Matiyò 7:14 - Mokpwe: Bakwery (New Testament)

¹⁴ Ndi lìyòhva là è njiya yà lòŋgɛ là gbìndèyà lì ihvi. Ndèŋgànɛ̀lɛ̀ è njiya hvɛ ema è lìyɛ̀lɛ̀nɛ̀ aŋga yà ambi lì akeeya. Ŋgurzu ja hwatò mɛnɛ ndi jà akeeya aŋga.

Matiyò 7:14 Mawu Ofanana

Matiyò 20:16

Yerzù rzìi a umbana mòŋgò ŋmàna ò lì òhwa nanù ema, ‘O èŋgànɛ̀lɛ̀ rzɔ, e mɔ̀ ema a hwèlì ò mburza, mɔ̀ ndi à ò hwɛ ò wòrzò, e mɔ̀ hvɛ ema a hwèlì ò wòrzò mɔ̀ ndi à ò hwɛ ò mburza.’”

Matiyò 22:14

Yerzù rzì a umbana mònò ŋmàna nanù ema, “Lohwɛ̀ a hwɛlɛyi rzayì-rzayì ja hwatò ò lì hwɛ ò rze ya lìkànèyà la eni ndi ŋgurzu ndi i hvɔ̀rzɔ̀hwì.”

Matiyò 7:13

Yerzù rzìi à hwatɛ hvɛ lì òhwa nanù ema, “È kpèeyà ndi lì akeyà lìyòhva ema lì ihvi. Èhwanja lìyòhva ema lì teyami lì lìyɛnɛ ndì ò ehvɔ̀ndi yà mùnya, rzìi è njiya yà eni hvɛ è teyami. Ndèŋganɛlɛ hwatò hvɛ ema hwa akeeya aŋga, hwa kòki.

Matiyò 7:15

“È aŋgòhweya hwà-òhwèlì hwa hwèlìŋgɛ̀ hwa mòlàŋgà. Wɔ̀ hwa ɛnɛ ndi ŋmɛɛ nàa mɛ̀lɛ̀ŋgù, ndi ò tenì yà mèèmà mè awu hwa hwèlì wòhwe nàa njuwɛ.

Makòrzì 8:34

Yerzù rzìi a hwɛlɛ èŋge ŋgìndì na hwà-òkòwèlì hwa eni, a hwa òhweyà nanù ema, “Tɔ̀ ima mɔ̀ ema a hwɛnì lì nò nɔ̀ŋgɔ a hwɛnì lì rzɔ̀rzɔ̀ hweyà hwe arzɛ rzìi a anjilɛ e mbarzà ya eni rzìi à nò nɔ̀ŋgɔ.

Lukàrzɛ̀ 12:32

“Wònya hwa ami kòkò, è rza òka wɔ̀ŋgɔ̀. Rzàŋgò wà ànyu a lìŋgànì ò lì è ŋgbà è ŋginyà yà lìkànèyà.

Yòwanìrzɛ̀ 16:2

Wɔ̀ hwa ò e hvaya ò tenì ya e ndawò ya màkanɛ̀. Ò jɔ̀kɛ̀, o ò ja hvònda ema tɔ̀ ima mɔ̀ ema a ò e òŋwɛ, a ò ɔ̀ŋgɛ̀lɛ̀ ndi ema a gbèeyà ndi Lohwɛ̀ èwòlò.

Yòwanìrzɛ̀ 16:33

Nà e òhwèlì hwene hweyà, aŋga nanù, e hwɛnɛ ɛ̀yɔ̀lɛ̀ na òma e hwèlì na imba. Anu rze e hwɛnɛ ndi ndùtù. Ndi e kake mèèmà! Imba nà mà màa lì aka e rze ya mɔ̀nyɛ̀.”

Hwègbèèlì 14:22

Tɔ ima èki ema hwà mà uke, hwà mà hwɛ lì òkòlɛ hwatò ema hwà mà lòkɛ̀ Yerzù na lì etìrzɛ mèèmà me awu aŋga nanù hwa ò alɛ̀mbɛ̀nɛ lì lòkɛ̀ la awu. Hwà mà hwɛ lì hwa òkòlɛ nanù ema, “I hwɛni lì akeyà rzayi-rzayi ja mètàkà ndèŋgàna je e kpèeyà ò lìkànèyà la ama Lohwɛ̀.”

Ròmànì 12:2

È rzi keka lì òŋgama hwɛ̀ɛ̀mɛ̀ hwe hwatò hwa ene rze ya mɔ̀nyɛ̀, ndi e hwɛmɛ Lohwɛ̀ a tikòwe mèèmà me anyu, aŋga nanù e luwa mèèmà me hvènya. Èŋge ye e gbeyà e rzɔ̀ŋgìtɛ̀nɛ̀ na ò lì òŋgama hweyà na òma Lohwɛ̀ a àrzeyà. Inyɔ e hwi gbamù hweyà ema Lohwɛ̀ a lìŋgàni ndèŋgànà e òŋgama hweyà ema hwe hvòmɛ̀nɛ̀yi.

Ròmànì 9:32

Mamɛ ndèŋgàtɛ̀ wɔ̀ hwa rzi tanɛyi e? Wɔ̀ hwa rzi tanɛyi èhwanja wɔ̀ hwà mà hwɛ lì keka ò lì hwɛ ehve-ehve ò wòrzò wò ama Lohwɛ̀ èhwanja ò èwòlò ema wɔ̀ hwiti hwà mà gbeye ndèŋgànà rzeketɛ èhwanja wɔ̀ hwà mà lòkɛ̀ Lohwɛ̀. O eŋgànɛ̀lɛ̀ rzɔ wɔ̀ hwà mà ayirzɛ màtaŋgà mà awu ò lìŋyàyi ema hwatò hwa ayirzɛ mataŋgà mà awu rzi hwa kpa.