Matiyò 7:7 - Mokpwe: Bakwery (New Testament)

⁷ “Ijòwa Lohwɛ̀, à ò ŋgbà. Ò arze, Lohwɛ̀ à gbeyà ò è ɛnɛ, ò kumbe lìyòhva, Lohwɛ̀ ò è lìhvòweya è lɔ̀.

Matiyò 7:7 Mawu Ofanana

Matiyò 18:19

Nà e òhweyà hvɛ e jɔ̀kɛ̀ ema hwatò hwahwàkɛ anù rze hwa kaki tɛ ò lì ijòwa tɔ̀ ima lìtumba la eyà ò màkanɛ̀, Tatɛ̀ wa ami wa e ŋmanyu yà lohwà a hwa gbèeyà e yɔ.

Matiyò 21:22

È òhvi tɛ lì lòkɛ̀ nanù ema, tɔ̀ mamɛ ema e ijòwani Lohwɛ̀ ò màkanɛ̀ ye e lùwa. Nànù òma e ijòwi tɛ ye e luwa.”

Matiyò 6:33

Ndi è lòmè lì arza hweyà hwe lìkànèyà là ama Lohwɛ̀ lì aka hweyà hwe arzɛ. Ndèŋgana è gbèèyè hvɛ mamɛ ema Lohwɛ̀ à arza nanù ema è gbèèyè. È gbèyi tɛ nanù, Lohwɛ̀ à è ŋgbà hwenɛyi hwèmà hwe arzɛ.

Matiyò 7:11

Hwatò hwa wòhwe nàa inyɔ è ŋgbà tɛ hwàànà hwa anyu hwema hwe gbamù, ŋgèlì iti nà Tatɛ̀ wà ànyu ema à hwèlì ò ŋmanyu yà Lohwà. Nɛ à rzà ŋgbà màhwèyà mà gbamù ò hwatò ema hwa mò ijòwi e?

Matiyò 7:8

Èhwanja tɔ̀ njɛnɛ ema à ijòwi Lohwɛ̀, à è lùwà, tɔ̀ njɛnɛ hvɛ ema à arza yòma à è ɛnɛ̀. È mɔ̀ hvɛ ema à kùmbi lìyòhva, Lohwɛ̀ à mò lìhvòweyà è lɔ̀.

Makòrzì 11:24

Nà è òhweyà ema tɔ̀ mamɛ ema è ìjòwahwi Lohwɛ̀ ò màkanɛ̀, è lòkɛ̀ tɛ nanù ema è e lùwà, e ò gbèyɛ̀nɛ̀.

Lukàrzɛ̀ 13:25

È hvònda yò ò jà ema e mòhwɛnɛ wà ndawò a ò tɛ̀mɛ̀ ò ŋmanyu ò lì umba lìyòhva la eni. Èŋge hvònda inyɔ̀ è ò tɛ̀mɛ̀ ò èwòkà, lì kùmba lìyòhva rzìi ya òhwa nanù ema, ‘Rzàŋgò ò jò lìhvòweyà lìyòhva.’ A yà alàhwɛ̀ nanù ema, ‘Nà rza hwi òne e uwɛ̀lɛ̀lɛ̀yi.’

Lukàrzɛ̀ 18:1

Yerzù rzìi a kpɛ̀ɛya hwà-òkòwèlì hwa eni ŋmàna àma hwa hwɛ ndi ò màkanɛ̀ ihvònda ja àrzɛ. Hwa rzì kèka lì tùulɛ̀ mèèmà.

Yòwanìrzɛ̀ 15:16

Inyɔ è rzi nò hvɔ̀rzè, ndi imba ndì nà è hvɔ̀rzì rzìi nà è òmi nanù ema è ɛ̀ndɛ è gbèye hweyà ema hwe ŋyàa hwehvùma hwe gbamù. Iŋgi nyàyi jà hweyà ema ì ò indaa. È gbèyi tɛ nanù Tatɛ̀ wà ami à è ŋgbà tɔ̀ ima nyàyi yà yomà ema è mò ijòwi ò lìnà là ami.

Yòwanìrzɛ̀ 15:7

È kakùmɛ̀nɛ̀ tɛ nanù mɛnɛ na imba rzìi hwèyòkòlèlì hwe ami hwèyɔ̀hvɛ hwe hwɛ ò tenì e anyu, e ijòwe tɔ̀ mamɛ ema e arza, ye e èlùwà.

Yòwanìrzɛ̀ 4:10

Yerzù rzìi a mò alàhwɛ̀ nanù ema, “O hwìiyàyì tɛ jàhwèyà ja ama Lohwɛ̀, rzìi ò hwiya hvɛ njɛnɛ ema a òhweyà à mà ò nò ŋgbe malìhwà mà lì nyɔ, ò ma ò wa ò nò ijò malìhwa. Ndèŋgàna ò ma imba na ò ŋgbèelì malìhwa ema mà ŋgba lòŋgɛ.”

Ròmànì 2:7

Hwàŋga hwatò ema hwa rza ɔ̀tɔ̀ ò lì gbeyà hweyà hwe gbamù, na lì arze èluhwe na lì kàrzɛhwɛ, hwa ò hwɛ ò lòŋgɛ ò gbìndèyà. Lohwɛ̀ a ò ŋgbà inì nyayi ja hwatò lòŋgɛ la gbìndèyà.

Ròmànì 3:11

O rza enje tɔ̀ mòtò tɔ̀ mɔ̀kɔ ema a rzɔ̀ŋgìtɛ̀nɛ̀ e jɔ̀kɛ̀ lì hvòmɛ̀nɛ̀ Lohwɛ̀, ò rza enje tɔ̀ mòtò tɔ̀ mɔ̀kɔ ema a keka ò lì hwiya Lohwɛ̀.

Hibrù 11:6

Mòtò a rza ohvi tɛ lìlòkɛ̀ a rza tànɛyi a òkìrzɛ̀ Lohwɛ̀ mɔ̀nyɛ̀ŋgì. Èhwanja tɔ̀ njɛnɛ ema a arza o lì jà o lì kombɛnɛ Lohwɛ̀ a àŋgàmɛ̀nɛ̀yi lìlòkɛ̀ nanù ema Lohwɛ̀ a hwèlì. Ndèŋgana a lòkɛ̀ nanù ema Lohwɛ̀ a taŋgeya hwatò ema hwa arza lì mo nɔ̀ŋgɔ o mburza.

Jèmìrzì 5:15

Hwa mo kànɛlɛlɛ tɛ na ŋmèma mɔ̀kɔ, Lohwɛ̀ a hwa hweyàna màkanɛ̀ ma awu, ndeŋgànɛlɛ eŋge e gbeyà e mòokelì a wɔ̀wɔ. È Rzàŋgo e gbeyà ema oŋgo mòtò a anjiye o lìnɔ̀ŋgɔ la eni la nyàmbɛ a hwɛ gbamù, ndèŋgànɛ̀lɛ̀ tɔ̀ wòhwe ema mɔ̀ à gbèyi Lohwɛ̀ a mo làkìrzɛ e lɔ̀ɔ.

1 Yòwanìrzɛ̀ 3:22

I luwàna Lohwɛ̀ tɔ̀ mamɛ ema i mo arzanì, ehwànja irzɔ jo òŋgama imbenda ja eni, na lì gbeyà hvɛ mamɛ ema e mo lìŋgìrzɛ.