Matiyò 4:4 - Mokpwe: Bakwery (New Testament)

⁴ Ndi Yerzù à mà mò alàhwɛ̀ nanù ema, “È tìlàhwì ò è kààtì yà Lohwà nanù ema, ‘Rzèketɛ èhvòòtò mɛnɛ ndi mòtò à làa ò lì hwɛ lòŋgɛ. Ndi tɔ̀ ima mbɔrzi ema Lohwɛ̀ à òhwi yɔ̀ ndi è gbèya è mòtò wà hwènàmà à hwɛ lòŋgɛ.’”

Matiyò 4:4 Mawu Ofanana

Matiyò 15:11

Rzeketɛ e yɔ ema e kpèeyà ò tenì ya e wàna ya mòtò ndi e mò gbeyà a hwɛ ŋmiŋgò ò ma Lohwɛ̀, ndi mamɛ ema e wurza mòtò ò wàna ya eni yɔ̀ ndi e mò gbeyà ema a rza hwɛ wòrzàŋgì, ò wòrzò wò ama Lohwɛ̀.”

Matiyò 4:10

Yerzù à mà mò alàhwɛ̀ nanù ema, “Mòkarzɛ̀! Ò nò anjiiya anù. È tìlahwì ò Kààtì yà Lohwà nanù ema, ‘Kanɛ̀ ndi Rzàŋgò Lòohwà là aŋgɔ̀, nà lì mò gbèèyà mɔ̀ ŋmìti mɛnɛ. Ndèŋgànɛ̀lɛ̀ ò mò gbèèyà ndi mɔ̀ mɛnɛ.’”

Matiyò 4:7

Yerzù à mò àlàhwɛ̀ nanù ema, “Ndi è tìlahwì ò Kààtì yà Lohwà hvɛ nanù ema, ‘Ò rza kèkirzɛ̀ Rzàŋgò Lòohwà là aŋgɔ̀.’”

Makòrzì 7:20

Yerzù rzìi a òhwa hvɛ nanù ema, “Èŋgè ema e wurzà mòtò yɔ ndi e mò gbeyà a rza hwɛ̀ɛ̀ wòtani ò wòrzò wò ama Lohwɛ̀.

Lukàrzɛ̀ 4:12

Ndi Yerzù à mò àlàhwɛ̀ nanù ema, “È tìlahwì ò Kààtì ya Lohwà nanù ema, ‘Ò rza kèkìrzɛ̀ Rzàŋgò Lòohwà là aŋgɔ̀.’”

Lukàrzɛ̀ 4:4

Ndi Yerzù à mà mò alàhwɛ̀ nanù ema, “È tìlàhwì ò e kààtì ya Lohwà nanù ema, ‘Rzèketɛ èhvòòtò mɛnɛ ndi mòtò a làa ò lì hwɛ lòŋgɛ.’”

Lukàrzɛ̀ 4:8

Yerzù à mà mò alàhwɛ̀ nanù ema, “È tìlahwì ò Kaàti ya Lohwà nanù ema, kànɛ ndi Rzàŋgò Lòohwà là aŋgɔ̀, nà lì mò gbèeyà mɔ̀ ŋmìti mɛnɛ.”

Yòwanìrzɛ̀ 15:26

È Moòŋgòwànèlì a ò ja ema a uwɛ̀lɛ̀lɛ̀ɛ ò ma e Tatɛ̀ wa ami. Mɔ̀ ndi à hwèlì Èlìŋgɛ̀ ema e gbeyà hwatò hwa rzɔŋgìtɛ̀nɛ̀ e jɔ̀kɛ̀. È hvònda ema na ò hwɛ na Tatɛ̀ na ò e òmeya e mɔ̀, mɔ̀ ndi à hwèlì e mɔ̀ ema a ò e òhweyà hweyà lì nò hvòmɛ̀nɛ̀.

Yòwanìrzɛ̀ 6:63

Èlìŋgɛ̀ yà ama Lohwɛ̀ yɔ ndi e hwèlì e yɔ ema e ŋgba lòŋgɛ. È nyàmà nyò e rza enje tɔ̀ eyà. Hweyà ema nà mà e òhweyà hwe hwèlì ndi èlìŋgɛ̀ na lòŋgɛ.

Ròmànì 15:4

Hweya hwe ya arzɛ ema hwe ma tìlahwa ò kààtì ya Lohwà ò e hvònda kòòhwa, hwe ma tìlahwa ndi ò lì jò òkòlɛ̀. Èŋge ŋgàna e ma hwɛ ndi nanù ema jò òhve lìhvìtà ema e uwɛ̀lɛ̀lɛ̀yi ò eyà ya ama Lohwɛ̀ ema lì jò gbeyà ò lì àjùlɛ̀ na lì jò kɔ̀mɛ̀lɛ̀.

Ɛ̀hvìrzìyà 6:17

È ɛndɛ tɛ o lì ana njuma, inyɔ e hwiye nanù ema e ma luwa lì oŋgirzɛ o màà mà ama Lohwɛ̀ o eŋgànɛ̀lɛ̀ rzɔ tɔ̀ mòtò a rza tànɛyi a e gbeyà tɔ̀ eyà. È o hwɛ ndi nàa e ŋmanelì wa njuma ema a wɔti e tamba ya hwɛ̀ɛkɛ̀. Ndèŋgàna e ɛndɛ tɛ, e àŋgàmɛ̀nɛ̀ lì ohva e rzɔ̀lɔ̀ ema Èlìŋgɛ̀ yà Wòtani e ma e ŋgbɛ. Èŋge rzɔ̀lɔ̀ e gbèyi ndi nàa eyà ya ama Lohwà.