Matiyò 6:2 - Mokpwe: Bakwery (New Testament)

² “O èŋgànɛ̀lɛ̀ rzɔ è ŋgbà tɛ mòtò yòma ema mɔ̀ à endelì, è rza tòŋga rzehwa, nà òma hwatò hwa mèhvìlì hwa gbeyà. Wɔ̀ hwa tòŋga irzehwa ò indawò ja màkanɛ̀ nà ò hwèwòka hwe màlòkò ema hwatò hwa arzàŋganɛ, ema wɔ̀ hwa ɛnɛhwɛ. Nà è òhwèyà ndi è jɔ̀kɛ̀ nanù ema wɔ̀ hwa mà màa lì lùwa mòrzawèlì mò awu mò arzɛ hvɔni.

Matiyò 6:2 Mawu Ofanana

Matiyò 15:7

Inyɔ hwatò hwa mèhvìlì! È Mòòhwèlì wa Èlìŋgɛ̀ Àyìrzayà à mà hvòmɛ̀nɛ̀ lìrzàkò ema à mà òhwe ò èlìŋgɛ̀ lì e hvòmɛ̀nɛ̀ nanù ema,

Matiyò 16:3

Wò yàhwì hvɛ tɛ, è òhwa nanù ema, ‘È mbuwà e hwɛni lì yɔ̀ɔ̀ èhwanja lìwòhwɛ̀ la ŋmanyu lì teya, ndèŋgànà wùùnyà hvɛ wò kaki.’ Inyɔ è tànɛyi lì laŋga hwèhwɛ̀ɛ̀lì hwe wùnyà ndi è ayèmbɛ̀nɛ̀ ò lì emba hweyà ema hwe gbèyɛ̀nɛ̀ yàwònò.

Matiyò 22:18

Ndi Yerzù à mà hwiye màlùtèyà ma awu ma wòhwe, rzi a hwa timbirzɛlɛlɛ nanù ema, “Inyɔ hwatò hwa mèhvìlì, mamɛ ndeŋgatɛ e arza ndi lì nò kɔ̀hweyà e?

Matiyò 23:5

Tɔ̀ mamɛ ya arzɛ ema hwa gbeyà, hwa e gbeyà ndi nanù ema hwatò hwa hwà ɛnɛ. Hwa gbeyà hwanà hwewòŋgò ema hwa tìla mòtìla mò Eyà ya Lohwà ò tenì rzi hwa hwe kaka ò mbɔ̀mbɔ̀ na ò mèyɔ̀yɔ̀ mè awu. Hwa gbeyà ŋmàamba mò èluhwe ema mà wàwà rzi hwà mà wɔ̀tɔ̀ ò ŋmanyu ya meŋgòmbe me awu.

Matiyò 23:6

Hwa lìŋgàni lì lìya ò hwèki hwe hwèluhwe ò hwèki hwe ndèma. Nà lì lìya hvɛ ò mbòkò ja hwèluhwe ò ndawò ja màkanɛ̀.

Matiyò 24:51

È rzaŋgò wa eni wa èwòlò e mò kɔ̀kìrzɛ̀ hwekɔkirzelì hwe ŋginyà. A mò kɔ̀kìrzɛ̀ na òma mɔ̀ a kɔ̀kìrzɛ̀ hwatò hwa mèhvìlì ò èki ema a ò eeya na lì kɔ̀kɔ mehvehve.”

Matiyò 5:18

Nà è òhwèyà ndi è jɔ̀kɛ̀, natɛ̀ɛ è ŋmanyu yà lohwà nà e rze hwe è ò uka ò lìrzùkù, tɔ̀ ŋmanà mbumbu wà lìtɔ̀ti là mòtìla ema lì tìlahwì ò mbenda yà Lohwà è rza tànɛyi lì wuŋguhwèyà ò èki ya eni natɛ̀ɛ hwèyà hwe arzɛ hwe òndìrzɛ̀hwɛ.

Matiyò 6:16

“È hwèlì tɛ ò mòkìyà njàwò, è rzìi emeyà ema màrzò mà anyu mà ɛneya rzɔ̀luu, nà òma hwatò hwa mèhvìlì hwa gbeyà. Hwatò hwa mèhvìlì wɔ̀ hwa nyùkɛ̀ marzò mà awu aŋga nanù òma hwatò hwa mà ayèmbɛ ema hwa hwèlì ò mòkìyà njàwò. Nà è òhweyà nà è jɔ̀kɛ̀ ema, wɔ̀ hwa mà màa lì lùwa mòrzawèlì mò awu mò arzɛ.

Matiyò 6:3

Ndi ò ŋgbelì tɛ mòtò yòma ema mɔ̀ à endèli, ò rzi keka lì gbeyà ema tɔ̀ è mbunda yà aŋgɔ yà ndìŋgɛ yà màlìŋgò à hwiye mamɛ ema ò ŋgbelì.

Matiyò 6:5

“È kanɛ̀ tɛ, è rzìi hwɛ ndi nàa hwatò hwa mèhvìlì, èma wɔ̀ hwa kanɛ̀ tɛ, hwa lìŋgàna lì tɛ̀mɛ̀ ò ndawò ja màkanɛ̀ nà ò tòŋgòŋgò ja hwewòka hwe màlòkò, nanù ema hwatò hwa à hwà ɛnɛ. Nà è òhwèyà ndi è jɔ̀kɛ̀ nanù ema, wɔ̀ hwa mà màa lì lùwa mòrzawèlì mò awu mò arzɛ.

Matiyò 7:5

Ò wà mòtò wà mèhvìlì! Lòma lì ulɛ̀ ètùmba ema yò ò hwèlì ò lìrzɔ̀ là aŋgɔ̀, aŋgà nanù ò tànɛ̀yi lì ɛnɛ̀ gbamù, è ŋmanà jùma lìmòki ema à hwèlì ò lìrzɔ̀ la ama ŋmànyɔ̀ŋgɔ̀ wà aŋgɔ̀.

Makòrzì 12:39

Hwa lìŋgàni hvɛ ò lì lìyà ò kònda ja hwèluhwe ò ndawò ja màkanɛ̀ ja wònyà Yudà, hwa lìŋgàni hvɛ hwèki hwe hwèluhwe ò hwèwòka hwe ndèma.

Makòrzì 7:6

Yerzù rzìi a tìmbirzɛlɛlɛ nanù ema, “Mòòhwèlì wa Èlìŋgɛ̀ Àyìrzayà à mà hvòmɛ̀nɛ̀, lìrzàkò ema à mà òhwe e mbɔrzi ema Lohwɛ̀ à mà mò òme ema a òhwe lì e hvòmɛ̀nɛ̀ inyɔ hwatò hwa mèhvìlì. È tìlahwì nanù ema, ‘Hwanù hwatò hwa nò kàrzɛ̀ ndì na è mbɔrzi ya awu, ndi mèèmà me awu me rza ènje na ìmba.

Lukàrzɛ̀ 11:41

Ndi inyɔ è wòwe hwèèmà ema hwe hwèlì ò tenì yà luku la mɔ̀njɔ̀, e ŋgbè mèlìrzà me hwatò, aŋga ndi hwèèmà hwe anyu hwe àrzɛ hwe rzàŋga.

Lukàrzɛ̀ 11:43

“Èwòma na inyɔ Ihvàlìrzàyì! È lìŋgàni lì lìya ò mbòkò ja hwèluhwe ò ndawò ja màkanɛ̀. È lìŋgàni hvɛ ìikɔ̀mi ja hwèluhwe ò hwèlùwà.

Lukàrzɛ̀ 12:33

È àhwìrzɛ̀ hwerzàŋgò hwe anyu, e ŋgbè mèlìrza me hwatò iŋgi kahvà. È àrze makpà ma kahvà ema mà rza hvɔ̀hvɔ̀. È ika màwùtà ma anyu èki utami ema e hwèlì ò ŋmanyu yà lohwà, èki ema tɔ̀ eyà e rzà gbèyɛnɛ, ema tɔ̀ hwàyihwɛ̀ hwa rzà mò ihwa, tɔ̀ lìrziyɛ̀yi lì rzà tanɛ̀ lì ma làa.

Lukàrzɛ̀ 12:56

Yòma-yòma hwatò hwa mèhvìlì, è tànɛyi tɛ lì laŋgà wùùnya nanù, rzìi mamɛ ndeŋgàtɛ e rza tanɛ lì èmba hweyà ema hwe ò gbèyɛ̀nɛ ò wòrzò yàwònò e?

Lukàrzɛ̀ 13:15

È Rzàŋgò rzìi e tìmbirzɛlɛlɛ nanù ema, “Inyɔ hwatò hwa mèhvìlì! Njɛnɛ wà anyu anù ema à rza rzòlòwa è nyàkà, tɔ̀ jakàrzì ja eni ò ndawò yà eni ya hwèembe ò lì jɛ̀ndɛnɛ ò lì nyɔ màlìhwa ò Wùnya wò lì Arzìyòlɛ̀ e?

Lukàrzɛ̀ 20:46

“È àŋgòhweyà hwà-òkòlèlì hwa mbenda. Hwa lìŋgàni lì anjàwòlɛ̀ nà meŋgòmbè me awu me wawi. Hwa lìŋgàna hvɛ lì kɔmɔ̀wɔ nà èluhwe, ò hwèlùwà. Hwa lìŋgàni hvɛ lì lìya ò hwèlìyelì hwe hwèluhwe ò hwèki hwe màkanɛ̀, nà hwèki hwe ndèma.

Lukàrzɛ̀ 6:24

Mòjèmà nà inyɔ hwèwàŋgì hwe hwatò ema e ma màà lì lùwa hvɛ mòrzawèlì mò anyu.

Lukàrzɛ̀ 6:42

Nɛ rzɔ ò tànɛyi lì òhweyà ŋmanyɔ̀ŋgɔ̀ wà aŋgɔ̀ nanù ema, ‘Ŋmanyàŋgò wà ami, inyɛ nà ò ulɛ̀ è ŋmanà jùma lìmòki ò lìrzɔ̀ là aŋgɔ̀,’ ema ò wà hwìti ò rza tànɛ̀yi lì ɛnɛ ètùmba ema è hwèlì ò lìrzɔ̀ là aŋgɔ̀ e? Ò wà mòtò wà mèhvìlì! Lòma lì ulɛ̀ ètùmba ema è ò hwèlì ò lìrzɔ̀ là aŋgɔ̀, aŋgà nanù ò tànɛ̀yi lì ɛnɛ̀ gbamù, è ŋmanà jùma lìmòki ema à hwèlì ò lìrzɔ̀ là ama ŋmànyɔ̀ŋgɔ̀ wà aŋgɔ̀.

Yòwanìrzɛ̀ 13:29

Kànatɛ̀ Jùdàrzì ndi à mà hwɛ lì uta wòlì, lòŋgò là Hwà-òkòwèlì hwa mà ɔ̀ŋgɛ̀lɛ̀ ndi nanù ema Yerzù à mà hwɛ ndi lì mò òhweyà ema à ande mamɛ ema è mà arzahwa ò ndèma yà lì aka ɔ̀nɛyi. Tɔ̀ ò lì ŋgbà mèlìrza mè hwatò hwema.

Yòwanìrzɛ̀ 5:41

“Nà rza arza ndi èluhwe ya hwatò hwa hwènàmà.

Yòwanìrzɛ̀ 5:44

È ayèkanɛ̀ tɛ mɔ̀kɔ na ɔ̀nɛyi e hweyà gbamù, ndi e rza gbeyà tɔ̀ eyà ò lì lùwa jèeka ema i uwɛlɛlɛ ndi na Lohwɛ̀. Nɛ rzɔ e tànɛyi lì nò lòkɛ̀ e?

Yòwanìrzɛ̀ 7:18

Tɔ̀ ima mòtò ema a òhwà na è wònjà ya eni a gbeyà ndi nanù ò lì arzɛlɛ èluhwe na mɔ̀ ŋmìti. Ndi e mɔ̀ ema a arza èluhwe ya e mɔ̀ ema a mò òmi, a hwèlì ehve-ehve a rza enje mòtò ema a kɔwu hweyà.

Hwègbèèlì 10:2

Kɔ̀nɛlìyurzi à mà hwɛ̀ ndi mòtò ema à mà hwɛ lì òŋgama hweyà hwe ama Lohwɛ̀. Mɔ̀ na lìtumba la eni la arzɛ hwà mà gbèeyà Lohwɛ̀. A ma òŋgòwàna mèlìrza me hwatò me wònyà Yudà. A ma kanɛ̀ hvɛ Lohwɛ̀ ihvònda ja arzɛ.

Hwègbèèlì 10:31

òŋgò mòtò rzìi à òhwa nanù ema, ‘Kɔ̀nɛlìyùrzì, Lohwɛ̀ à mà hweyà lì kanɛ̀ là aŋgɔ̀. Ndeŋgànɛ̀lɛ̀ à mà ɔ̀ŋgɛ̀lɛ̀ hwèwòlò hwe aŋgɔ̀ hwe lì òŋgòwàna la mèlìrza me hwatò.

Hwègbèèlì 10:4

Onò mòtò rzìi à inja eŋge aŋgèlì nà wɔ̀ŋgɔ̀ rzìi à è ijòwa nanù ema, “Ìi Rzàŋgò mamɛ e hwèlì e?” Èŋge aŋgèlì rzi e mò alàhwɛ̀ nanù ema, “Lohwɛ̀ à mà hweyà lìkànɛ la aŋgɔ̀, ndèŋgànɛ̀lɛ̀ à mà ɛnɛ ŋmèma mò aŋgɔ̀ mò gbamù. Ndeŋgànɛ̀lɛ̀ mɔ̀ à wòŋgirzɛnɛ ò lì alàhwɛ̀ lìkànɛ la aŋgɔ̀.

Hwègbèèlì 11:29

O èŋgànɛ̀lɛ̀ hwà-òkòwèlì ò lì atanɛ la awu, wɔ̀ hwà mà tɛ̀yirzɛ̀ nanù ema tɔ̀ ima mɔ̀kɔ wa awu a ò òma lìwòŋgò ò hwatò ema hwa lòkɛ̀ Yerzù ò erzòòkà ya Jùdeyà.

Hwègbèèlì 24:17

O mburzà rzàyi-rzàyi ja meya ema imba na rza ɛndɛ ò Jèrurzalɛ̀mù nà mà ɛndɛ aŋga. Nà ma ɛndɛneya hwatò wa ami ŋmanà wòlì na ò lì ŋgbàà Lohwɛ̀ màhwèyà.

Hwègbèèlì 9:36

O mbòwa ya Jopà ò ma hwɛ mòlòkèlì wa mòlanà ema à mà hwɛ̀lɛ̀hwɛ̀ Tàbità. (jànda ja lìinà la eni ò mbɔrzi ya Grìki lì hwèlì ndi Dɔ̀kàrzì eŋge ŋgàna e hwèlì ndi ìrzɛ̀wù). Onò mòlanà, à mà akɛlɛ e hvònda ya eni ya arzɛ ò lì gbeyà hweyà hwe gbamù na ò lì òŋgòwànà mèlìrza me hwatò.

Ròmànì 12:8

Mòtò ema a hwɛni jàhwèyà ja lì kɔ̀mɛlɛ hwatò, inyɛ mɔ̀ à hwa kɔ̀mɛlɛ. Tɔ̀ njɛnɛ hvɛ ema a ŋgba hwatò hwema, a hwa ŋgbaane na eenji. È mɔ̀ hvɛ ema a hwɛni jàhwèyà ò lì timba hwatò, inyɛ a hwa timbe kɔ̀yi-kɔ̀yi. È mòtò hvɛ ema a òhvi jàhwèyà ja lì uŋmɛ̀lɛ̀ hwatò ììlì, inyɛ a uŋmɛ̀lɛ̀ hwatò ììlì na màlìŋgò.

1 Kɔ̀rintìyà 13:3

Nà tànɛyi tɛ lì ŋgbà hwatò hwema hwe ami hwe arzɛ ema na hwɛnì rzìi na hwɛ̀meyà hvɛ hwatò e nyo ya ami ema hwa è rzɛ̀lɛ̀ rzi na rzi uŋmɛ̀lɛ̀ hwatò e ndìŋgɛ. Ima gbamù ene eyà e no gbèeyà e?

Gàletìyà 2:10

Ndi hwà mà jo òhweyà nanù ema i rzi hvoŋga o lì oŋgowàna mèlìrza me hwatò. Ndeŋgànɛ̀lɛ̀ eyà eŋge ema imba nà mà lìŋgane o lì gbeyà rzayi-rzayi.

Ɛ̀hvìrzìyà 4:28

Hwàyihwɛ̀ hwa hwɛmɛ lìihwa. Ndi tɔ̀ nanù hwa gbeyàne màà mà awu o lì gbeyà èwòlò na ŋmèma mɔ̀kɔ. Aŋga nanù, hwa luwa yoma ema hwa tànɛyi lì oŋgowàna hvɛ mèlìrza me hwatò.

1 Tɛ̀rzàlonìyà 2:6

I rzi arze nanù ema inyɔ tɔ̀ hwahvɛhvɛ hwàtò hwa i eke.

1 Tìmotì 6:18

O hwa ohweyà oma hwa a gbeyà gbaamù o lì oŋgowàna hwatò. Nà oma hwatò ema hwa ohvi wolì rzayi-rzayi hwa nàmà, hweyà hwe gbamù ema hwa gbeyà, hwe hwɛ ndi mònàmɛ̀ mo awu, ndèŋgàna hwa hwɛni lì hwɛnɛ mèèmà me nyɔ̀ŋgi ya lì oŋgowàna hwahvɛhvɛ hwatò na tɔ̀ mamɛ ema Lohwɛ̀ à mà hwa ŋgbɛ.

Hvìlɛ̀mɔ̀nì 1:7

Ŋmànyàŋgo wà amì kòkò, è ndìŋgɛ ema ò hwɛnelì hwatò ema hwa lòkɛ̀ Krirztò è nò lìŋgìrzɛ rzàyi-rzàyi ndeŋgànɛlɛ è nò kɔ̀mɛ̀lɛ̀. Ò wà ò lìŋgìrzɛ̀yi hwatò hwa ama Lohwɛ̀.

Hibrù 13:16

È rzi hvoŋga hvɛ o lì gbeyà gbamù, na o lì òŋgòwàna hwahvɛhvɛ hwatò ema hwa hwèlì o lìtake. Tɔ̀ mamɛ ema mòtò a ohvi inyɛ a e gbeyàne o lì oŋgowàna mɔ̀kɔ na ɔ̀nɛyi. Màhweyà manù ema mà lìŋgìrzɛ Lohwɛ̀.

1 Pètrò 4:11

Tɔ̀ ima mòtò ema à hwi lì ohwa gbamù inyɛ à ohwe ndi nàa à ohwa ndi è mbɔrzi ema è uwɛ̀lɛ̀lɛ̀yì ò mà Lohwɛ̀ mɔ̀ ŋmìti. Tɔ̀ njɛnɛ ema à oŋgowàna hwatò, inyɛ à gbeyàne ndi è ŋginyà ema Lohwɛ̀ à mò ŋgbelì. Jèka jò ò ŋgbààhwà Lohwɛ̀ lì hvomɛ̀nɛ̀ hweyà hwe arzɛ lì akeyà nà Yerzù Krirztò. Èluhwe yà arzɛ nà è ŋginyà yà arzɛ è hwɛ nà mɔ̀ ò gbìndèyà nà ò gbìndèyà. Inyɛ̀ wò lìya nanù!