Matiyò 4:12 - Mokpwe: Bakwery (New Testament)

¹² Ò eŋge hvònda Yòwanìrzɛ̀ è Mòlùhwìrzèlì à mà aŋgɛhwɛ ò hwèwòwà. Nà òma Yerzù à mà hweye nanù, rzìi a timba ò erzòòkà yà Galìlì.

Matiyò 4:12 Mawu Ofanana

Matiyò 11:2

O eŋge hvònda òma Yòwanìrzɛ̀ e Mòlùhwìrzèlì à mà aŋgɛhwɛ ò hwèwòwà na òma à mà hwèya hweyà hwe arzɛ ema Krirztò à mà hwɛ lì gbeyà, rzìi a mò òmeya hwà-òkòwèlì wa eni.

Matiyò 14:3

Hɛ̀rɔ̀dì à ma òhwa ndi nanù èhwanja mɔ̀ à mà òma hwatò ema hwa lɛ̀mbɛ̀ Yòwanìrzɛ̀, hwa ma mò kake e ŋgɔ̀kɔ̀hwi rzìi a mò aŋgɛ ò hwèwòwà. A ma gbeyà ndi nanù lì hvòmɛ̀nɛ̀ e jòjìyɛ̀ ya eni Hɛ̀ròdìyàrzì, ema à mà lòma lì hwɛ e jòjìyɛ̀ ya ama ŋmanyàŋgò wa enì Hvìlìpì.

Makòrzì 1:14

O mburzà hvònda Yòwanìrzɛ̀ à mà aŋgɛ̀hwɛ̀ ò hwèwòwà. Ò mburzà hvònda ema Yòwanìrzɛ̀ à mà aŋgɛ̀hwɛ̀ ò hwèwòwà, Yerzù rziì à ɛ̀ndɛ ò erzòòkà yà Galìlì, rzìi à òhweyà hwatò Ŋmɛ̀ndì mò Gbamù mò ama Lohwɛ̀, à hwa òhweyà nanù ema,

Makòrzì 6:17

Hɛ̀rɔ̀dì à ma òhwa nanù èhwanja, a mà hwɛ à mà ŋgba lìlò nanù ema hwa ŋgbaŋgɛ̀ Yòwanìrzɛ̀ e Mùlùhwìrzèlì. Hwa mà mò lɛ̀mbɛ, hwa mò kaka rzìi hwa mò ika ò hwèwòwà. À mà gbeyà ndi nanù èhwanja à mà hwàà Hɛ̀ròdìyàrzì è jòjìyɛ̀ ya ama ŋmanyàŋgò wà èni Hvìlìpì.

Lukàrzɛ̀ 23:5

Ndi hwa mà tìnɛlɛ rzìi hwa òhwa nanù ema, “Hwèyòkòlèlì hwe ama ò nò mòtò, hwe hvɛhvi hwatò hwa arzɛ nà mèèrzɔ̀ɔ̀nì ò èrzòòkà yà àrzɛ yà Jùdeyà. À mà hwe wòteyà ò Galìlì rzìi à hwe jàni hvɛ anù.”

Lukàrzɛ̀ 3:20

O ŋmanyu yà wòhwe wò eni hwe àrzɛ ema a mà gbèye, Hɛ̀rɔ̀dì à mà aŋgɛ Yòwanìrzɛ̀ ò hwèwòwà.

Lukàrzɛ̀ 4:14

Yerzù à mà tìmba ò Galìlì. Èlìŋgɛ̀ yà Wòtani ema hwɛ nà mɔ̀, rzìi ŋmɛ̀ndì mò eni mò eyàlɛ̀nɛ̀ ò erzòòkà yà arzɛ.

Lukàrzɛ̀ 4:31

Yerzù à mà ɛ̀ndɛ ò Kàpɛ̀nàwɔ̀mì, ò erzòòkà yà Galìlì, rzìi a wòteyà lì òkòlɛ̀ hwatò ò Wùnyà wò lì Arzìyòlɛ̀.

Yòwanìrzɛ̀ 1:43

Ènɛ̀yi eka yà èlèlè Yerzù à mà kùlɛ̀ nanù ema à hwɛni lì ɛ̀ndɛ ò erzòòkà yà Galìlì. À mà ɛndɛ lì ùŋmànɛ̀lɛ̀ Hvìlìpì rzìi à mò òhweyà nanù ema, “Jà, ò nò òŋgame.”

Yòwanìrzɛ̀ 2:11

Manù mànyakà ndi ma hwèlì embànelì ya wòrzò, ya hwètàmìrzèlèlì ya ama Yerzù ema à mà gbeye ò mbòwà ya Kena, ò erzòòkà ya Galìlì. Anu ndi à mà awùlùhwɛ èluhwe ya eni rzìi Hwà-òkòwèlì hwa eni hwa ika lìlòkɛ̀ lì awu na mɔ̀.

Yòwanìrzɛ̀ 3:24

Ène eyà e ma gbèyɛ̀nɛ ndèŋga Yòwanìrzɛ̀ a ikahwa ò hwèwòwà.

Yòwanìrzɛ̀ 4:43

O mburzà hwèŋge hweyu hweahwakɛ Yerzù à mà anjiya ò erzòòkà ya Rzàmàrìyà, a ɛ̀ndɛ ò erzòòkà ya Galìlì.

Yòwanìrzɛ̀ 4:54

Ène embànelì hvɛ yɔ̀ ndi è mà ùkirzɛ̀ hwèèmbànèlì hwehwakɛ ema Yerzù à mà gbèye, nà òma mɔ̀ à mà uhwɛlɛlɛ ò erzòòkà yà Jùdeyà rzìi à jà ò erzòòkà yà Galìlì.