Matiyò 4:23 - Mokpwe: Bakwery (New Testament)

²³ Yerzù à mà lìŋgòwa màmbòwà mà arzɛ mè èkòmè ya Galìlì, ò lì òkòlɛ̀ eyà yà Lohwà ò màndawò mà awu mà màkanɛ̀, nà lì òhwa hvɛ Ŋmɛ̀ndì mò Gbamù mò Likànèyà là ama Lohwɛ̀. À mà hwɛ hvɛ lì wɔ̀wìrzɛ̀ hwatò hwa arzɛ ema hwa mà ɔ̀kìrzɛ̀ nà inyayi ja nyàmbɛ ema hwa mà ɔ̀kìrzɛ̀.

Matiyò 4:23 Mawu Ofanana

Matiyò 11:5

È mò òhweyà nanù ema, “I ndima je ɛnɛ̀, i mbòkò je ɛ̀ndɛ, e wɔ̀ hwa nyàmbɛ ja mɛ̀lɔ̀ŋgɔ̀ hwa wɔ̀wìrzɛ̀hwɛ̀yi, e wɔ̀ hwa hwètòòtò hwa hweya. È wɔ̀ hwa ŋwelì hwa tìmbì hvɛ ò lòŋgɛ, ŋmɛ̀ndì mò gbamù mɔ̀ hvɛ mò òhwàyɛ̀lɛ̀hwɛ̀yi mèlìrzà me hwatò.

Matiyò 12:9

Yerzù rzìi a hwɛ̀mɛ̀ eŋge èki, a ɛ̀ndɛ lì kpèeyà ò tenì ya e ndawò ya màkanɛ̀ yà wònyà Yudà.

Matiyò 13:19

Mòtò a hweyi tɛ ŋmɛ̀ndì mò lì hvòmɛ̀nɛ̀ lìkànèyà la ŋmanyu rzìi à rzi mò rzɔ̀ŋgìtɛ̀nɛ̀, Mòkarzɛ̀ a jà, rzìi à mò ulɛnɛ̀ è mɔ̀ ò ŋmèma mò eni. Lini lìtumba là hwatò lì gbe ndi nàa iŋgi hvɔ̀ŋgɔ̀ ema i ma unda ò njiya.

Matiyò 13:54

rzi a timba ò lì ɛndɛ ò mbòwa ya eni. A wòteyà lì òkòlɛ hwatò ò ndawò ya màkànɛ. Ndèŋgànà hwaŋga hvɛ ema hwa ma mò òkànèyà hwa ma tàmà. Rzi hwa wòteyà ò lì ijòwa nanù ema, “One mɔ̀ à lu lìni lìhwiyè e? O nɛ mɔ̀ à gbèeyà hwene hweyà hwe arzɛ hwe mànyakà e?”

Matiyò 14:14

È hvònda Yerzù à mà rzihwe ò wɔ̀lɔ̀, rzìi à ɛnɛ ŋgìndì ndɛ̀nɛ̀ yà hwatò. À mà hwa kpèeyà ììlì rzìi à wɔ̀wìrzɛ̀ hwaŋga ema hwa mà ɔ̀kirzɛ̀.

Matiyò 24:14

Mònò ŋmɛ̀ndì mò gbamù lì hvòmɛ̀nɛ̀ lìkànèyà la ama Lohwà mò òhwahwa ò marzuku ma e rze ya arzɛ nàa mbòŋgi ò hwèkòmè, ndèŋgàna lìrzukù lì e ja.

Matiyò 3:2

“È rzɔnjɛ̀lɛ̀ hwègbèèlì hwe anyu hwe wòhwe, èhwanja lìkànèyà là ama Lohwɛ̀ lì mà kòmbɛ̀nɛ̀.”

Matiyò 9:35

O èŋgànɛ̀lɛ̀ Yerzù à mà hwɛ lì ɛndɛ ò màmbowà màndɛnɛ nà màmbòwà màrzalì mà eŋge èhvàrzù ma eŋge èkòmè. À mà hwɛ lì òkòlɛ̀ ò ndawò ja awu ja màkanɛ̀ ja wònyà Yudà, na ò lì òhwa Ŋmɛ̀ndì mò Gbamù mò Likànèyà là ama Lohwɛ̀. À mà hwɛ lì wɔ̀wìrzɛ̀ hwà-òkèlì hwa arzɛ na i nyayi ja nyàmbɛ ja arzɛ ema me ma hwɛ ò tenì ja inyɔ ja awu.

Makòrzì 1:14

O mburzà hvònda Yòwanìrzɛ̀ à mà aŋgɛ̀hwɛ̀ ò hwèwòwà. Ò mburzà hvònda ema Yòwanìrzɛ̀ à mà aŋgɛ̀hwɛ̀ ò hwèwòwà, Yerzù rziì à ɛ̀ndɛ ò erzòòkà yà Galìlì, rzìi à òhweyà hwatò Ŋmɛ̀ndì mò Gbamù mò ama Lohwɛ̀, à hwa òhweyà nanù ema,

Makòrzì 1:21

Yerzù nà hwà-òkòwèlì hwa eni hwa ànìyɛ hwa mà ɛndɛ ò mbòwà yà Kàpɛ̀nàwɔ̀mì. À mà kpèeyà ò ndawò yà màkanɛ̀ yà wònyà Yudà ò Wùnya wò lì Arzìyòlɛ, rzìi à wòteyà lì òkòlɛ̀.

Makòrzì 1:39

O èŋgànɛ̀lɛ̀ à mà ɛ̀ndɛ ò erzòòkà yà arzɛ yà Galìlì lì òhwa Ŋmɛ̀ndì mò Gbamù ò indawò jà màkanɛ̀ nà lì wùrzirzɛ̀ hvɛ hwèlìŋgɛ̀ hwe wòhwe ò hwatò.

Makòrzì 3:10

Èhwànja Yerzù à mà wɔ̀wìrzɛ̀ rzayì-rzayì ja hwatò, ò èŋgànɛ̀lɛ̀ hwatò ema hwà mà ɔ̀kirzɛ na ihvɛ-hvɛ nyàmbɛ, hwa mà hwɛ lì àyìinɛ̀lɛ̀ ò lì mò uka nanù ema a hwa hwàkɛ màà mà eni.

Makòrzì 6:2

È hvònda ema Wùùnyà wò lì Arzìyòlɛ̀ wò mà ùke, rzìi à wòteya lì òkòlɛ ò ndawò ya màkanɛ̀ ya wònyà Yudà. Hwatò rzayì-rzayì ema hwa mà hwèya hwè-òkòlèlì hwe eni hwa mà ònda nà hwetamirzelì. Rzìi hwa ijòwa nanù ema, “One ònò mòtò a hvɔɔti hwenè hweyà e? Ima nyayi ya lìhwiyè lìnì ema lì mò ŋgbàahwi e? A gbeyàna hvɛ hweyà hwe mànyakà.

Makòrzì 6:6

Yerzù a mà ònda nà hwètàmirzelì èhwanja hwanù hwatò hwa rzi hwɛnɛ lì lòkɛ̀. Yerzù rzìi a ɛ̀ndɛ ò màmbòwà ma rzàlì ema ma mà hwɛ lì kòmbɛ̀nɛ̀ aŋga ò lì òkòlɛ̀ hwatò.

Lukàrzɛ̀ 10:9

È wɔ̀wìrzɛ̀ hwà-òkèlì. È hwa òhweyà hvɛ nanù ema, ‘Lìkànèyà là ama Lohwɛ̀ lì ma è kòmbɛ̀nɛ̀.’

Lukàrzɛ̀ 13:10

Wùnyà wɔ̀kɔ wò lì arzìyòlɛ̀, Yerzù à mà hwɛ lì òkòlɛ̀ ò ndawò ya màkanɛ̀.

Lukàrzɛ̀ 16:16

Yerzù rzi a òhwa hvɛ nanù ema, “Hweyà ema hwe ma tìlahwa ò kààtì yà àma Lohwɛ̀, hwà-òhwèlì hwa hwèlìŋgɛ̀ wɔ̀ hvɛ hwà mà hwe òhwa ò è hvònda yà àma Yòwanìrzɛ̀ è Mòlùhwìrzèlì. Lìwòteya è hvònda yà àma Yòwanìrzɛ̀ natɛ̀ɛ nà nàŋgɛ, Ŋmɛ̀ndì mò Gbamù mò Lìkànèyà la ama Lohwɛ̀ mɔ̀ ndì mò òhwàhwàa. Tɔ̀ ima mòtò à kèkà ò lì àyìinɛ̀lɛ̀, ò lì kpèeyà ò tenì ya lìŋgi lìkànèyà.

Lukàrzɛ̀ 20:1

Wùnya wɔ̀kɔ, Yerzù a mà hwɛ lì òkòlɛ̀ hwatò ò Ndawò yà Lohwà na lì òhwa Ŋmɛ̀ndì mò Gbamù, Ipìlìrzì ndɛnɛ, nà hwà-òkòlèlì hwa mbenda, nà hwàmbaki hwa mbòwa wɔ̀ hvɛ hwa mà mò jèeyà.

Lukàrzɛ̀ 4:14

Yerzù à mà tìmba ò Galìlì. Èlìŋgɛ̀ yà Wòtani ema hwɛ nà mɔ̀, rzìi ŋmɛ̀ndì mò eni mò eyàlɛ̀nɛ̀ ò erzòòkà yà arzɛ.

Lukàrzɛ̀ 5:17

Wùnyà wɔ̀kɔ, Yerzù à mà hwɛ lì òkòlɛ̀ hwatò. Lòŋgò la ì Hvàlìrzàyì, nà hwà-òkòlèlì hwà mbenda wɔ̀ hvɛ hwa mà ùkeya. Wɔ̀ hwa arzɛ hwà mà uhwɛlɛlɛ ndi ò màmbòwà ma àrzɛ ma hwèrzòòkà hwe Galìlì nà Jùdeyà. Nà ò tenì yà è mbòwà yà Jèrurzalɛ̀mù. È ŋginyà ya àma Lohwɛ̀ è mà mò rzìhweyà ò lì wɔ̀wìrzɛ̀ hwà-òkèlì.

Lukàrzɛ̀ 6:17

Yerzù à mà rzìhwa nà Hwà-òkòwèlì wà eni ò mòòlì rzìi hwa uka ò ètamba. Hwa mà ùŋmanɛlɛ rzayì-rzayì ja hwahvɛhvɛ Hwà-òkòwèlì hwà eni nà ŋgìndì ndɛnɛ ya hwatò. Èŋge ŋgìndì e ma uhwɛlɛlɛ ndi ò erzòòkà ya àrzɛ ya Jùdeyà, nà Jèrurzalɛ̀mù nà è mbòwà yà Tàyi nà Rzidònì. Manù màmbòwà ma mà hwɛ ò rzààwà yà ŋmanjà.

Lukàrzɛ̀ 6:6

O wòhvɛhvɛ Wùnyà wò lì Arzìyòlɛ̀ Yerzù à mà kpèeyà ò tenì yà è ndawò yà màkanɛ̀ yà wònyà Yudà rzìi a wòteyà lì òkòlɛ̀. O mà hwɛ mòtò aŋga ema mɔ̀ɔ̀ mò eni mò mòmɛ̀ mò ma ŋwa njɛmbu.

Lukàrzɛ̀ 7:21

Lirzàkò ema hwà mà ùke aŋga, à mà hwɛ lì wɔ̀wìrzɛ̀ rzayì-rzayì jà hwatò ema hwà mà ɔ̀kirzɛ merziyò na ì nyàmbɛ, na è wɔ̀ hwà mà òhva hwèlìŋgɛ̀ hwe wòhwe rzìi a wɔ̀wìrzɛ̀ hvɛ è wɔ̀ hwa ndima.

Lukàrzɛ̀ 7:22

Yerzù à mà tìmbìrzɛ̀lɛ̀ hwà-òkòwèlì hwa ama Yòwanìrzɛ̀ nanù ema, “È tìmbè e òhweyà Yòwanìrzɛ̀ mamɛ ema e ɛnì nà mamɛ ema e hweyi. È mò òhweyà nanù ema, hwatò ema hwà mà hwɛ ndima hwa ɛnɛ̀, è wɔ̀ hvɛ ema hwà mà hwɛ mbòkò wɔ̀ hvɛ hwa ɛ̀ndɛ, hwaŋga hwatò hvɛ ema hwà mà hwɛ̀nɛ̀ e nyàmbɛ ya mɛ̀lɔ̀ŋgɔ̀ wɔ̀ hvɛ hwà mà tànìrzɛ̀hwɛ̀. Hwàŋga hwatò hwa hwètòòtò wɔ̀ hvɛ hwa hweya, è wɔ̀ hwa ŋwelì hwa tìmbì hvɛ ò lòŋgɛ, ndèŋgànɛlɛ Ŋmɛ̀ndì mò Gbamù mò òhwàyɛ̀lɛ̀hwɛ̀yi mèlìrzà me hwatò.

Lukàrzɛ̀ 8:1

O mburzà yà hvònda, Yerzù à mà ɛ̀ndɛ hwèyɔ̀ndɔ̀ lì akeyà màmbòwà mà rzàlì nà màndɛnɛ̀. Nà òma à ma hwɛ lì ɛ̀ndɛ nanù, à mà hwɛ ndi lì òhwà Ŋmɛ̀ndì mò Gbamù, mò Lìkànèyà là ama Lohwɛ̀. Lìyòmɛ̀ là eni la hwà-òkòwèlì nà hwàhwàkɛ̀ lì mà hwɛ nà mɔ̀.

Lukàrzɛ̀ 9:11

Nà òmà è ŋgìndì e mà hweye nanù, hwa mà mò òŋgama aŋga rzìi hwa mò ùŋma. Yerzù à mà hwa karzɛ. À mà hwa òhweyà lì hvòmɛ̀nɛ̀ Lìkànèyà la ama Lohwɛ̀. Nà lì wɔ̀wìrzɛ̀ hvɛ è wɔ̀ ema hwà mà àrza lì wɔ̀wìrzɛ̀hwɛ.

Lukàrzɛ̀ 9:60

Yerzù à mà mò alàhwɛ̀ nanù ema, “Hwɛ̀mɛ̀ hwaŋga hwatò ema hwà mà ŋwɛ, hwa ìmeyà hwaŋga hwatò ema hwa ŋwelì. Ò wa ɛ̀ndɛ ò òhwèyà è rze Ŋmɛ̀ndì mò Gbamù mò Lìkànèyà là ama Lohwɛ̀.”

Yòwanìrzɛ̀ 18:20

Yerzù à mà mò alàhwɛ̀ nanù ema, “Imba nà mà màa lì òhweyà hwatò hwa arzɛ hwene hweyà hwe arzɛ ò mòte. Nà mà hwɛ ndi lì òkòlɛ̀ ò ndawò jà màkanɛ̀, nà ò Ndawò yà Lohwà. Hwèki ema hwatò hwa Yudà hwa arzɛ hwà mà hwɛ lì arzàŋganɛ. Nà rzi òhwe tɔ̀ eyà ò jùtùtà.

Yòwanìrzɛ̀ 6:59

Yerzù à mà òhwa ndi hwenè hweyà hwe arzɛ e hvònda ema à mà hwɛ lì òkòlɛ ò tenì ya e ndawò ya màkanɛ̀ ò mbòwa ya Kàpɛ̀nàwɔ̀mì.

Yòwanìrzɛ̀ 7:1

O mburzà hwenè hweyà, Yerzù à mà lìŋgòwa hweki nà hweki ò erzòòkà ya Galìlì. A rza arze lì ɛndɛ ò erzòòkà ya Jùdeyà èhwanja lìkànèyà la wònyà Yudà lì ma kàkɛ̀nɛ̀ lì mò òŋwa.

Hwègbèèlì 10:38

Inyɔ e hwi nanù ema Lohwɛ̀ à mà ɔ̀kirzɛ̀ Yerzù, è mòtò wà Nàrzàrɛ̀tì, rzìi à mò ŋgba Èlìŋgɛ̀ yà Wòtani nà è ŋginyà. Yerzù à mà hwɛ lì ɛndɛ ò èki yà arzɛ, rzìi a à gbeyà gbamù. Nà òma Lohwɛ̀ à mà hwɛ na mɔ̀, mɔ̀ à mà wɔ̀wìrzɛ̀ hwatò hwa arzɛ ema hwà mà hwɛ ò rze ya e ŋginyà ya ama Mòkarzɛ̀.

Hwègbèèlì 18:4

Tɔ̀ ima Wùnya wò lì Arzìyòlɛ Pàwolò à mà hwɛ lì ɛndɛ ò ndawò ya màkanɛ̀ ya wònyà Yudà, ò lì òhwirzɛnɛ hwatò hwa wònyà Yudà na e hwa Grìki, aŋga nanù wɔ hwa lòkɛ̀ hweyà ema à mà hwɛ lì hwa òhweyà.

Hwègbèèlì 20:25

“Nà ma hwɛ na inyɔ, rzìi na a e òhweyà lì hvòmɛ̀nɛ̀ lìkànèyà la ama Lohwɛ̀. O naŋgɛ na hwi nanù ema tɔ mɔ̀kɔ wa anyu a rza ò nò ɛnɛ hvɛ.

Hwègbèèlì 28:31

À mà hwɛ lì òhwa ŋmɛ̀ndì lì hvòmɛ̀nɛ̀ lìkànèyà là ama Lohwɛ̀ ndèŋganɛlɛ à mà hwɛ lì òkòlɛ̀ hwatò lì hvòmɛ̀nɛ̀ Rzàŋgò Yerzù Krirztò è rzi hwɛ lì òka tɔ̀ wɔ̀ŋgɔ̀, ndèŋgànɛlɛ tɔ̀ mòtò a rzi mò keka ò lì òhwa tɔ̀ eyà tɔ̀ yɔ̀kɔ.

Ròmànì 10:15

Nɛ rzɔ mònò ŋmɛ̀ndì mò tànɛyi lì òhwahwa e hwèlì tɛ ema irzuhwɛlɛ i rza òmahwi e? È tìlahwì ò e kààtì ya Lohwà nanù ema, “Mòtò a jàni tɛ ŋmɛ̀ndì mò gbamù, mò jànà màlìŋgò.”