Matiyò 6:4 - Mokpwe: Bakwery (New Testament)

⁴ Aŋga nanù tɔ̀ mòtò à rza hwiya mamɛ ema ò mò ŋgbelì. Aŋga ndi Lohwɛ̀, Tatɛ̀ wà aŋgɔ̀ ema à ɛnɛ hweyà ema hwe gbèyɛ̀nɛ̀yi ò wùndɛ̀ à ò rzaweyà.”

Matiyò 6:4 Mawu Ofanana

Matiyò 10:42

Ò jɔ̀kɛ̀, nà è òhweyà nanù ema, tɔ̀ ima mòtò ema à ŋgbelì tɔ̀ mòtò tɔ̀ mɔ̀kɔ wà hwaŋga ema hwa nò oŋgama tɔ̀ malìhwa mà lì nyɔ, tɔ̀ òŋgò mòtò à rzi hwɛ wòlìtò, òŋgò ema à ŋgbelì, à hwɛni lì lùwa etaŋgi jà ama Lohwɛ̀.”

Matiyò 6:18

È gbèyi tɛ nanù, hwatò hwa rza ayèmbɛ ema è hwèlì ò mòkìyà njàwò. Lì aka tɛ Lohwɛ̀, Tatɛ̀ wà anyu mɛnɛ ema tɔ̀ mòtò à rza ɛnɛ. Mɔ̀ à ɛnɛ hweyà hwe arzɛ ema è gbeyà ò jututa, ndèŋgànɛ̀lɛ̀ mɔ̀ ndi à hwèlì è mɔ̀ ema à è rzaweyà.”

Matiyò 6:3

Ndi ò ŋgbelì tɛ mòtò yòma ema mɔ̀ à endèli, ò rzi keka lì gbeyà ema tɔ̀ è mbunda yà aŋgɔ yà ndìŋgɛ yà màlìŋgò à hwiye mamɛ ema ò ŋgbelì.

Matiyò 6:6

Ndi inyɔ è kanɛ̀ tɛ, è kpèeyà ò tùu ja anyu, è umbe màwòhva rzìi è kanɛ̀lɛ̀lɛ̀ Lohwɛ̀ Tatɛ̀ wà anyu, ema tɔ̀ mòtò à rza ɛnɛ. Aŋga ndi Lohwɛ̀ Tatɛ̀ wà anyu ema à ɛnɛ mamɛ è gbèyɛ̀nɛ̀ ò wùndɛ̀, à è rzaweya.

Lukàrzɛ̀ 14:14

O gbèyi tɛ nanù, aŋga ndi Lohwɛ̀ a ò nàmìrzɛ̀, èhwanja hwaŋga hwatò hwa rzà tanɛ ò lì ò lɛ̀ɛ̀. È hvònda hwatò hwa gbamù hwa ò hvùmùwɛ, Lohwɛ̀ a ò rzaweyà.”

Lukàrzɛ̀ 8:17

O rzà ènje tɔ̀ eyà ema e utahwi ema e rzà ò wurza ò mòteŋyi. O rzà ènje hvɛ tɔ̀ eyà ema e utami ema e rzà ò hwiyɛ̀nɛ̀, nà lì awuŋmɛ̀lɛ̀ ò mòteŋyi.

1 Kɔ̀rintìyà 4:5

O èŋgànɛ̀lɛ̀ rzɔ, o rza akɛlɛ hwèkàyìrzèlì o tɔ̀ ima mòtò, natɛ̀ɛ e hvonda ya jɔ̀kɛ̀ e uka. Hwèkàyìrzèlèlì hwe o jà, e hvonda e ma e Rzàŋgo Yerzù Krirztò a o jɛ̀ɛ̀. A jelì tɛ, a jànà o ŋmàye hwèŋge hwema ema hwe e utami o jììtìtì, rzi a hvulùwa hvɛ màlùtèyà ema mà utami o mèèmà me hwatò. O èŋge hvonda ndi Lohwɛ̀ a eka tɔ̀ ima mòtò o mamɛ ema a gbèyi.

Hibrù 4:13

Ò worzo wò ama Lohwɛ̀, ò rza enje tɔ̀ eyà ema è utami. Ndi hweyà hwe arzɛ hwe enyɛ̀lɛ̀lɛ̀yi ò worzo wò ama Lohwɛ̀. Ndeŋgànɛ̀lɛ̀ ò mà Lohwɛ̀ ndi irzɔ ì hwɛnì lì ohwa hweyà hwe arzɛ ema ì gbeyà.

Judɛ 1:24

Èluhwe e hwɛ na Lohwɛ̀ ema a rza emeyà nanù ema e unde o tenì ya wòhwe. Mɔ̀ ŋmìti ndi à e jàni o èki ema mɔ̀ à hwèlì na ŋmàye mo eni. A o e jànà aŋga e rzi hwɛ tɔ̀ lìtɔ̀tì tɔ̀ lɔ̀kɔ la wòhwe o inyo ja anyu, ndèŋgànɛ̀lɛ̀ e o òka mɔ̀nyɛ̀ŋgì.

Hwèwulùwèlì 2:23

Nà o oŋwa hwatò ema hwa ika hweyà ema mɔ̀ à okòlɛ, ndèŋgànɛ̀lɛ̀ meemba me arzɛ me hwiya nanù ema imba ndi na hwèlì e mɔ̀ ema a hwi màlùtèyà na mèèmà me hwatò hwa arzɛ. Tɔ̀ ima mòtò ema a gbèyi wòhwe, nanù hvɛ ndi na mo kɔ̀kìrzɛ̀.