Matiyò 7:2 - Mokpwe: Bakwery (New Testament)

² Nà òma è kàyìrzɛ̀ mòtò, nanù mɛnɛ hvɛ ndi Lohwɛ̀ à è kàyìrzɛ̀. Ndèŋgana, lìmɛni ema è gbeyànà ò lì kàyìrzɛ̀ hwahvɛhvɛ hwatò, lɔ̀hvɛ mɛnɛ ndi Lohwɛ̀ à gbeyànà lì è kàyìrzɛ̀.

Matiyò 7:2 Mawu Ofanana

Matiyò 6:14

Èhwanja è làkìrzɛ̀ tɛ hwatò ema hwa è gbeyàna lìwurze, Lohwɛ̀, Tatɛ̀ wà anyu wà è ŋmanyu yà lohwà mɔ̀ hvɛ à è làkìrzɛ̀.

Makòrzì 4:24

Yerzù rzìi a ɛ̀ndɛ hvɛ ò wòrzò lì òhwa nanù ema, “È lùtèyà kɔ̀yi-kɔ̀yi mamɛ ema e hweyà! Limɛnì ema e gbeyàna nà hwanɛ̀yi hwatò, lìŋgi lìmɛnì mɛnɛ ndi Lohwɛ̀ mɔ̀ hvɛ à ò gbeyà nà ò lì è mɛneya. Li aka tɔ̀ mamɛ ema e gbeyànì ò lì mɛneya hwanɛ̀yi hwatò.

Lukàrzɛ̀ 6:38

È a ŋgbà hwatò, aŋga nanù Lohwɛ̀ mɔ̀ hvɛ à è ŋgbà, inyɔ hvɛ. Lìmɛ̀nì ema è lùwa, lì rzɛ̀ɛ̀hwɛ̀, lì òndà natɛ̀ɛ lì hvùhvà, rzìi lì è ŋgbààhwà ò lì hwànɛ. Èhwanja lìmɛ̀nì ema e gbeyànì, lɔ mɛnɛ ndi Lohwɛ̀ mɔ̀ hvɛ a ò gbeyànɛ̀.”

2 Kɔ̀rintìyà 9:6

È rzi hvoŋga o lì hwiya nanù ema, tɔ̀ njɛnɛ ema a oni ndi teŋyi a o rzaŋga hvɛ ndi teŋyi, ndèŋgàna òŋgo hvɛ ema a oni hvèyi, mɔ̀ hvɛ à ò rzaŋga hvɛ ndi hvèyi.

Jèmìrzì 2:13

Èhwànja Lohwɛ̀ a rza o uŋmɛ̀lɛ̀ ììlì ja eni e hwèlì tɛ nanù ema mɔ̀ à o kàyìrzɛ e mòtò ema mɔ̀ à rza uŋmɛ̀lɛ̀ ohvɛhvɛ ììlì. Ndi e mòtò ema a hwɛnelì hwahvɛhvɛ hwatò ììlì, mɔ̀ à rza o òka wɔ̀ŋgɔ̀ o wùnyà ema Lohwɛ̀ a o mo kàyìrzɛ.

Hwèwulùwèlì 18:6

Inyɔ e mo gbèeyà hweyà ŋgànà hvɔ̀kɔ na oma mɔ̀hvɛ à mà e gbèeyà. Inyɔ e mo taŋgeya ŋgelì ihwàkɛ o nyòla hweyà hwe wòhwe ema à mà gbèeyà. È mo ondìrzɛlɛlɛ lìwonde la eni na elàndi ema e imbami ŋgelì ihwakɛ lì aka e yɔ ema mɔ̀ à mà e ŋgbe.