Matiyò 8:10 - Mokpwe: Bakwery (New Testament)

¹⁰ Nà òma Yerzù à mà hweye hwenè hwèyòhwèlì, à mà tàmà rzayi-rzayi, rzìi à òhweyà hwaŋga ema hwa mà mò nɔ̀ŋgɔ nanù ema, “Nà è òhweyà ndi è jɔ̀kɛ̀, nà rzì ɛnì tɔ̀ mòtò tɔ̀ mɔ̀kɔ ò èkòmè ya arzɛ yà Irzàyɛ̀lì ema à òhvi ene tumba ya lìlòkɛ̀ ema ònò ŋmɛ̀nì à òhvi.

Matiyò 8:10 Mawu Ofanana

Matiyò 15:28

Yerzù rzìi a mò alàhwɛ̀ nanù ema, “O hwèlì ndi mòlanà a òhvi lìlòkɛ̀ lì òlò! Mamɛ ò arza e ò gbèyɛnɛ.” Liwòkimɛnɛ e ŋmanà wa eni wa mòlanà à mà wɔ̀wɔ̀.

Matiyò 8:11

Nà è òhweyà ndi nanù ema, è hvònda ema o ò hwɛ ndèma ò lìkànèyà là ama Lohwɛ̀, rzayì-rzayì ja hwatò ema hwa rza kànɛ̀yi ò lì hwɛ aŋga hwa ò uhwɛ̀lɛ̀lɛ ɔ̀nɛyi nà wàteŋyi, ema hwa ò wòwɛ hwèki hwe awu hwe hwèlìyelì ò eŋge ndèma yà lìkànèyà là ŋmanyu yà lohwà nà imbamba ja arzu Abràhamù, Irzàkì, nà Jèkɔ̀bù.

Matiyò 8:9

Imba mbiti nà hwèlì ndi mòtò ò rze yà lìkànèyà. Nà kànèyà hvɛ hwàànà njùma. Nà òhweyà ŋmànèlì mɔ̀kɔ wà njuma nanù ema, ‘Ɛ̀ndɛ,’ ndèŋgànɛ̀lɛ̀ à ɛ̀ndɛ. Nà òhweyà hvɛ ɔ̀nɛyi nanù ema, ‘Jà,’ mɔ̀ hvɛ à jà. Nà òhweyà hvɛ è mògbèèlì wa ami nanù ema, ‘Gbeyà ene eyà,’ mɔ̀ hvɛ à è gbeyà.”

Makòrzì 6:6

Yerzù a mà ònda nà hwètàmirzelì èhwanja hwanù hwatò hwa rzi hwɛnɛ lì lòkɛ̀. Yerzù rzìi a ɛ̀ndɛ ò màmbòwà ma rzàlì ema ma mà hwɛ lì kòmbɛ̀nɛ̀ aŋga ò lì òkòlɛ̀ hwatò.

Lukàrzɛ̀ 5:20

Nà òmà Yerzù a mà ɛ̀nɛ lìlòkɛ̀ là hwaŋga hwatò, rzìi a òhweyà òŋgò mòtò wà njɛmbu nanù ema, “Ŋmàyi e, nà ò làkìrzɛ̀ wòhwe wa aŋgɔ̀.”

Lukàrzɛ̀ 7:50

Yerzù rzìi à òhweyà òŋgò mòlanà nanù ema, “Lìlòkɛ̀ lì aŋgɔ̀, lì ò òŋgirzɛyi. O ɛ̀ndɛ nà ɛ̀yɔ̀lɛ̀.”

Lukàrzɛ̀ 7:9

Nà òmà Yerzù a mà hweye nanù, à mà tàmà. Rzìi à ayeŋgòwɛ̀lɛ̀lɛ̀ è ŋgìndì rzìi a òhwa nanù ema, “Nà rzi ɛni tɔ̀ mòtò tɔ̀ mɔ̀kɔ ò enè èkòmè ya Irzàyɛ̀lì ema à òhvi enè tumba ya lìlòkɛ̀ ema ònò ŋmɛ̀nì a òhvi.”

Hwègbèèlì 2:7

O hwetamirzelì rzìi hwa ijòwa nanù ema, “Rzeke hwanù hwatò hwa arzɛ ema hwa òhwa nanù, hwa hwèlì ndi hwatò hwa erzòòkà ya Gàlìlì e?