Matiyò 4:13 - Mokpwe: Bakwery (New Testament)

¹³ Yerzù à mà hwɛmɛ è mbòwà yà Nàrzarɛ̀tì, rzi à ɛ̀ndɛ lì lìya ò mbòwà yà Kàpɛ̀nàwɔ̀mì. Ene mbòwà è mà hwɛ ndi ò tòŋgòŋgò yà yùlu yà Galìlì ò erzòòkà ya Rzɛ̀bulɔ̀nì nà Nàhvìtàlì.

Matiyò 4:13 Mawu Ofanana

Matiyò 11:23

Inyɔ hvɛ hwatò hwa Kàpɛ̀nàwɔ̀mì, è ɔ̀ŋgɛ̀lɛ̀ nanù ema, e ma uka ò ŋmanyu ya Lohwɛ̀, ndi è hwɛnì lì rzìhwirzɛhwɛ ò tenì yà mùnya. È ma hwɛ tɛ ema hweyà hwe mànyakà ema Lohwà à mà gbèye ò mbòwa ya anyu hwe mà gbeyàhwa tɛ ndi ò mbòwa ya Rzòdòmi òma eŋge mbòwà e hwèlì natɛ̀ɛ na yàwònò.

Matiyò 17:24

Ndi na òma Yerzù na Hwà-òkòwèlì hwa eni hwà mà ùke ò e mbòwa ya Kàpɛ̀nàwɔ̀mì, hwàrzàŋgèlì hwa è njàŋge yà è Ndawò yà Lohwà hwà mà jèeyà Pètrò rzi hwa mò ijòwa nanù ema, “È Mòòkòlèlì wà anyu mɔ̀ à rzàawà è njàŋge ò Ndawò yà Lohwà e?”

Matiyò 4:14

Yerzù à mà ɛndɛ ò Kàpɛ̀nàwɔ̀mì ò lì òndìrzɛ̀ hwèyà ema è mòòhwèlì wà èlìŋgɛ̀ Àyìrzayà, à mà òhwe nanù ema,

Matiyò 4:15

“Hwèrzòòkà hwe Rzɛ̀bulɔ̀nì nà Nàhvìtàlì, ema è ɛ̀ndɛ ò ŋmànja, ò enɛyi èhvàrzù yà mòrzò mò Jɔdànì, Galìlì ò èhvàrzù yà hwatò ema hwa rza enje wònyà Yudà.

Matiyò 9:1

O mburza eŋge hvònda Yerzù rzìi a kpèeyà ò tenì ya wɔ̀lɔ̀ hvɛ, rzìi a aka ò enɛyi èhvàrzù ya yulu lì ɛ̀ndɛ ò mbòwà ya eni ema à mà hwɛ lì lìya.

Makòrzì 1:21

Yerzù nà hwà-òkòwèlì hwa eni hwa ànìyɛ hwa mà ɛndɛ ò mbòwà yà Kàpɛ̀nàwɔ̀mì. À mà kpèeyà ò ndawò yà màkanɛ̀ yà wònyà Yudà ò Wùnya wò lì Arzìyòlɛ, rzìi à wòteyà lì òkòlɛ̀.

Makòrzì 2:1

O mburzà yà ŋgùrzù jà mèènyà, Yerzù à mà tìmba hvɛ ò mbòwà yà Kàpɛ̀nàwɔ̀mì, hwatò hwa mà hwèya nanù ema à mà jà ò mbòwà.

Lukàrzɛ̀ 10:15

Inyɔ hvɛ hwatò hwa Kàpɛ̀nàwɔ̀mì, è ɔ̀ŋgɛ̀lɛ̀ nanù ema, e ma uka ò ŋmanyu ya Lohwà, ndi è hwɛnì lì rzìhwirzɛhwɛ ò tenì yà mùnya.”

Lukàrzɛ̀ 4:23

Yerzù à mà hwa òhweyà nanù ema, “O Jɔ̀kɛ̀ è ò nò kpɛ̀ɛya mònò ŋmàna, ‘Ŋgàŋgà ò à wɔ̀wìrzɛ̀ ò wà hwìti.’ Ndèŋgàna e ò no òhweyà hvɛ ema, hweyà ema e hweyi ema nà mà gbeyà ò mbòwà yà Kàpɛ̀nàwɔ̀mì ema nà mà hwɛ, na hwe gbeye anù mbòwà ya ami.”

Yòwanìrzɛ̀ 2:12

O mburzà ya ene eyà, Yerzù à mà ɔ̀ndɔ̀ ò mbòwà ndɛ̀ɛ̀ndɛ̀ yà Kàpɛ̀nàwɔ̀mì na nyàŋgò wa eni, na wònyanyàŋgò wà eni, na Hwà-òkòwèlì hwa eni. Hwà mà lìya aŋga ò ŋgurzu ja hwèyù.

Yòwanìrzɛ̀ 4:46

Ŋgelì hvɔ̀kɔ hvɛ, mɔ̀ à mà jà hvɛ ò mbòwà yà Kenà ò èki ema mɔ̀ à mà eŋgòwe malìhwa ò lì tìmba mimba. Àŋga òma rzɔ, ò mà hwɛ mòkànèlì mɔ̀kɔ wà lìkànèyà, ema è ŋmanà wà eni à mà nàŋgana mòrziyò ò mbòwà yà Kàpɛ̀nàwɔ̀mì.

Yòwanìrzɛ̀ 6:17

Hwà mà kpèeyà rzɔ ò wɔ̀lɔ̀, ò lì aka yùlu, hwà mà hwɛ ndi lì ɛndɛ ò èhvàrzù ya Kàpɛ̀nàwɔ̀mì. Jììtìtì i ma rzìhwa ema Yerzù a rzi uki èki ema hwà mà hwɛ.

Yòwanìrzɛ̀ 6:24

Nà òma e ŋgìndì ya hwatò e ma ayèmbɛ nanù ema Yerzù na hwà-òkòwèlì hwa eni hwa rzi hwɛ aŋga, hwà mà kpèeyà ò maŋga mɔ̀lɔ̀ rzìi hwa aka ɔ̀nɛyi lì ɛndɛ ò Kàpɛ̀nàwɔ̀mì ò lì arza Yerzù.

Yòwanìrzɛ̀ 6:59

Yerzù à mà òhwa ndi hwenè hweyà hwe arzɛ e hvònda ema à mà hwɛ lì òkòlɛ ò tenì ya e ndawò ya màkanɛ̀ ò mbòwa ya Kàpɛ̀nàwɔ̀mì.