèyà nanù ema hwa tànɛyi hwa ɛndɛ ò wòrzò na ŋmànò mò awu. O eŋgànɛlɛ wɔ̀ hwà mà rzìima mìiyò ma awu ò tenì ya melì me ŋmànja rzìi hwa ɛ̀ndɛ̀nɛ̀ yɔ̀ndɔ̀ ya awu ya màlìhwa lì akeyà ò tòŋgòŋgò ò lì uka ò erzòòkà ya Klɛti.

Hwègbèèlì 27:31

Ndi Pàwolò à mà òhweyà òŋgò mòkànèlì wa rzònja na irzònja nanù ema, “Hwanu hwàgbèelì hwa melì me ŋmànja hwa rza enje tɛ anu tenì inyɔ e rza tànɛyi lì kàrzòwà.”

Hwègbèèlì 27:43

Ndi òŋgò mòkànèlì wa rzònja, à mà arza ò lì kàrzòlɛ Pàwolò, ò eŋgànɛ̀lɛ̀ à mà aya irzònja ema hwa rzi gbeyà nanù. Mɔ̀ à mà kànèyà nanù ema hwaŋga hwatò ema hwa tànɛyi lì nyɔ̀keyà hwa hvànje ò malìhwa hvɔ̀ni hwa nyɔ̀keyà ò lì uka ò rzàawà.

Hwègbèèlì 9:38

È mbòwa ya Jopà e rzi rzɔlɛnɛ na e mbòwa ya Lida. O èŋgànɛ̀lɛ̀ na òma hwàlòkèlì hwa Jopà hwà mà hweye nanù ema Pètrò a hwèlì ò mbòwa ya Lida, wɔ̀ hwà mà mò òmeya wunyanà hwahwakɛ ò lì mò rzòrzòmeya nanù ema, “Jò ò atɛ̀kɛ̀yi nanù ema ò hvinjɛ̀lɛ ò jò jèeya.”