Matiyò 5:5 - Mokpwe: Bakwery (New Testament)

⁵ Mònàmɛ̀ nà hwatò ema hwa arzìhwìrzɛ̀yi, èhwanja è rze ya arzɛ è ò hwɛ ndi è yà awu.

Matiyò 5:5 Mawu Ofanana

Matiyò 11:29

Inyɔ e hwɛni lì emeyà ò lì nɔ̀ŋgɔ i mbɔ̀ɔ ja ami ja matàŋga, ndèŋgànà e nò òkòwàna, ehwànja na hwèlì ŋmɛɛ na òhvi hvɛ ŋmèma mò ami ema mò wɔ̀wi. È jèe e luwa la arzìyòlɛ̀.

Matiyò 21:5

“Ohweyà hwatò hwa Rzàyɔ̀nì nanù ema, Wà à ɔ̀ŋgɔ, è kìŋgɛ yà aŋgɔ̀ yè è jèeyà! À arzìhwìrzɛ̀yi, à lìyàyi ò ŋmanyu yà jàkarzì, ŋguma jàkarzì jà mòme.”

Ròmànì 4:13

Mamɛ ema i hwi e hwèlì ndi nanù ema, natɛ̀ɛ na e kòhwa Lohwɛ̀ a mà òhweyà Abràhamù nà e nyɔ̀ŋgɔ̀nì ya eni nanù ema a hwa ŋgba è rze ò màà mà awu. Lohwɛ̀ a rza òhwe ndi nanù èhwanja Abràhamù à mà ika e mbenda, Lohwɛ̀ à mà òhwa ndi nanù èhwanja Abràhamù à mà mò lòkɛ̀ ndèŋgàna Lohwɛ̀ à mà mò wòwa ndi nàa mòtò ema à tɛmi ehve-ehve nà Lohwɛ̀.

Gàletìyà 5:23

Èlìŋgɛ̀ yà Wòtani yɔ ndi e gbeyà mòtò a arzìirzɛ na lì alɛ̀mbɛ mo ŋmìti. O rza enje tɔ̀ mbenda lì teŋgɛ̀nɛ hwene hweyà.

Ɛ̀hvìrzìyà 4:2

Tɔ̀ mamɛ ema è gbèeyà, è à rzììrzɛ, è hwɛ hvɛ hviyayi, rzìi è ajùlɛ̀nɛ̀ mɔ̀kɔ nà ɔ̀nɛyi. È à ùŋmɛlɛnɛ è ndìŋgɛ nà oma è ajùlɛ̀nɛ̀ mɔ̀kɔ nà ɔ̀nɛyi.

Kòlòrzìyà 3:12

È hwèlì ndi nàa hwatò ema Lohwɛ̀ à mà hvɔ̀rzɛ̀, inyɔ è ondi wòtani ndèŋgànɛ̀lɛ̀ à è lìŋgàni rzàyi-rzàyi. Ò èŋgànɛlɛ rzɔ inyɔ è àŋgàmɛ̀nɛ̀yi lì hwɛnɛ mèèmà mè ììlì, è hwɛni lì hwɛnɛ mèèmà mè gbamù, è hwɛni lì arzìirzɛ̀. È hwɛni lì hwɛ hviyayi, ndèŋgànɛlɛ è hwɛni lì àjùlɛ̀.

1 Tìmotì 6:11

Ndi o wa Tìmòtì, mòtò wa Lohwà, o hwɛni lì tinda hweŋge hweyà hwe arzɛ hwe wòhwe. Keka o lì gbeyà nanù ema o gbèyi ndi mamɛ ema e hvomɛ̀nɛ̀ o worzo wo ama Lohwɛ̀, gbeyà ndi na oma Lohwɛ̀ a arza nanù ema o gbeye. Lòkɛ̀ Krirztò, o lìŋgàne hvɛ hwatò, o hwɛ ndi o lì àjùlɛ̀ ihvonda ja arzɛ, o arzìirzɛ̀.

2 Tìmotì 2:25

O òkolɛ hwaŋga hwatò ema hwa o teŋgɛ̀nɛ, aŋga nanù wɔ̀ hwa hwiya nanù ema hweŋge hweyà ema wɔ̀ hwa ohwa lì o teŋgɛ̀nɛ hwe rza enje e jɔ̀kɛ̀. O hwa okolɛ tɛ o hwa ajùlɛ̀nɛ̀, o hwɛni lì hwɛnɛ lìhvìtà nanù ema Lohwɛ̀ a gbeyà ema hwa embɛ lùùrzè la awu aŋga nanù hwa a eŋgohwɛ̀, ndèŋgàna hwa rzɔŋgìtɛ̀nɛ̀ e jɔ̀kɛ̀ ya mamɛ ema eyà ya Lohwà e ohwa.

Tàyìtùrzì 3:2

O hwa ohweyà nanù ema hwa rzi keka lì ohwàna tɔ̀ mòtò eyà ya wòhwe, ndi inyɛ hwa hwɛ o ɛ̀yɔ̀lɛ̀ na hwatò nà ò lìŋgànà hwahvɛhvɛ hwatò, nà o lì arzìhwìrzɛ̀lɛ̀lɛ̀ o hwatò hwa arzɛ.

Jèmìrzì 1:21

O eŋgànɛ̀lɛ̀ rzɔ, inyɔ e hwɛmɛ hweyà hwe arzɛ hwe mbindo na hweyà hwe arzɛ hwe wòhwe ema e gbeyà. Nà lì arzìirzɛ lì arzɛ inyɔ ye emeyà eyà ema Lohwɛ̀ à mà onɛ o mèèmà me anyu. Èŋge eyà ndi Lohwɛ̀ a gbeyàna o lì e rzùŋgànà mòŋgɛ ma anyu.

Jèmìrzì 3:13

O hwèlì tɔ̀ mɔ̀kɔ wa anyu anu ema a ohvi lìhwiyè na lì rzɔ̀ŋgìtɛ̀nɛ̀ e? Mɔ̀ a àŋgàmɛ̀nɛ̀yi ndi lì àwuŋmɛ̀lɛ̀ na lòŋgɛ la eni la gbamù ema mɔ̀ à hwɛni o hweyà hwe arzɛ ema mɔ̀ à gbeyà. Inyɛ̀ mɔ̀ à gbeye nanù o lì arzìirzɛ la eni là arzɛ na o lìhwiyè la eni.

1 Pètrò 3:15

È ŋgbe Krirztò èluhwe nanù ema mɔ̀ ndi à hwèlì e Rzàŋgo ya mòŋgɛ ma anyu. È awoŋgirzɛnɛ o ihvonda ja arzɛ o lì alàhwɛ̀ tɔ̀ imà mòtò ema a e ijòwa o lì ohwa lì hvomɛ̀nɛ̀ lìhvìta ema e ohvani Krirztò.

1 Pètrò 3:4

Ndi hwe e hwiye ndi o mòlòŋgà ema mo uwɛ̀lɛ̀lɛ̀yi ndi o tenì ya anyu moŋgo mòlòŋgà mo rza àyèŋgòwɛ̀ ehwànja mo uwɛ̀lɛ̀lɛ̀yi ndi o èlìŋgɛ̀ ema e arzihwirzɛ na lì hwɛ hviyayi. Moŋgo mòlòŋgà mɔ̀ ndi Lohwɛ̀ a ɛnɛ nanù ema mo hwèlì wòlìto.