Matiyò 7:6 - Mokpwe: Bakwery (New Testament)

⁶ O rzi wòwà hwèèmà hwe ama Lohwɛ̀ rzi ò ji ŋgbà iŋgba, èhwanja jò ò àyiŋgòwɛ̀lɛ̀lɛ̀ lì ò urzuweyà. O rzi hvimbeya hvɛ iŋgòwa ŋmɛ̀ɛ̀ŋgu mò aŋgɔ̀, èhwanja i jì làalà nà matàŋga mà awu.”

Matiyò 7:6 Mawu Ofanana

Matiyò 15:26

Yerzù rzìi a mò alàhwɛ̀ nanù ema, “O rza lɔ̀ɔ lì wòwà mòlelì mò hwàna rzìi ò mò aŋgbeyà iŋgba.”

Matiyò 24:10

“Hwatò rzayì-rzayì hwa rza ò lòkɛ̀ hvɛ, hwa ò ŋgbà mɔ̀kɔ na ɔ̀nɛ̀yi ò màà mà hwaŋga ema hwa hwà kɔwu. Hwa ò a kɔ̀ɔnɛ mɔ̀kɔ na ɔ̀nɛ̀yi.

Matiyò 7:5

Ò wà mòtò wà mèhvìlì! Lòma lì ulɛ̀ ètùmba ema yò ò hwèlì ò lìrzɔ̀ là aŋgɔ̀, aŋgà nanù ò tànɛ̀yi lì ɛnɛ̀ gbamù, è ŋmanà jùma lìmòki ema à hwèlì ò lìrzɔ̀ la ama ŋmànyɔ̀ŋgɔ̀ wà aŋgɔ̀.

2 Kɔ̀rintìyà 11:26

Nà ma ɛndɛ hweyɔ̀ndɔ̀ rzayi-rzayi, o hweŋge hweyɔ̀ndɔ̀, nà mà arza lì inda o malìhwa. Nà ma uhwa lì wɔ̀lɛ̀nɛ̀ lòoŋgɛ la ami o màà mà hwayihwɛ, o màà mà hwatò wa ami hwa wònyà Yudà na o màà mà hwatò ema hwa rza enje wònyà Yudà. Nà ma uhwa lì wɔ̀lɛ̀nɛ̀ lòŋgɛ la ami o mambowà mà ndɛnɛ o mòrzànjɛ̀, o ŋmànja na o màà mà hwatò ema hwa ahwèŋgɛ nanù ema hwa hwèlì ndi wònya Krirztò ema hwa rza enje.

Hvìlipìyà 3:2

È aŋgoweya hwaŋga hwatò hwa wòhwe ema hwa hwèlì ndi nàa iŋgbà, e hwa aŋgoweya ehwànja wɔ̀ hwa ohwa nanù ema mòtò a àŋgàmɛ̀nɛ̀yi lì endàhwa.

Hibrù 10:29

Mòtò a rza wowi tɛ e Ŋmanà wà mùnyanà wa ama Lohwɛ̀ nàa tɔ̀ eyà, nanù oma mɔ̀ à rza wowi màyija ma yòòmbò ya ama Lohwɛ̀ ema mà mo gbèyi ema a hwɛ worzaŋgi nàa tɔ̀ eyà. Ndèŋgàna e hwèlì tɛ ema mɔ̀ à hwɛnyɛ Èlìŋgɛ̀ ema e jànà ndèli nɛ rzɔ e kɔ̀kìrzɛ̀ ya ama ene nyayi ya mòtò e tànɛyi lì hwɛ e?

Hibrù 6:6

È hwèlì tɛ nanù ema hwaŋga hwatò hwà mà màa lì ɛnɛ hweŋge hweyà, rzìi hwa kìnyɛ̀lɛ̀ màlòkɛ̀ ma awu, tɔ̀ mòtò a rza tanɛ lì hwa tìmbìrzɛ hvɛ o lì àyèŋgowɛ̀ o wòhwe o lì nɔ̀ŋgɔ̀ Lohwɛ̀. Nà oma hwa rzɔ̀njɛlɛ è Ŋmanà wà Mùnyanà wa ama Lohwɛ̀, e hwèlì ndi o a ɛnɛ oma hwà mà mo wòmeyà hvɛ o mbàrza. Ndeŋgànɛ̀lɛ̀ hwà mà mo gbeyà o lì oka irzɔ̀ni o worzo wo hwatò.

2 Pètrò 2:22

Mamɛ ema e ma hwa gbèyɛ̀nɛ e uŋmɛ̀lɛ̀i ndi nanù ema, ŋmàna mo òhwa ndi e jɔ̀kɛ̀ nanù ema, “È ŋgbàà e timba ndi o lì laa mamɛ ema e ma màa lì yohwa” ndèŋgànɛ̀lɛ̀ “È ŋgòwa ema e ma rzorzahwɛ e rza hvoŋga o lì anyɔ̀kɛlɛ o tenì ya lìrzanja.”

Hwèwulùwèlì 22:15

Hwàto ema hwa rza o kpeeyɛ o tenì ya eŋge mbowà ndɛɛndɛ, hwa hwèlì ndi hwatò ema hwa gbeyà hweyà hwe mbìndo, hwatò ema hwa aŋgba màaŋga, hwatò ema hwa gbeyà mòrzònje, hwatò ema hwa oŋwa hwatò, hwatò ema hwa kanɛ̀ mòohwà mà mòlàŋga, hwatò ema hwa lìŋgàni lì kɔ̀ɔ hweyà na e wɔ̀ ema hwa kɔ̀ɔ hweyà.