Matiyò 4:25 - Mokpwe: Bakwery (New Testament)

²⁵ Eŋge eyà è mà gbèya è ŋgindi è mà òŋgama Yerzù. Hwatò hwa mà uhwɛ̀lɛ̀lɛ ò hwehvɛhvɛ hwèkòmè, ò Galìlì, erzòòkà yà lìyòmɛ̀ là Màmbòwà ema è hwɛ̀lɛ̀hwɛ̀ Dèkàpòlìrzì, Jèrurzalɛ̀mù, Jùdèyà nà èhvàrzù ema è hwèlì ò enɛyi èhvàrzù yà mòrzò mò Jɔdànì.

Matiyò 4:25 Mawu Ofanana

Matiyò 12:15

Nà òma Yerzù à mà ayèmbɛ nanù ema hwa mò kimelì e kpelì. À mà hwɛmɛ eŋge èki rzìi ŋgindi ndɛnɛ ya hwatò e mò nɔ̀ŋgɔ. Ndèŋgànà à mà wɔ̀wìrzɛ̀ hwà-òkèlì hwa arzɛ.

Matiyò 19:2

Ŋgindi ndɛnɛ yà hwatò ema mò nɔ̀ŋgɔ rzìi à kùwa lì wɔ̀wìrzɛ̀ hwaŋga hwa arzɛ ema hwa mà ɔ̀kirzɛ̀ aŋga.

Matiyò 4:15

“Hwèrzòòkà hwe Rzɛ̀bulɔ̀nì nà Nàhvìtàlì, ema è ɛ̀ndɛ ò ŋmànja, ò enɛyi èhvàrzù yà mòrzò mò Jɔdànì, Galìlì ò èhvàrzù yà hwatò ema hwa rza enje wònyà Yudà.

Matiyò 5:1

Nà òma Yerzù à mà ɛnɛ è ŋgìndì rzìi à agba ò ŋmanyu yà mòòlì à lìya ò rze. Hwà-òkòwèlì hwa eni wɔ̀ hvɛ hwa mà agba lì mò ùŋmanɛlɛ aŋga.

Matiyò 8:1

Nà òma Yerzù à mà rzihwe ò mòŋgò mòòlì, ŋgìndì ndɛnɛ yà hwatò è mà hwɛ lì mò nɔ̀ŋgɔ.

Makòrzì 5:20

Oŋgò mòtò ama ɛ̀ndɛ rzi a wòteya lì òhwa ò erzòòkà ya Dìkapɔlìrzì hweyà hwe arzɛ ema Yerzù a mà mò gbèeyà. Hwatò hwa arzɛ hwa mà tàmà.

Makòrzì 6:2

È hvònda ema Wùùnyà wò lì Arzìyòlɛ̀ wò mà ùke, rzìi à wòteya lì òkòlɛ ò ndawò ya màkanɛ̀ ya wònyà Yudà. Hwatò rzayì-rzayì ema hwa mà hwèya hwè-òkòlèlì hwe eni hwa mà ònda nà hwetamirzelì. Rzìi hwa ijòwa nanù ema, “One ònò mòtò a hvɔɔti hwenè hweyà e? Ima nyayi ya lìhwiyè lìnì ema lì mò ŋgbàahwi e? A gbeyàna hvɛ hweyà hwe mànyakà.

Makòrzì 7:31

Yerzù rzìi anjiya ò èŋge erzòòkà ya Tàyi rzìi a akeeya ò Rzidònì rzìi a ɛ̀ndɛ ò tòŋgòŋgò ya yùlu ya malìhwà mà Galìlì, rzìi a kpèeyà ò erzòòkà ema e ma òhva lìyòmɛ̀ la Mambòwà.

Lukàrzɛ̀ 6:17

Yerzù à mà rzìhwa nà Hwà-òkòwèlì wà eni ò mòòlì rzìi hwa uka ò ètamba. Hwa mà ùŋmanɛlɛ rzayì-rzayì ja hwahvɛhvɛ Hwà-òkòwèlì hwà eni nà ŋgìndì ndɛnɛ ya hwatò. Èŋge ŋgìndì e ma uhwɛlɛlɛ ndi ò erzòòkà ya àrzɛ ya Jùdeyà, nà Jèrurzalɛ̀mù nà è mbòwà yà Tàyi nà Rzidònì. Manù màmbòwà ma mà hwɛ ò rzààwà yà ŋmanjà.

Lukàrzɛ̀ 6:19

Hwatò hwa arzɛ hwa mà hwɛ lì kèka ò lì mò lɛ̀mbɛ, èhwanja è ŋginyà è mà hwɛ lì mò wurzà ò nyò ya eni ò lì wɔ̀wìrzɛ̀ hwatò.