Matiyò 7:22 - Mokpwe: Bakwery (New Testament)

²² O wòŋgò wùnyà wò hwèkàyìrzèlì rzayì-rzayì ja hwatò hwa ò nò jèeyà lì òhwà nanù ema, ‘Rzàŋgò, Rzàŋgò rzeke irzɔ i mà hwɛ lì òhweyà hwatò hweyà ema Lohwɛ̀ à mà jò òmane ema i hwa òhweyà nanù ema hwe ò gbèyɛ̀nɛ̀. Rzeke i mà gbeyàna lìinà la aŋgɔ̀ ò lì hvaya hwèlìŋgɛ̀ hwe wòhwe ò hwatò, na lì gbeyà hvɛ rzayi-rzayi ja hweyà hwe mànyakà e?’

Matiyò 7:22 Mawu Ofanana

Matiyò 10:15

Nà è òhweyà ndi e jɔ̀kɛ̀ nanù ema, ò Wùnyà wò Hwèkàyìrzèlèlì, Lohwɛ̀ à ò uŋmɛ̀lɛ̀ ììlì ò hwatò hwa màmbòwà ma Rzòdòmì na Gòmòrà lì aka mamɛ ema hwaŋga hwatò hwa eŋge mbòwa hwa ò lùwɛ.”

Matiyò 24:36

“Tɔ̀ mòtò tɔ̀ mɔ̀kɔ a rza hwi wòŋgò wùnyà tɔ̀ e hvònda ema hwene hweyà hwe gbèyɛ̀nɛ. Tɔ̀ i aŋgèlì ema i hwèlì ò ŋmanyu ya Lohwà tɔ̀ e Ŋmanà hwa rza hwi. Tatɛ̀ mɔ̀ ŋmìti ndi à hwi e hvònda ema hwene hweyà hwe ò gbèyɛ̀nɛ.

Matiyò 25:11

Ò mburzà hvònda è wɔ̀ ema hwa mà ɛ̀ndɛ ò lì anda manyàŋgà maŋgele nà òma hwa mà timbe, hwa mà tɛɛ nanù ema, ‘Rzàŋgò, rzaŋgò ò jò lìhvòweya lìyòhva!’

Matiyò 7:21

“Rzekɛtɛ tɔ̀ ima mɔ̀ ema à ò nò hwɛlɛ nanù ema, ‘Ìi Rzàŋgò, Rzàŋgò’ ndi à kpèeyà ò lìkànèyà là ŋmanyu. Ndi è mòtò mɛnɛ ema à gbèyi lì emeyà là ama Tatɛ̀ wà ami ema à hwèlì ò ŋmanyu yà lohwà, mɔ̀ ndi à ò kpèeyà ò Likànèyà là ama Lohwɛ̀.

Lukàrzɛ̀ 10:12

Nà è òhweyà ndi e jɔ̀kɛ̀ nanù ema, ò wùnyà wò hwèkàyìrzèlèlì, Lohwɛ̀ à ò uŋmɛ̀lɛ̀ ììlì ò hwatò hwa Rzòdòmì lì aka inyɔ.

Yòwanìrzɛ̀ 11:51

À rza òhwe ndi ene eyà nà mɔ̀ mɛ̀nɛ. Nà òma mɔ̀ndi à mà hwɛ è Pìlìrzì ema è kàrzamì ò mòŋgò ŋma, à mà hwɛ rzɔ ndi lì òhwa eyà ema è ò gbèyɛ̀nɛ ò è hvònda ema è ò jɛ̀ɛ̀, ema Yerzù à ŋweya ndi wònyà Yudà.

1 Tɛ̀rzàlonìyà 5:4

Ndi ìi wònyàmòwe kòkò, inyɔ hwitɛ-hwitɛ è rza enje ndi hwatò hwa wòhwe nàa hwatò ema hwa èlelì ò jìtìtì. Ò eŋgànɛlɛ rzɔ, wùùnya ema è Rzàŋgo è ò jɛ̀ɛ̀ à rza è uŋmànɛlɛ hvàkàlà nà oma è ŋmìhwɛ̀ à jà hvàkàlà.

2 Tɛ̀rzàlonìyà 1:10

Mɔ̀ à jèelì tɛ ò woŋgo wùnyà, hwatò hwa ama Lohwɛ̀ hwa ò mò eka, ndèŋgànɛ̀lɛ hwatò hwa arzɛ ema hwa lòkɛ̀yi hwa ò tàmà rzàyi-rzàyi. Inyɔ hvɛ è ò hwɛ ò ìtììtènì ja hwànu hwatò ehwànja è mà lòkɛ̀ ŋmɛ̀ndì ema ì mà è ohweyà.

2 Tìmotì 1:12

Lìtìŋga lɔ̀ lìni ɔ̀ndeŋgàtɛ̀ imba nà taka nanù. Ndi nà rza oka ìrzɔnì èhwanja nà hwi è mɔ̀ ema imba nà ikàyi ŋmèma mò amì. Ndèŋgàna nà hwi hvɛ nanù ema à kombɛ̀ mamɛ ema à nò ikelì ò màà natɛ̀ɛ nà ò wùnyà wò hwèkàyìrzèlì.

2 Tìmotì 1:18

Nà kanɛ̀ nanù ema Lohwɛ̀ à mò ùŋmɛ̀lɛ̀ ììlì jà eni ò Wùnyà wò hwèkàyìrzèlì. Ndèŋgàna ò wà ò hwi kɔ̀yi-kɔ̀yi lì oŋgowànɛ ema à mà nò ŋgbè ò mbowà yà Ɛ̀hvɛ̀rzɔ̀rzì.

2 Tìmotì 4:8

O nàŋgɛ nanù, mòrzahwèlì mo hwèlì mo no ambɛ̀lɛ̀, èhwanja nà mà gbèeyà èwòlò na oma Lohwɛ̀ a arza nanù ema e gbeyàhwe. Moŋgo mòrzahwèlì ndi e Rzàŋgo ema e kàyìrzɛ̀ hwatò ò jɔ̀kɛ̀ e no ŋgba o wùnyà wo hwèkàyìrzèlì. Rzeketɛ imba mbiti mɛnɛ ndi à ò ŋgbɛ, à ò ŋgba hwatò hwa arzɛ ema hwa àhvitɛ hwèjèelì hwe eni.