Matiyò 6:9 - Mokpwe: Bakwery (New Testament)

⁹ O èŋgànɛ̀lɛ̀ rzɔ nanù ndi inyɔ è hwɛnì lì kanɛ̀, Lohwɛ̀, Tatɛ̀ wà arzu ema ò hwèlì ò ŋmanyu, èluhwe è hwɛ nà lìinà là aŋgɔ̀.

Matiyò 6:9 Mawu Ofanana

Matiyò 10:29

È rze jɔ̀kɛ̀ nanù ema hwa àhwirzɛ̀ mèndiyɛ̀ndiyɛ me hwàkɛ ò ŋmanà kahvà hvɔ̀kɔ mɛnɛ e? Ndi tɔ̀ inɔ̀nì tɔ̀ jɔ̀kɔ irza tànɛyi lì unda ò rze ya mɔ̀nyɛ̀, e rzi hwɛ ema Tatɛ̀ Lohwɛ̀ wà anyu à emelì.

Matiyò 23:9

È rzi keka hvɛ tɔ̀ lì hwɛlɛ tɔ̀ ima mòtò anù rze ya mɔ̀nyɛ̀ ‘Tatɛ̀,’ èhwanja e òhvi Tatɛ̀ wà anyu mɔ̀kɔ ema a hwèlì ò ŋmanyu yà lohwà.

Matiyò 26:29

Nà è òhweyà nanù ema, nà rza ò nyɔ hvɛ hwene hwènyɔ̀ɔ̀nì tɔ̀ wùnyà, natɛ̀ɛ wùùnya ema nà ò hwe nyɔ̀ɔ hvɛ hwe hvènya nà inyɔ ò lìkànèyà là ama Tatɛ̀ wà ami.”

Matiyò 26:42

Yerzù a tìmba hvɛ ò lì kanɛ̀ rzìi a òhwa nanù ema, “Ìi Tatà wa ami, e hwèlì tɛ ema ò rza tanɛ lì nò wòwàna mònò muna mò mòtàkà ema na rzi mò hwanɛ inyɛ lì emeyà lì aŋgɔ̀ lì gbèyɛ̀nɛ.”

Matiyò 5:16

Inyɛ̀ inyɔ hvɛ è pànye ndi ŋgàna hvɔ̀kɔ nàa ètùlù. Hwatò hwa ɛni tɛ hwèwòlò hwe anyu hwe gbamù ema è gbèya, hwa eka Lohwɛ̀ Tatɛ̀ hwa anyu ema à hwèlì ò ŋmanyu yà lohwà.”

Matiyò 5:48

È gbèèyè ndi hweyà hwe gbamù, nà òmà Tatɛ̀ wa anyu wa ŋmanyu yà lohwà mɔ̀hvɛ à hwe gbeyà.”

Matiyò 6:14

Èhwanja è làkìrzɛ̀ tɛ hwatò ema hwa è gbeyàna lìwurze, Lohwɛ̀, Tatɛ̀ wà anyu wà è ŋmanyu yà lohwà mɔ̀ hvɛ à è làkìrzɛ̀.

Matiyò 6:6

Ndi inyɔ è kanɛ̀ tɛ, è kpèeyà ò tùu ja anyu, è umbe màwòhva rzìi è kanɛ̀lɛ̀lɛ̀ Lohwɛ̀ Tatɛ̀ wà anyu, ema tɔ̀ mòtò à rza ɛnɛ. Aŋga ndi Lohwɛ̀ Tatɛ̀ wà anyu ema à ɛnɛ mamɛ è gbèyɛ̀nɛ̀ ò wùndɛ̀, à è rzaweya.

Matiyò 7:11

Hwatò hwa wòhwe nàa inyɔ è ŋgbà tɛ hwàànà hwa anyu hwema hwe gbamù, ŋgèlì iti nà Tatɛ̀ wà ànyu ema à hwèlì ò ŋmanyu yà Lohwà. Nɛ à rzà ŋgbà màhwèyà mà gbamù ò hwatò ema hwa mò ijòwi e?

Lukàrzɛ̀ 15:18

Nà ànjiya anù, nà ɛ̀ndɛ lì ùŋma rzàŋgò wa ami. Nà mò òhweyà nanù ema, tatà nà ò gbeyànì ò wa nà Lohwɛ̀ wòhwe.

Lukàrzɛ̀ 15:21

È ŋmanà rzìi a mò òhweyà nanù ema, ‘Tatà, nà ò gbeyànì ò wà nà Lohwɛ̀ wòhwe. Nà rza ukì hvɛ tɔ̀ è mɔ̀ ema a hwɛ̀lɛ̀hwɛ̀ è ŋmanà wà aŋgɔ̀ hvɛ.’

Lukàrzɛ̀ 2:14

“Èluhwe e hwɛ nà Lohwɛ̀ lì Karzamì, ndèŋgàna ɛ̀yɔ̀lɛ̀ hvɛ e hwɛ nà hwatò ema mɔ̀ à ŋgbelì mòrzìmà ò rze!”

Yòwanìrzɛ̀ 20:17

Yerzù rzìi a mò òhweyà nanù ema, “O rzi nò hwàkɛ lìya la aŋgɔ̀ èhwanja na rzìi timbi òma Tatɛ̀. Ndi ɛ̀ndɛ òma hwà-òkòwèlì hwa ami, hwa wònyanyàŋgò wa ami, ò hwa òhweyà nanù ema, na timbeya Tatɛ̀ wa ami ema a hwèlì hvɛ ndi Tatɛ̀ hwa anyu. Mɔ̀ ndi à hwèlì Lohwà la ami na Lohwà la anyu.”

Ròmànì 1:7

Ò èŋgànɛ̀lɛ̀ rzɔ, nà è tìlèlì inyɔ hwa arzɛ ema è hwèlì ò èkòmè ya Ròmànì. È hwèlì ndi hwatò ema Lohwɛ̀ à lìŋgàni ndèŋgànɛ̀lɛ̀ à mà è hvɔ̀rzɔ̀ ò lì hwɛ hwatò wà eni. Inyɛ̀ è ndèli nà ɛ̀yɔ̀lɛ̀ ema hwe uwɛ̀lɛ̀lɛ̀yi òma Lohwɛ̀ è Tatɛ̀ yà arzu, nà è Rzàŋgò Yerzù Krirztò è hwɛ nà inyɔ.

Ròmànì 8:15

Èlìŋgɛ̀ ema Lohwɛ̀ à mà e ŋgbe e rza e gbèyi ema e hwɛ hwàkòmì, ndèŋgàna ema inyɔ e hwɛ ò wɔ̀ŋgɔ̀. Ndi Èlìŋgɛ̀ ya ama Lohwɛ̀ e ma e gbeyà na jɔ̀kɛ̀ ò lì hwɛ hwàna hwa ama Lohwɛ̀. Èŋge ŋginyà ya eŋge Èlìŋgɛ̀ yɔ ndi e jò gbeyà ò lì hwɛlɛ Lohwɛ̀ nanù ema, “Ìi Tatà! È Tatɛ̀ ya ami!”

Gàletìyà 1:1

Ìmba Pàwolò ema nà hwèlì àpɔ̀rzìtòlò ndi na tilì ene kààtì, rzeketɛ hwatò wà hwènàmà ndi hwa no hvɔ̀rzì o lì hwɛ àpɔ̀rzìtòlò. Ndèŋgana na rza gbeyàna ndi lìkànèyà la hwatò. Ndi na hvɔ̀rzɔ̀hwì ndi na Yerzù Krirztò nà Lohwɛ̀ Tatɛ̀ ema à mà hvùmùlɛ̀ Yerzù Krirztò o kpelì.

Gàletìyà 4:6

Nà oma e hwèlì ndi hwàanà hwa ama Lohwɛ̀, eŋge eyà e ma gbeyà Lohwɛ̀ o lì jo òmeya Èlìŋgɛ̀ ya ama Ŋmanà eni o mèèmà me arzu. Èŋge Èlìŋgɛ̀ e ma gbeyà ema nàŋgɛ i hwɛlɛ Lohwɛ̀ nanù ema, “Ìi Tatɛ̀.”

1 Tìmotì 6:16

Mɔ̀ ndi hvɛ a hwèlì e mɔ̀ mɛnɛ ema a hwɛni e ŋginyà o lì hwɛ natɛ̀ɛ na o gbìndèyà, mɔ̀ ndi hvɛ a hwèlì ŋmàye ema mo mɔ̀tɛ̀lɛ̀ rzayi-rzayi ema tɔ̀ mòtò tɔ̀ mɔ̀kɔ a rza tànɛyi lì kombɛnɛ. Mɔ̀ ndi à hwèlì e mɔ̀ ema tɔ̀ mòtò a rza ɛni. Ndèŋgàna tɔ̀ mòtò tɔ̀ mɔ̀kɔ a rza tànɛyi lì mo ɛnɛ. Èluhwe e hwɛ na mɔ̀ ndèŋgàna mɔ̀ à o hwɛ ndi o lìkànèyà natɛ̀ɛ na o gbìndèyà. Inyɛ̀ wo lìya nanù.

1 Pètrò 1:17

Lohwɛ̀ a kàyìrzɛ̀ hwatò hwa arzɛ nyayi hvɔ̀kɔ, mo a rza timbana tɔ mòtò mburza. Ndèŋgànɛ̀lɛ̀, inyɔ e mo kànɛ tɛ, e a mo hwɛlɛ nanù ema Tatɛ̀. O èŋgànɛ̀lɛ̀ rzɔ e ohve wɔ̀ɔ̀ŋgɔ̀ wa ama Lohwɛ̀ o tenì ya mòŋgɛ ma anyu ma arzɛ o tenì ya ene rze, ema inyɔ e hwèlì ndi hwàyɛ̀nì.

Hwèwulùwèlì 4:11

“Ìi Rzàŋgo hwa arzu nà Lòohwà là arzu, ò àŋgàmɛ̀nɛ̀yi lì lùwa wonyàki, èluhwe nà màyìmbì, ehwànja ò wà ndi ò hwèlì è mɔ̀ ema à wèki hwèèmà hwe arzɛ, ndèŋgànɛlɛ ò lì emeyà là aŋgɔ hwe arzɛ hwe mà wèkàhwà nà lì hwɛnɛ hwèhwɛ̀ɛ̀lì hwe awu.”

Hwèwulùwèlì 5:12

Wɔ̀ hwa mà emba nà lìlo lì kàrzàmi, nanù ema, “È Ŋguma yà Mɔ̀lɛ̀ŋgù ema è mà oŋwàhwà, è kànɛyi ò lì lùwa màyimbi, erzàŋgo, lìhwiyè, ŋginyà, èluhwe, wonyàki nà jèka.”