Matiyò 4:11 - Mokpwe: Bakwery (New Testament)

¹¹ O èŋgànɛ̀lɛ̀ Mòkarzɛ̀ à mà hwɛmɛ Yerzù rzìi à ɛndɛ è yà eni. Aŋga ndi i aŋgèlì ì mà jè lì òŋgòwàna Yerzù.

Matiyò 4:11 Mawu Ofanana

Matiyò 26:53

O rza hwi nanù ema, na tànɛyi lì hwɛlɛ e Tatɛ̀ wa ami ò lì nò òŋgòwànà, ndèŋgànɛ̀lɛ̀ ò lìwòkimɛnɛ a nò òmeya lì aka lìyòme la matutà mà aŋgèlì nà mà hwàkɛ e?

Matiyò 4:6

Rzìi à mò òhwèyà nanù ema, “Ò hwèlì tɛ è Ŋmanà wà munyanà wà ama Lohwɛ̀, hvanja ò rze. Èhwanja è tìlahwì ò kààtì yà Lohwà nanù ema, ‘Lohwɛ̀ à ò kànèyà ì aŋgèlì jà eni ò lì ò nyàŋgà, iŋgi aŋgèlì ì ò hwànɛ ò ŋmanyu aŋga nanù ò rza àyɛ̀rzɛ̀ lìtàŋgà là aŋgɔ̀ ò lìŋyàyi.’”

Makòrzì 1:13

Yerzù à mà lìya ò mòrzanjɛ̀ menìmenì mè mènya, à mà kèkirzɛhwɛ nà Mòkarzɛ̀. À mà hwɛ aŋga nà inyàmà ja arzɛ ja waŋga. I aŋgèlì jà ama Lohwɛ̀ ì mà jà lì mò òŋgòwànà.

Lukàrzɛ̀ 22:43

Nà òmà Yerzù à mà hwɛ lì kanɛ̀, è aŋgèlì è mà uhweyà ò ŋmanyu yà Lohwà ò lì mò embɛ̀.

Lukàrzɛ̀ 22:53

Mamɛ ndeŋgàtɛ è rzi nò ŋgbàŋgɛ̀ ò Ndawò yà Lohwà e? Ì mà hwɛ ò Ndawò yà Lohwà wùnyà tɛ, ndi è rzi nò lɛ̀mbɛ̀, ndi lìrzàkò là anyu lì mà uka naŋgɛ. Jììtìtì ndi ì kànèyà naŋgɛ.”

Lukàrzɛ̀ 4:13

Nà òmà Mòkarzɛ̀ à mà kulɛ lì kèkirzɛ Yerzù manù màkèkìrzɛ̀nɛ mà arzɛ, rzìi à mò hwɛmɛ ò lì àrza è hvɛhvɛ hvònda.

Yòwanìrzɛ̀ 14:30

Nà rza òhwa hvɛ na inyɔ hvònda ema e wawi, èhwanja e mòkànèlì wà ene rze a hwèlì a ja. Mɔ̀ a rza nò hwɛnelì tɔ̀ ŋginyà.

1 Tìmotì 3:16

Lohwɛ̀ à mà jo gbeyà o lì hwiya nanù ema ŋmɛ̀ndì mo eni mo hwɛni wòlìto rzayi-rzayi. Nànù ndi mo hwèlì: Krirztò à mà jà, ndèŋgàna mɔ̀ à mà hwɛ ndi mòtò wa hwènàmà, Èlìŋgɛ̀ yà Wòtani e ma jo uŋmɛ̀lɛ̀ nanù ema a hwèlì ndi è Ŋmanà wà Mùnyanà wa ama Lohwɛ̀, ndeŋgànɛ̀lɛ̀ i aŋgèlì i ma mo ɛnɛ. Hwà mà ohweyà hwatò hwa arzɛ hwa ene rze ya mɔ̀nyɛ̀ ndèŋgànɛ̀lɛ̀ hwà mà mo lòkɛ̀. Lohwɛ̀ à mà mo hvùmùlɛ̀, à mà ɛndɛ o ŋmanyu ya Lohwà o tenì ya ŋmàye.

Hibrù 1:14

Hwa njɛnɛ rzɔ hwa hwèlì i aŋgèlì e? Rzeke hwa hwèlì ndi hwèlìŋgɛ̀ ema hwe gbèeyà Lohwɛ̀ e? Ndeŋgànɛ̀lɛ̀ Lohwɛ̀ à mà hwa oma o lì oŋgowàna hwatò ema hwa o luwɛ lìrzùŋgàhwa.

Hibrù 1:6

È hvonda ema Lohwɛ̀ à mà arze ò lì oma è Ŋmanà wà eni wà worzo ò ene rze à mà ohwa nanù ema, “Inyɛ̀ i aŋgèlì jà ami ja arzɛ i mò kanɛ̀.”