Matiyò 5:4 - Mokpwe: Bakwery (New Testament)

⁴ Mònàmɛ̀ nà hwatò ema hwa ɛhwɛ, èhwanja Lohwà à ò gbèya hwa òhva mɔ̀nyɛ̀ŋgì hvɛ.

Matiyò 5:4 Mawu Ofanana

Lukàrzɛ̀ 16:25

Abràhamù à ma mò tìmbirzɛlɛlɛ nanù ema, ‘Ìì ŋmanà, ò ɔ̀ŋgɛ̀lɛ̀ nà òmà ò mà hwɛ ò rze, ò wà òmà òhva hwemà hwe àrzɛ hwe gbamù ò rze yà mɔ̀nyɛ̀. Ndi Làrzàrɔ̀rzì mɔ̀ à mà lùwa ndi hwema hwe wòhwe e? O nàŋgɛ mɔ̀ hvɛ à hwèlì ò lì wɔ̀wìrzɛ̀ la nyò anù. O wà ò hwèlì ò mòrziyò mòndɛnɛ̀.

Lukàrzɛ̀ 6:21

Mònàmɛ̀ nà inyɔ ema è hweyà njàwò nàŋgɛ èhwanja Lohwɛ̀ à è ujìrzɛ̀. Mònàmɛ̀ nà inyɔ ema è hwèlì ò lùwa nàŋgɛ èhwanja è hwɛnì lì yɔ̀ɔ.

Lukàrzɛ̀ 6:25

Mòjèmà nà inyɔ ema è uji nàŋgɛ èhwanja è hvònda e ò jà ema e tàkàna e njàwò. Mòjèmà nà inyɔ ema è yɔ̀ɔ nàŋgɛ èhwanja è hwɛnì lì ɛ̀hwɛ nà lì eyà.

Lukàrzɛ̀ 7:38

Òŋgò mòlanà à mà nòŋgama lì kòmbɛ̀nɛ̀ matàŋga mà ama Yerzù, rzìi à èya. Rzìi mììrzɔ̀lì mà eni mà à tìtìrzɛ̀ màtàŋgà mà ama Yerzù. Òŋgò mòlanà rzìi à tìtòwànà matàŋga mà ama Yerzù nà lìhvùmbu là eni là mòhvò. Òŋgò mòlanà rzìi a mà nyɔmbɔ matàŋgà ma amà Yerzù ò lì mò ŋgba èluhwe, rzìi a wòwa lìŋgi lìyɔ̀ki la hvɛ̀ɛ̀hvɛ̀ a mò nyàlɛ è lɔ ò màtàŋgà.

Lukàrzɛ̀ 7:50

Yerzù rzìi à òhweyà òŋgò mòlanà nanù ema, “Lìlòkɛ̀ lì aŋgɔ̀, lì ò òŋgirzɛyi. O ɛ̀ndɛ nà ɛ̀yɔ̀lɛ̀.”

Jèmìrzì 1:12

Mònàmɛ̀ mo hwɛ nà tɔ̀ ima mòtò ema à àjùlɛ̀ o tenì ya màkèkirzɛnɛ, ehwànja a kulɛ tɛ lì aka màŋga makèkirzɛ, Lohwɛ̀ a mo rzaweya morzawelì ema mo hwèlì ndi lòŋgɛ ema mɔ̀ à ohwi nanù ema a ŋgba hwatò ema hwa mo lìŋgàni.

Hwèwulùwèlì 21:4

A o hwa titowa tɔ̀ ima mirzɔ̀lì o mìrzɔ ma awu. O rza o hwɛ hvɛ tɔ̀ kpelì, tɔ̀ lì ehwɛ, tɔ̀ luwa, tɔ̀ mòrziyò. È o hwɛ ndi nanù ehwànja hweyà hwe mbolowa hwe ma aka.”