Matiyò 8:4 - Mokpwe: Bakwery (New Testament)

⁴ Yerzù rzìi à mò òhweyà nanù ema, “O rzìi keka lì òhweyà tɔ̀ mòtò tɔ̀ mɔ̀kɔ eyà ema è gbèyɛ̀nɛ̀. Ndi ò ɛ̀ndɛ wà awuŋmɛ̀lɛ̀ ò wà hwitì ò mà è Pìlìrzì à ò inje. Rzìi ò ŋgbe hvɛ jàhwèyà nàa è mbenda yà ama Mòrzè è òhwa ò lì uŋmɛ̀lɛ̀ nanù ema ò mà rzàŋga.”

Matiyò 8:4 Mawu Ofanana

Matiyò 10:18

O nyòla ami, hwatò hwa e ɛ̀ndɛnɛ ò marzò ma i Gɔ̀winà, na ìkiŋgɛ̀. Wɔ̀ hwa gbeyà ene, aŋga nanù inyɔ e hwa òhweyà na hwaŋga ema hwa rza enje wònyà Yudà ŋmɛ̀ndì mò gbamù.

Matiyò 16:20

Yerzù rzìi a kànèyà Hwà-òkòwèlì hwa eni ama hwa rzi keka lì òhweyà tɔ̀ mòtò ema mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi.

Matiyò 17:9

Nà òmà hwa mà hwɛ lì rzìhwa ò èŋge hvàko, Yerzù rzìi a hwa kànèyà nanù ema, “È rzi kèka lì òhweyà tɔ̀ mòtò mamɛ e ɛni natɛ̀ɛ nà è hvònda ema Lohwà à ò hvùmùlɛ̀ è Ŋmanà wà è Mòtò wà Hwènàmà.”

Matiyò 3:15

Yerzù rzìi à mò tìmbirzɛ̀lɛ̀lɛ̀ nanù ema, “Inyɛ̀ è hwɛ nanù ò naŋgɛ. Ò lɔ̀wu ema ì gbèèye ene eyà naŋgɛ nà òma Lohwɛ̀ arza.” Yòwanìrzɛ̀ rzi à emèyà ò lì mò lùhwìrzɛ̀.

Matiyò 5:17

“È rza ɔ̀ŋgɛ̀lɛ̀ nanù ema nà jelì ndi ò rze ò lì limirzɛ imbenda ja ama Mòrzè nà hwèyà ema hwà-òhwèlì hwa hwèlìŋgɛ̀ hwa mà è òkòlɛ. Nà rza jelì ndi ò lì hwe limirzɛ̀ ndi nà jelì ndi ò lì hwe òndìrzɛ̀.

Matiyò 6:1

“È aŋgòwe! È rzìi gbeyà èwòlò yà anyu yà Lohwɛ̀ èhwanja è arza nanù ema hwatò hwa è ɛnɛ. È gbèyi tɛ nanù, è rza lùwa tɔ̀ mòrzawèlì na Tatɛ̀ wà anyu ema à hwèlì ò lìkànèyà là ŋmanyu.”

Matiyò 9:30

Lìwòkìmɛ̀nɛ̀ rzìi hwa ma wòteyà lì ɛnɛ̀. Yerzù rzìi a hwa kòkòhwɛ̀lɛ̀ kɔ̀yi-kɔ̀yi nanù ema, “È rzìi òhweyà tɔ̀ mòtò ene eyà ema e gbèyɛ̀nɛ̀.”

Makòrzì 13:9

Hwenè hweyà hwe wòtelì tɛ lì gbèyɛ̀nɛ, è hwɛnì lì aŋgòwa. Èhwanja hwa hwɛnì lì è ŋgbàŋgɛ rzìi hwa è àkɛ̀lɛ̀lɛ ò màà mà hwàkàyìrzèlì hwa meyàŋgò. Hwa è gbiyɛ hvònjì ò ndawò ja màkanɛ̀ ja wònyà Yudà. O nyòla ya ami è tɛ̀mɛ̀ ò màrzò ma hwàkànèlì na ìkiŋgɛ̀ ò hwèkàyìrzèlì. Hwenè hweyà hwe ò gbèèyɛnɛ aŋga nanù òma e ma hwa òhweyà Ŋmɛ̀ndì mò Gbamù mò òma Lohwɛ̀.

Makòrzì 3:12

Yerzù à mà kòkòwɛ̀lɛ̀ hwaŋga hwatò nɔ̀ke-nɔ̀ke àma hwa rzi kèka lì òhweyà tɔ̀ mòtò njɛnɛ mɔ̀ à hwèlì.

Makòrzì 5:43

Yerzù à mà hwa kòkòwɛ̀lɛ̀ kɔ̀yi-kɔ̀yi ema hwa rzi keka lì gbeyà ema mòtò a hwiye mamɛ e gbèyɛ̀nɛ̀yi. A hwa òhweyà ama hwa mò ŋgbe yòma ya lì làa.

Makòrzì 6:11

È ɛndì tɛ mbòwà ema e rza e kàrzɛ̀ na lì e òkànèyà è ànjiye aŋga, e hvùhvùhwè irzɔ̀hwɛ̀ ja anyu ja màtàŋgà nàa mbòŋgi lì uŋmɛ̀lɛ̀ nanù ema wòhwe wò awu wò hwa ɔ̀ŋgɔ ndi wɔ̀ ò hwètìmbèlì hwe anyu.”

Makòrzì 7:36

Yerzù rzìi a hwa kòkòwɛ̀lɛ̀ nɔ̀ke-nɔ̀ke ama hwa rzìi keka lì òhweyà tɔ̀ mòtò ene eyà, ndi tɔ̀ nɛ à mà òhwe nanù, wɔ̀ hwà mà hwatɛ ndi o lì òhwa nanù mɛnɛ.

Makòrzì 8:30

Yerzù rzìi a hwa kòkòwɛ̀lɛ̀ ama, hwa rzi keka lì òhweyà tɔ̀ mòtò njɛnɛ mɔ̀ à hwèlì.

Makòrzì 9:9

Nà òmà hwa mà hwɛ lì rzìhwa ò èŋge hvàko, Yerzù rzìi a hwa kànèyà nɔkè-nɔkè, nanù ema, “È rzi kèka lì òhweyà tɔ̀ mòtò mamɛ̀ ema è ɛni natɛ̀ɛ nà è hvònda ema è Ŋmanà wà è Mòtò wà Hwènàmà à ò hvùmùwɛ̀.”

Lukàrzɛ̀ 17:14

Nà òmà Yerzù a mà hwà ɛnɛ rzìi a hwa òhweyà nanù ema, “È ɛ̀ndɛ̀ ya awuŋmɛ̀lɛ̀ Ipìlìrzì.” Nà òmà hwa mà hwɛ lì ɛ̀ndɛ, rzìi, ìnyò ja awu ì rzàŋgà.

Lukàrzɛ̀ 21:13

Ène hvònda rzɔ ɔ̀ndi e hwɛnɛ ehvòlò ò lì òhwà hweyà hwe arzɛ e rzɔ̀ŋgìtɛ̀nɛ̀yi lì nò hvòmɛ̀nɛ̀.

Lukàrzɛ̀ 4:41

Hwèlìŋgɛ̀ hwe wòhwe hwe mà anjiya hvɛ rzayì-rzayì ja hwatò ò nyò ja awu na mèrzeya nanù ema, “Ò wa ndi ò hwèlì è Ŋmanà wà ama Lohwɛ̀!” À mà hwa kanja, rzìi a rzì hwa ŋgbe hvɛ tɔ̀ èhvòlò ò lì òhwà, èhwànja hwa mà hwiya ema mɔ̀ ndì à hwèlì è Mɔ̀ ema a Ɔ̀kirzɛ̀hwɛ̀yi nà Lohwɛ̀.

Lukàrzɛ̀ 5:14

Yerzù rzìi à mò kànèyà nanù ema, “O rzìi keka lì òhweyà tɔ̀ mòtò tɔ̀ mɔ̀kɔ eyà ema e gbèyɛ̀nɛ̀. Ndi ò ɛ̀ndɛ wa awuŋmɛ̀lɛ̀ ò wa hwitì ò ma e Pìlìrzì a ò inje. Rzìi ò ŋgbe hvɛ jàhwèyà nàa e mbenda ya ama Mòrzè e òhwa ò lì uŋmɛ̀lɛ̀ nanù ema ò ma rzàŋga.”

Lukàrzɛ̀ 8:56

È rzàŋgò nà è nyàŋgò ya àma òŋgò ŋmanà hwa mà tàmà rzayì-rzayì. Yerzù rzìi a hwa òhweyà àma hwa rzì kèka lì òhweyà tɔ̀ mòtò mamɛ ya arzɛ ema e gbèyɛ̀nɛ̀yì.

Lukàrzɛ̀ 9:21

Yerzù rzìi a hwa kòkòwɛ̀lɛ̀ nà ŋginyà ema, hwa rzì keka lì wulùhweyà mòtò enè eyà.

Yòwanìrzɛ̀ 5:41

“Nà rza arza ndi èluhwe ya hwatò hwa hwènàmà.

Yòwanìrzɛ̀ 7:18

Tɔ̀ ima mòtò ema a òhwà na è wònjà ya eni a gbeyà ndi nanù ò lì arzɛlɛ èluhwe na mɔ̀ ŋmìti. Ndi e mɔ̀ ema a arza èluhwe ya e mɔ̀ ema a mò òmi, a hwèlì ehve-ehve a rza enje mòtò ema a kɔwu hweyà.

Yòwanìrzɛ̀ 8:50

Nà rza arzɛlɛ èluhwe na imba mbiti. Ndi ò hwèlì mɔ̀kɔ ema a ya arza. Mɔhvɛ ndi à hwèlì e mòkàyìrzèlèlì.