Matiyò 7:25 - Mokpwe: Bakwery (New Testament)

²⁵ O mburza hvònda è mbuwà ndɛnɛ è mà yɔɔ, meyòrzò mè mà hvùhva, è mbɛ̀hvɛ̀nì hvɛ è mà akeyà èŋge èki ema è ndawò è mà tɛmeya, ndi èŋge ndawò è rzi rzuuwe, èhwanja, è mà òŋgahwa ò ŋmanyu yà ewòmà yà lìŋyàyi.

Matiyò 7:25 Mawu Ofanana

Matiyò 16:18

Pètrò na òhweyà nanù ema ò hwèlì ndi ɛ̀kɔ̀kɔ̀ ya lìŋyàyi. O ŋmanyu ya ene ɛkɔkɔ ya lìŋyàyi ndi na òŋga mìitelì me ami. Tɔ̀ è ŋginyà ya e kpelì e rza tànɛyi lì anana meŋge miitelì.

Matiyò 7:24

“O èŋgànɛ̀lɛ̀ tɔ̀ ima mòtò ema à hweyi hwene hwèyòhwèlì hwe ami, rzìi à gbeyà mamɛ ema hwe òhwa, à hwèlì ndi nàa è mòtò wà gbaŋgò ema à òŋgi è ndawò yà eni ò ŋmanyu yà èwòmà yà lìŋyàyi.

Matiyò 7:26

Ndi tɔ̀ ima mòtò ema à hweyi hwène hweyòhwèlì hwe ami, rzìi à rzi gbèye mamɛ ema hwe òhwa, à hwèlì ndi nàa èèti yà mòtò ema à òŋgi è ndawò yà eni ò ŋmanyu yà nyàŋga.

Matiyò 7:27

O mburza hvònda è mbuwà ndɛnɛ è mà yɔɔ, meyòrzò mè mà hvuhva, è mbɛ̀hvɛ̀nì hvɛ è mà akeyà eŋge èki ema è ndawò è mà tɛmeya. Èŋge ndawò è mà rzùùwa è wuhweyà.”

Hwègbèèlì 14:22

Tɔ ima èki ema hwà mà uke, hwà mà hwɛ lì òkòlɛ hwatò ema hwà mà lòkɛ̀ Yerzù na lì etìrzɛ mèèmà me awu aŋga nanù hwa ò alɛ̀mbɛ̀nɛ lì lòkɛ̀ la awu. Hwà mà hwɛ lì hwa òkòlɛ nanù ema, “I hwɛni lì akeyà rzayi-rzayi ja mètàkà ndèŋgàna je e kpèeyà ò lìkànèyà la ama Lohwɛ̀.”

Ɛ̀hvìrzìyà 3:17

Ndèŋganɛlɛ nà kànɛ̀ hvɛ nanù ema lì lòkɛ̀ là anyu ò mà Krirztò è onàhwè ò mèèmà mè anyu. Nà kànɛ̀ hvɛ nanù ema è lìŋganè Lohwɛ̀, ndèŋgànà è lìŋganè hvɛ mɔ̀kɔ nà ɔ̀nɛyi. È gbèyi tɛ nanù, ò mà è mà hwɛ ndi nàa gbee ema meyàŋga mè eni mè rzɔ̀ŋgɔ̀ ò tenì yà mɔ̀nyɛ̀, ndèŋgana è hwɛ ndi nàa ndawò ema è tɛmi gbamù ò rze.

Kòlòrzìyà 2:7

Nà oma o lòkɛ̀ hweyà ema hwanu hwà-òkòlèlì hwa e okòlɛ, hwene hweyà hwe hwèlì ndi e jɔ̀kɛ̀. Ndeŋgànɛ̀lɛ̀ e a ŋgbàà Lohwɛ̀ jeka o hweyà hwe arzɛ o ihvonda ja arzɛ.

Jèmìrzì 1:12

Mònàmɛ̀ mo hwɛ nà tɔ̀ ima mòtò ema à àjùlɛ̀ o tenì ya màkèkirzɛnɛ, ehwànja a kulɛ tɛ lì aka màŋga makèkirzɛ, Lohwɛ̀ a mo rzaweya morzawelì ema mo hwèlì ndi lòŋgɛ ema mɔ̀ à ohwi nanù ema a ŋgba hwatò ema hwa mo lìŋgàni.

1 Pètrò 1:5

Lohwɛ̀ à gbeyàna è ŋginyà yà eni ò lì è kɔmɛ̀lɛ̀ lìlòkɛ̀ là anyu, natɛ̀ɛ è lùwa lì rzuŋgàhwa. Lìŋgi lì rzuŋgàhwa lì ò ɛnɛhwɛ o wùnyà wo lìrzukù.

1 Pètrò 1:7

Lìtìŋga la manù màkèkìrzɛnɛ lì hwèlì ndi o lì e kèkirzɛ lìlòkɛ̀ la anyu o lì uŋmɛ̀lɛ̀ nanù ema lìlòkɛ̀ la anyu lì imbami na e jɔ̀kɛ̀. È gòòlù e tanɛ e hwɛ wòhwe ndi tɔ̀ nanù hwa e rzɛ̀lɛ̀ o mùnya o lì e rzàŋgìrzɛ, hwa tanɛ tɛ lì gbeyà gòòlù nanù, eŋge ŋgànà e hwèlì ndi nanù ema hwa àŋgàmɛ̀nɛ̀ lì e kèkirzɛ̀ lìlòkɛ̀ la anyu aŋga nanù lìlòkɛ̀ la anyu lì imbama ehwànja lìlòkɛ̀ la anyu lì akayi e gòòlù. È hwèlì tɛ nanù ema lìlòkɛ̀ la anyu lì akayi màkèkìrzɛ̀nɛ̀ aŋga nanù Lohwɛ̀ a e eka, mɔ̀ à e ŋgba ŋginyà na èluhwe e hvonda ema Yerzù Krirztò a o àwùlùhwɛlɛlɛ̀ hwatò hwa arzɛ hwa e rze ya mɔ̀nyɛ̀.

1 Yòwanìrzɛ̀ 2:19

Ò jɔ̀kɛ̀ jɔ̀kɛ̀ hwaŋga hwatò hwa rzi hwɛ ò mòndèŋge mò arzu. Ɔndèŋgàtɛ̀ hwa mà jò akàkòwɛ̀. Wɔ̀ hwa mà hwɛ tɛ ò mòndèŋge mò arzu, oma hwa mà lìya nà irzɔ. Ndi lì akakowɛ là awu lì uŋmɛ̀lɛ̀ nanù ema ò jɔ̀kɛ̀ hwa rzi hwɛ ò mòndèŋge mò arzu.