Matiyò 8:16 - Mokpwe: Bakwery (New Testament)

¹⁶ È hvònda yà è ŋgòmbe yà lohwà, hwatò hwa mà jàneyà Yerzù rzayì-rzayì ja hwatò ema hwa mà òhva hwèlìŋgɛ̀ hwe wòhwe ò tenì ja awu. Yerzù à mà gbeyànà è mbɔrzi yà eni yà wàna ò lì ulɛ̀ hweŋge hwèlìŋgɛ̀ hwe wòhwe, rzìi à wɔ̀wìrzɛ̀ hvɛ hwaŋga hwatò hwa arzɛ ema hwa mà ɔ̀kìrzɛ̀.

Matiyò 8:16 Mawu Ofanana

Matiyò 12:22

O mburza nanù rzìi lòŋgò la hwatò hwa jàneyà Yerzù mòtò mɔ̀kɔ ema à mà hwɛ ndima na mbuke, èhwanja èlìŋgɛ̀ ya wòhwe e ma hwɛ ò tenì ya e nyò ya eni. Yerzù à mà wɔ̀wìrzɛ̀ òŋgò mòtò natɛ̀ɛ à mà wòteyà lì ɛnɛ na lì òhwa.

Matiyò 14:14

È hvònda Yerzù à mà rzihwe ò wɔ̀lɔ̀, rzìi à ɛnɛ ŋgìndì ndɛ̀nɛ̀ yà hwatò. À mà hwa kpèeyà ììlì rzìi à wɔ̀wìrzɛ̀ hwaŋga ema hwa mà ɔ̀kirzɛ̀.

Matiyò 8:15

Nà òma Yerzù à mà lɛ̀mbɛ̀ lìya là eni, rzìi eŋge ŋgɔwu è mò hwɛ̀mɛ̀. Rzìi à tɛ̀mɛ̀ à hwa kàrzɛ̀.

Matiyò 8:33

Hwàŋga hwatò ema hwa ma hwɛ lì ɔ̀ŋgeyà iŋgi ŋgòwa hwa mà hwaŋga, hwa ɛ̀ndɛ lì kpèeyà ò mbòwà. Hwa wòteyà lì òhweyà hwatò mamɛ ya arzɛ ema e gbèyɛ̀nɛ̀ na hwaŋga hwatò ema hwa ma òhva hwèlìŋgɛ̀ hwe wòhwe.

Matiyò 9:2

Nà òmà à mà uke ò mbòwà ya eni, lòŋgò la hwatò hwa ma mò jàneyà mòtò mɔ̀kɔ ò lìkɔ̀kɔ̀ ema à mà ɔ̀kìrzɛ̀ e nyàmbɛ ya njɛmbu. Nà òma Yerzù à mà ɛnɛ lìlòkɛ̀ la awu, rzìi à òhweyà òŋgò mòòkèlì nanù ema, “È ŋmanà wa munyanà wa ami kòkò, ò rza òka wɔ̀ŋgɔ̀, na mà ò làkìrzɛ̀ wòhwe wò aŋgɔ̀.”

Makòrzì 2:3

Ène hvònda ndi hwatò hwanì hwa mà jànè mòtò mɔ̀kɔ ema à mà ɔ̀kìrzɛ̀ e nyàmbɛ yà njɛmbu.

Makòrzì 5:8

A ma òhwa ndi ene Èya èhwanja, Yerzù à mà hwɛ à mà màa lì òhweyà èlìŋgɛ̀ ya wòhwe nanù ema, “O wa èlìŋgɛ̀ ya wòhwe ò mò anjiye ò nyò ya eni!”

Makòrzì 9:25

Ŋgindi ndɛnɛ è mà hwɛ lì hwaŋga ò lì jà lì arzàŋganɛ aŋga. Nà òmà Yerzù a mà ɛnɛ è ŋgìndì e hwaŋga lì jà ò èŋge èki, à mà lòmeya èŋge èlìŋgɛ̀ ya wòhwe nanù ema, “O wa èlìŋgɛ̀ ya hwètòòtò nà mbùke na ò kànèlì nanù ema ò mò wurze, ò rzìi mò kpèeyà hvɛ ò nyò.”

Lukàrzɛ̀ 13:12

È hvònda ema Yerzù a mà mò ɛnɛ, rzi a mò hwɛlɛ, rzì a mò òhwàna nanù ema, “Nyàŋgò kòkò è nyàmbɛ yà aŋgɔ̀ ema ò òka ema kùwà.”

Lukàrzɛ̀ 4:40

È hvònda igbe ì mà wòteya lì ɔ̀ndɔ̀meyà, hwa mà mò jàneya hwà-òkèlì hwa nyayi nà nyayi ja nyàmbɛ. À mà kùwa lì hwa hwàkɛ màà mà eni, rzìi hwa arzɛ hwa wɔ̀wɔ̀.

Lukàrzɛ̀ 4:41

Hwèlìŋgɛ̀ hwe wòhwe hwe mà anjiya hvɛ rzayì-rzayì ja hwatò ò nyò ja awu na mèrzeya nanù ema, “Ò wa ndi ò hwèlì è Ŋmanà wà ama Lohwɛ̀!” À mà hwa kanja, rzìi a rzì hwa ŋgbe hvɛ tɔ̀ èhvòlò ò lì òhwà, èhwànja hwa mà hwiya ema mɔ̀ ndì à hwèlì è Mɔ̀ ema a Ɔ̀kirzɛ̀hwɛ̀yi nà Lohwɛ̀.

Hwègbèèlì 5:15

Nàa e mbakò ya mamɛ ema i àpɔ̀rzìtòlò i ma hwɛ lì gbeyà, hwatò hwà mà hwanɛ hwaŋga ema hwà mà ɔ̀kirzɛ̀ ò lì hwa ika ò tòŋgòŋgò jà mà njiya, rzìi hwa hwà nàŋgirzɛ ò mànɔ̀ŋgɔ̀ na ò hwèrzarzì aŋga. Hwà mà hwɛ lì gbeyà nanù na màlùtèyà nanù ema Pètrò à aka tɛ èlìŋgɛ̀ ya eni e hwa undeya ndèŋgànà hwa ò wɔ̀wìrzɛ̀hwɛ.