Matiyò 5:1 - Mokpwe: Bakwery (New Testament)

¹ Nà òma Yerzù à mà ɛnɛ è ŋgìndì rzìi à agba ò ŋmanyu yà mòòlì à lìya ò rze. Hwà-òkòwèlì hwa eni wɔ̀ hvɛ hwa mà agba lì mò ùŋmanɛlɛ aŋga.

Matiyò 5:1 Mawu Ofanana

Matiyò 13:2

Kanatɛ̀ ŋgìndì ndɛnɛ e ma mò tòŋga aŋga, ò èŋgànɛ̀lɛ̀ à mà kpèeyà ò tenì ya wɔ̀lɔ̀ rzìi a lìya, aŋga ndi à mà òkòlɛ̀lɛ̀ e ŋgindi ema e mà tɛ̀mɛ̀ ò rzààwà ya yulu.

Matiyò 15:29

Yerzù à mà anjiya ò eŋge èki rzìi a ɛ̀ndeya ò rzàawà lì aka yùlu ya Galìlì. À mà agba ò mbehve yà mòòlì rzìi a lìya ò rze.

Matiyò 4:25

Eŋge eyà è mà gbèya è ŋgindi è mà òŋgama Yerzù. Hwatò hwa mà uhwɛ̀lɛ̀lɛ ò hwehvɛhvɛ hwèkòmè, ò Galìlì, erzòòkà yà lìyòmɛ̀ là Màmbòwà ema è hwɛ̀lɛ̀hwɛ̀ Dèkàpòlìrzì, Jèrurzalɛ̀mù, Jùdèyà nà èhvàrzù ema è hwèlì ò enɛyi èhvàrzù yà mòrzò mò Jɔdànì.

Matiyò 5:2

Rzìi à wòteya lì hwa òkòlɛ̀ nà lì òhwa nanù ema,

Makòrzì 3:13

Yerzù rziì a àgba ò ŋmanyu yà mòòlì, rzìi a hwɛlɛ hwatò ema mɔ̀ à mà arze, hwa mà mò jèeya.

Makòrzì 3:20

Yerzù rziì a kpèeyà ndawò hvɔ̀kɔ. Ŋgindi ndɛnɛ̀ è mà arzàŋganɛ aŋga. Ène ŋgàna è mà gbeyà ema mɔ̀ nà Hwà-òkòwèlì hwa eni hwa rzi hwɛnɛ hvònda ò lì làa.

Makòrzì 4:1

Yerzù à mà wòteyà lì òkòlɛ̀ hvɛ ò tòŋgòŋgò yà yùlù ya Gàlìlì. Hwatò ema hwà mà arzàŋganɛ lì mò tòŋga hwa mà aka lì kòka, ò èŋgànɛ̀lɛ̀ à mà kpeya ndi ò wɔ̀lɔ̀ rzìi a lìya. Wɔ̀ɔ̀lɔ̀ wò mà hwɛ ndi ò tenì ya màlìhwa. Ndi èŋge ŋgìndì yà hwatò ema lìya ndi ò mòkòkò mò eŋge yùlù.

Lukàrzɛ̀ 6:12

O wùnyà wɔ̀kɔ wò mèŋge mèènyà Yerzù à mà ɛ̀ndɛ lì kanɛ̀ ò ŋmanyu yà mòòlì mɔ̀kɔ, à mà akɛlɛ wuwu wò arzɛ ò lì kanɛ̀ Lohwɛ̀.

Lukàrzɛ̀ 6:17

Yerzù à mà rzìhwa nà Hwà-òkòwèlì wà eni ò mòòlì rzìi hwa uka ò ètamba. Hwa mà ùŋmanɛlɛ rzayì-rzayì ja hwahvɛhvɛ Hwà-òkòwèlì hwà eni nà ŋgìndì ndɛnɛ ya hwatò. Èŋge ŋgìndì e ma uhwɛlɛlɛ ndi ò erzòòkà ya àrzɛ ya Jùdeyà, nà Jèrurzalɛ̀mù nà è mbòwà yà Tàyi nà Rzidònì. Manù màmbòwà ma mà hwɛ ò rzààwà yà ŋmanjà.

Lukàrzɛ̀ 6:20

Yerzù à mà ɔ̀ŋgɔ hwà-òkòwèlì hwa eni rzìi a hwa òhweyà nanù ema, “Mònàmɛ̀ mò hwɛ nà inyɔ mèlìrza me hwatò èhwanja è hwèlì ò rze yà Lìkànèyà là ama Lohwɛ̀.

Lukàrzɛ̀ 9:28

O mburzà yà mèènyà wàmbì ema Yerzù a mà òhwe nanù à mà àgbana Pètrò, Yòwanìrzɛ̀, nà Jèmìrzì ò mòòlì, ò lì kanɛ̀.

Yòwanìrzɛ̀ 6:15

Yerzù a mà hwiya nanù ema hwà mà arza lì mò lɛmbɛ ò lì mò gbeyà ema a hwɛ̀ e kiŋgɛ̀. O èŋgànɛ̀lɛ̀ à mà timba lì agba hvɛ ò mòòlì.