Matiyò 5:10 - Mokpwe: Bakwery (New Testament)

¹⁰ Mònàmɛ̀ nà hwaŋga hwatò ema hwa ò hwɛnɛ mètàkà, èhwanja hwa gbèya mamɛ ema Lohwɛ̀ arza nanù ema hwa gbèèye. Hwa hwèlì ndi ò rze yà Likànèyà la ŋmanyu yà lohwà.”

Matiyò 5:10 Mawu Ofanana

Matiyò 10:23

È ɛni tɛ ema hwa e tàkirzɛ tɛ ò mbòwa hvɔ̀kɔ, e hwaŋge, e ɛ̀ndɛ èhvɛhvɛ mbòwà. Nà e òhweyà ndi e jɔ̀kɛ̀ ema e rza ò kulɛ lì tàneya i mbòwà ja arzɛ ja èkòmè ya Irzàyɛ̀lì ndèŋgànà è Ŋmanà wà è mòtò wà Hwènàmà à è ja.

Matiyò 19:14

Yerzù rzìi a hwa òhweyà ama, “È hwɛmɛ hwàànà hwarzàlì hwa jèe na imba e rzi keka lì hwa iŋga èhwanja ini nyayi ja hwatò ndi i hwɛnì lìkànèyà là ŋmanyu.”

Matiyò 25:34

È Kiŋgɛ a òhweyà e hwaa lìya la mòme nanù ema, ‘È jèe inyɔ ema e nàmìrzɛ̀hwɛ̀yi na e Tatɛ̀ wa ami! È jèe e wòwe mònàmɛ̀ mò lìkànèyà la ama Lohwɛ̀ ema mò ma màa lì e rzekahwɛlɛ natɛ̀ɛ na e hvònda ema mɔ̀ à mà wèkè e rze.

Matiyò 5:3

“Mònàmɛ̀ nà hwatò ema hwa hwèlì mòlìrzà ò èlìŋgɛ̀, èhwanja hwa hwèlì ò rze yà Likànèyà la ama Lohwɛ̀.

Makòrzì 10:14

Ndi nà òmà Yerzù a mà ɛnɛ èŋge eyà nanù, e mà mò tàtirzɛ rzìi a òhweyà hwà-òkòwèlì hwa eni nanù ema, “È hwɛ̀mɛ̀ hwàànà hwarzàlì hwa jè nà imba, è rzi hwa kekà, èhwanja ini nyayi ja hwatò ndi hwa hwɛnì Lìkànèyà la ama Lohwɛ̀.

Makòrzì 10:30

à ò lùwa lì aka nanù ò lìni lòŋgɛ la yawònò. Mɔ̀ à ò lùwa mawòŋgì, wònyanyàŋgò, ìndòmɛ, inyàŋgò, hwàànà, na erzàŋgò, egbe ya ŋgèlì. À ò tàkirzɛhwɛ hvɛ ò lìna la ami. O hvònda ema e ò jɛ̀ɛ̀ a ò lùwa hvɛ lòŋgɛ la gbìndèyà.

Lukàrzɛ̀ 21:12

Ndèŋgàna hwenè hweyà hwe àrzɛ hwe e hwiya lì gbèyɛnɛ, hwa è ŋgbaŋgɛ̀, rzìi hwa è takìrzɛ̀. Hwa è ɛ̀ndɛ̀nɛ̀ ò ndawò ja màkanɛ̀, hwa e kàyìrzɛ rzìi hwa e aŋgɛ̀ ò hwèwòwà. Hwa è jàna ò màrzò ma ìkiŋgɛ̀ nà hwàkànèlì ò nyòla ami.

Lukàrzɛ̀ 22:29

Nà òmà Tatɛ̀ wà amì a nò ŋgbelì è wònjà yà lìkànèyà, nanù ndi ìmba hvɛ na è ŋgbà.

Lukàrzɛ̀ 6:20

Yerzù à mà ɔ̀ŋgɔ hwà-òkòwèlì hwa eni rzìi a hwa òhweyà nanù ema, “Mònàmɛ̀ mò hwɛ nà inyɔ mèlìrza me hwatò èhwanja è hwèlì ò rze yà Lìkànèyà là ama Lohwɛ̀.

Lukàrzɛ̀ 6:22

Mònàmɛ̀ nà inyɔ ema è kɔ̀ɔ̀hwi nà hwatò rzìi hwa è ndinda ò ìtììtènì ja awu rzìi hwa è hwɛnyɛ̀ rzìi hwa è hwɛlɛ mìnà ma wòhwe èhwanja è òŋgama è Ŋmanà wà e Mòtò wà Hwènàmà.

Yòwanìrzɛ̀ 15:20

È ɔ̀ŋgɛ̀lɛ̀ kɔ̀yi-kɔ̀yi mamɛ nà mà è òhweyà nanù ema, ‘Ò rza enje mògbèèlì ema à akayi rzaŋgɛ.’ Hwatò hwa nò tàkìrzɛ̀ tɛ eŋge ŋgàna è hwèlì ndi nanù ema hwa è ò tàkìrzɛ̀ inyɔ hvɛ, hwa mà ika tɛ hwèyòkòlelì hwe ami, nanù òma hwa ò ika hvɛ hwèyòkòlelì hwe anyu.

Hwègbèèlì 5:40

Hwà mà hwɛlɛ I àpɔ̀rzìtòlò ò lì kpèeyà ò tenì ya e ndawò. Rzìi hwa hwà gbìiyɛ̀ hvònji, rzìi hwa hwà kànèyà nanù ema hwa rza arza lì hweyà nanù ema hwa gbeyànì lìinà la ama Yerzù hvɛ. Rzìi hwà hwa hwɛmɛ nanù ema hwa ɛndɛ.

Hwègbèèlì 8:1

Rzàwòlò à mà ukeya ndèŋgànɛ̀lɛ̀ mɔ̀ à mà emeyà nanù ema hwa òŋwe Rzìtehvànɛ. O wòŋgò wùnyà mɛnɛ ŋmèmba mò Jèrurzalɛ̀mù me ma tàkìrzɛ̀hwɛ ŋginyà ò màà mà wònyà Yudà. Hwàlòkèlì hwa arzɛ hwà mà kuwa lì wuhweyà ò hwèrzòòkà hwe arzɛ hwe Jùdeyà na Rzàmàrìyà. Ndi I àpɔ̀rzìtòlò mɛnɛ ndi i ma lìiya.

2 Kɔ̀rintìyà 4:17

Hwanu hwàna hwa mètàkà rzɔ ema i taka nàŋgɛ, rzeketɛ e meyɔ ema i tàkìrzɛ̀ mèèmà o lùuŋga. I taka o nàŋgɛ, ndi èluhwe ema e o hwɛ na irzɔ e o koka nyàyi ema i rza o ɔ̀ŋgɛ̀lɛ tɔ̀ mene mètàkà ema i luwa nàŋgɛ anu rze. Ndèŋgànà ene èluhwe e o hwɛ na irzɔ o gbìndèyà.

Hvìlipìyà 1:28

È rzi keka lì oka hwaŋga hwatò ema hwa e teŋgɛ̀nɛ̀ wɔ̀ŋgɔ̀. Inyɛ̀ ètìrzɛ̀ mèèmà me anyu o ihvonda ja arzɛ. Ène eyà e o uŋmɛ̀lɛ̀ nanù ema, wɔ̀ hwa rza o luwa lìrzùŋgàhwa ndi inyɔ e o lì luwa. Lohwɛ̀ ndi à rzekelì hwene hweyà hwe arzɛ.

2 Tìmotì 2:12

Ja àjùlɛ̀nɛ̀ tɛ o lì taka na mɔ̀, irzɔ jo ò kànèyà na mɔ̀. Irzɔ i mo rzɔ̀rzi tɛ, mɔ̀hvɛ a hwɛni ndi lì jo rzɔ̀rzɔ̀.

2 Tìmotì 3:11

O hwi nɛ hwatò hwa no tàkìrzɛ̀, ndèŋgàna o hwi mètàkà ema imba na lu o tenì ya moŋgo motaka. O hwi lìtumba la hweyà ema hwe ma no gbèyɛ̀nɛ o tenì ya màmbowà mà Antìyɔ̀kì, Ikònìyùmì na Lìrzìtìrà. O hwi nɛ nà mà kake ŋmèma o mètàkà ema nà mà luwe aŋga. Ndi Rzàŋgo Yerzù à mà no rzùŋga o tenì ya meŋge mètàkà me arzɛ.

Jèmìrzì 1:12

Mònàmɛ̀ mo hwɛ nà tɔ̀ ima mòtò ema à àjùlɛ̀ o tenì ya màkèkirzɛnɛ, ehwànja a kulɛ tɛ lì aka màŋga makèkirzɛ, Lohwɛ̀ a mo rzaweya morzawelì ema mo hwèlì ndi lòŋgɛ ema mɔ̀ à ohwi nanù ema a ŋgba hwatò ema hwa mo lìŋgàni.

Jèmìrzì 5:11

Nà oma e hwi, hwaŋga hwatò ema hwa hwi o lì àjùlɛ̀ irzɔ i hwa hwɛlɛ ndi nanù ema hwa hwèlì ndi hwatò ema hwa nàmìrzɛ̀hwɛ̀yi. Inyɔ e ma hweyà lì hvomɛ̀nɛ̀ lì àjùlɛ̀ la ama Jɔ̀bi e hvonda ema à mà luwe mètàkà, ndèŋgànɛ̀lɛ̀ e ma ɛnɛ nàa oma Lohwɛ̀ à mà mo gbèeyà gbaamù o lìrzùkù. È Rzàŋgo e ohvi ŋmèma mo gbamù ndèŋgànɛlɛ e ondi na ììlì.

1 Yòwanìrzɛ̀ 3:12

È rzi hwɛ ndi nàa Keni. Keni à mà hwɛ ndì mòtò wà ama Mòkarzɛ̀ ndèŋgànɛ̀lɛ̀ à mà oŋwa ŋmanyàŋgò wà eni. Mamɛ ndèŋgatɛ à mà mò òŋwa e? À mà mò òŋwa ndi ehwànja mɔ̀ Keni hwègbèèlì hwe eni hwe mà onda ndi wòhwe ndi hwègbèèlì hwe ama ŋmanyàŋgò wà eni hwe mà hwɛ ehve-ehve.

Hwèwulùwèlì 2:10

È rza oka metàkà ema mè hwèlì ò njiya mè è jèeyà wɔ̀ŋgɔ̀. Nà è ohweyà nanù ema, Mòkarzɛ̀ à gbeyà nanù ema hwe aŋgɛ lòŋgo là anyu ò hwèwòwà, èki ema è ò lùwa mètàkà ò tenì yà lìyomɛ̀ là mèènyà. Mɔ̀ à ò gbeyà ndi nanù, ò lì kèkirzɛ lìlòkɛ̀ là anyu, tɔ̀ è hwɛ ndi nanù ema yà à ŋwa è nò lòkɛ̀ ndi nanù mɛnɛ. È gbèyi tɛ nanù rzìi imba hvɛ nà ò è ŋgba lòŋgɛ ema lì rza kuwa nàa etaŋgi jà mòtò ema à rzùù.