Matiyò 3:7 - Mokpwe: Bakwery (New Testament)

⁷ Nà òma Yòwanìrzɛ̀ à mà ɛnɛ rzayì-rzayì ja Hvàlìrzàyì nà Rzàdùrzì hwa jà ema à hwa lùhwìrzɛ̀, rzìi à hwa òhwèyà nanù ema, “Inyɔ hvèyi! Njɛnɛ à è kòkòhwɛ̀lɛ̀yi nanù ema è hwaŋgè è kɔ̀kìrzɛ̀ yà ama Lohwɛ̀ ema è jà e?

Matiyò 3:7 Mawu Ofanana

Matiyò 12:24

Ndi e hvònda ema Ihvàlìrzàyì i ma hwèye nanù ema, hwa ma òhwa nanù ema, “Rzekɛ à gbeyànà ndi è wònjà yà èlìŋgɛ̀ ya ama Bɛ̀lrzɛ̀bùlì ema a hwèlì e mòkànèlì hwa hwèlìŋgɛ̀ hwe wòhwe ò lì ulɛ hwèlìŋgɛ̀ hwe wòhwe ò inyò ja hwatò e?”

Matiyò 12:34

Inyɔ ini hvèyi! Nɛ inyɔ e tànɛyi lì òhwa eyà ya gbamù ema inyɔ hwiti è hwèlì wòhwe e? Èhwanja, hweyà ema hwe òndi mòtò ò ŋmèma mò eni hwe ɔ̀ndi à wurzirzɛ ò wàna yà èni.

Matiyò 15:12

Hwà-òkòwèlì hwa eni rzìi hwa mò ijòwà nanù ema, “O hwi nanù ema hwèyòhwèlì hwe aŋgɔ̀ hwe tàtìrzɛ̀ Ihvàlìrzàyì mèèmà me awu e?”

Matiyò 16:1

Lòŋgò la Hvàlìrzàyì na i Rzàdòrzi hwa mà jèeyà Yerzù. Hwà mà arza lì mò kpɛ njɔ̀mì, ò èŋgànɛ̀lɛ̀ hwà mà mò ijòwa ema a hwa uŋmɛ̀lɛ̀ èmbànèlì ema e uhwɛlɛlɛ ò ŋmanyu yà lohwà.

Matiyò 16:6

Yerzù rzìi a hwa òhweyà nanù ema, “È àŋgòhweyà ehwìndi yà Ihvalìrzàyì nà Irzàdùrzì.”

Matiyò 22:15

O ma hwɛ wùnyà wɔ̀kɔ ema Ihvàlìrzàyì i ma lìya ò wòlìya wò lì weka ŋmanò mò lì lɛ̀mbɛ Yerzù ò nyòla hwèyòhwèlì hwe eni.

Matiyò 22:23

O wòŋgò wùnyà mɛnɛ, lòŋgò la i Rzadurzi hwà mà jèeya Yerzù. I Rzadurzi i lòkɛ̀ nanù ema ò rza enje tɔ̀ hwèhvùmùwelì.

Matiyò 22:34

Nà òma ema hweyàhwè na Ihvàlìrzàyì ema Yerzù à mà umba i wàna ja i Rzadurzi, rzi hwa arzàŋganɛ èki yɔ̀kɔ.

Matiyò 23:33

Inyɔ manù màahwa! Yòma lìtumba la hvèyi! Nɛ e ɔ̀ŋgɛ̀lɛ̀yi ema e tànɛyi lì hwaŋga e kɔ̀kìrzɛ̀ ya èhvɔ̀ndì ya mùnya ema mò rza mòkòna e?

Matiyò 5:20

O èŋgànɛ̀lɛ̀ rzɔ, na e òhwèyà nanù ema natɛ̀ɛ inyɔ è gbèèyà Lohwɛ̀ lì aka Ihvàlìrzàyì, nà Hwà-òkòlèlì hwa mbenda, inyɔhvɛ è rza ò kpèèyà a kpèèyà ò Likànèyà là è ŋmanyu yà lohwà.”

Makòrzì 12:13

O èhvɛhvɛ hvònda hwahvɛhvɛ Hvàlìrzàyì nà e hwa èhvehva ya ama Hɛ̀rɔ̀dì, hwa mà òmahwa ò lì arzana Yerzù màtonà ò lì mò lɛ̀mbɛ.

Makòrzì 12:18

Lòŋgò la Irzàdùrzì hwà mà jèeyà Yerzù. Hwa mà lòkɛ ema ò rza enje tɔ̀ Hwehvùmuwelì. Rzìi hwa òhwa nanù ema,

Makòrzì 8:15

Yerzù rzìi a hwa kòkòwɛ̀lɛ̀ nanù ema, “È àŋgòhweyà ehwìndi yà Ihvalìrzàyì nà è yà ama Hɛ̀rɔ̀dì.”

Lukàrzɛ̀ 16:14

Ihvàlìrzàyì ì mà hweye hwenè hwèyòhwèlì hwe àrzɛ hwe ama Yerzù, rzìi hwa arzɔmbìyɛ̀ èhwanja hwa mà lìŋgàna màlì, rzayì-rzayì.

Lukàrzɛ̀ 18:11

“È Hvàlìrzàyì è ma tɛ̀mɛ̀ ò ŋmanyu rzìi e kànɛ ò ŋmèma mò eni nanù ema, ‘Ìi Lohwɛ̀ nà rzòmì, èhwanja nà rza enje nàa hwanɛ̀yi hwatò ema hwa hvùmànà hwatò hweemà, hwa lɔ̀kɔ̀ hwanɛ̀yi, è wɔ̀ hwa mòrzònje ò màhwa. Nà ò rzòmì èhwanja nà rza ènje nàa ò nò mòrzàŋgèlì wà è njàŋge yà lìkànèyà.

Lukàrzɛ̀ 7:30

Ndi Ì Hvàlìrzàyì nà hwà-òkòlèlì hwa mbenda hwa rzi emeyà lìkàkɛ̀nɛ la ama Lohwɛ̀ èhwanja hwà mà rzɔ̀rzɔ̀ lì lùhwìrzɛ̀ lì ama Yòwanìrzɛ̀).

Yòwanìrzɛ̀ 1:24

Ihvàlìrzàyì ndi ì mà òma hwaŋga hwatò ema hwa mà ɛndɛya Yòwanìrzɛ̀.

Yòwanìrzɛ̀ 8:44

È hwèlì ndi e hwa ama e rzàŋgò ya anyu, Mòkarzɛ̀, ɔ̀ndeŋgàtɛ̀ e arza ndi lì òndìrzɛ̀ e nyɔ̀ŋgi ya eni. Mɔ̀ à mà hwɛ ndi mòòŋwèlì natɛ̀ɛ na ò hwewòtelì. A rza alɛ̀mbɛnɛ ò jɔ̀kɛ̀, èhwanja a rza òhvi jɔ̀kɛ̀. Mɔ̀ a kɔ tɛ hweyà, a òhwa ndi e mbɔrzi ya eni ya mbòwà. Èhwanja mɔ̀ à hwèlì ndi mòtò wa mòlàŋgà, ndèŋgànɛ̀lɛ̀ a hwèlì ndi e rzàŋgò ya mòlàŋgà.

Yòwanìrzɛ̀ 9:40

Lòŋgò là Ihvàlìrzàyì hwà mà hwɛ aŋga na mɔ̀, hwà mà hwèya na òma Yerzù à mà òhwe hwenè hweyà rzìi hwa mò ijòwa nanù ema, “I lòkɛ̀ nanù ema jànda ja ene mbɔrzi i rza òhwi ndi nanù ema irzɔ hvɛ i hwèlì ndima e?”

Hwègbèèlì 15:5

Ndi tɔ̀ nanù, lòŋgò la hwàlòkèlì ema hwà mà hwɛ ò ehvehva ya Hvàlìrzàyì hwà mà tɛ̀mɛ̀ ò ŋmanyu rzìi hwa òhwa nanù ema, “Hwàŋga hwatò ema hwa rza enje wònyà Yudà ema hwa lòkɛ̀ Yerzù, hwa àŋgàmɛ̀nɛyi lì endàhwa, na lì òhwahwɛlɛ ò lì ika imbenda ja ama Mòrzè.”

Hwègbèèlì 20:31

O eŋgànɛ̀lɛ̀ rzɔ inyɔ e wòwe hvònda ò lì ɔ̀ŋgɛ̀lɛ̀ nanù ema nà mà hwɛ lì òkòlɛ inyɔ hwa arzɛ ò tenì ya ŋmerze na wuu, ò hvòka ya meya meyawò ò tenì ya lìtake.

Hwègbèèlì 26:5

Wɔ̀ hwà mà nò hwiya hvòka hvònda ema e wawi ndeŋgànɛlɛ wɔ̀ hwa lìŋgànì tɛ, wɔ̀ hwa tànɛyi lì nò tɛmeya mbòŋgi nanù ema natɛ̀ɛ na ò hwèwòtelì nà mà hwɛ ndi mòtò wa ehvahve ema a òŋgama hweyà hwe ama Lòohwà la arzu ò mburza nyàyi ema e hvòmɛ̀nɛ̀ kɔ̀yi-kɔ̀yi. Nà hwe òŋgama ndi nàa e mòtò ema a hwèlì ò ehvehva ya Hvàlìrzàyì a àŋgàmɛ̀nɛ̀yi lì gbeyà.

Hwègbèèlì 5:17

O eŋge hvònda, e Pìlìrzì e Kàrzàmi na hwèyòrzà hwe eni hwe arzɛ, hwatò hwa ehvehva ya Irzàdùrzì, hwà mà nòneyà i àpɔ̀rzìtòlò na ŋginyà.

Ròmànì 1:18

Hwètàtò hwe ama Lohwɛ̀ hwe awuluhwɛyi lì anjiya ò ŋmanyu yà lohwà, lì teŋgɛ̀nɛ̀ wòhwe hwa arzɛ ema hwatò hwa gbeyà nà hweyà hwe wòhwe hwe arzɛ ema hwatò hwa gbeyà. Hweŋge hweyà hwe wòhwe hwe iŋgà hwatò ò lì nɔ̀ŋgɔ è jɔ̀kɛ̀.

Ròmànì 5:9

Je imanɛlɛhwɛyi na Lohwɛ̀ èhwanja màyija ema Yerzù a jò kòmelì. È hwèlì tɛ nanù ema màyija ema Yerzù a jò kòmelì mɔ̀ ndi ma jò gbèyi nanù ema Lohwɛ̀ a jò emeyà ò wòrzò wò eni. Rzeke ene e jò uŋmɛ̀lɛ̀ nanù ema Krirztò a ò jò òŋgirzɛ ò hwètàtò hwe ama Lohwɛ̀ e?

1 Tɛ̀rzàlonìyà 1:10

Hwa ohwa hvɛ nà oma inyɔ è ambɛ̀lɛ̀lɛ̀ hwèjèelì hwe è Ŋmanà wà ama Lohwɛ̀ ema à uwɛ̀lɛ̀lɛ̀yi ò ŋmanyu yà lohwà. Oŋgo Ŋmanà wà ama Lohwɛ̀ Yerzù, ema à jò rzùŋgi ò è kɔ̀kìrzɛ̀ yà ama Lohwɛ̀ ema è jà, mɔ̀ ndi Lohwɛ̀ à mà hvùmùlɛ̀.

Hibrù 11:7

Lìlòkɛ̀ ndi lì ma gbeyà ema Nowà a hweyàne Lohwɛ̀ na oma Lohwɛ̀ à mà mo òhweyà hweyà ema hwe o gbèyɛ̀nɛ o hvonda ema e o jɛ̀ɛ̀. Tɔ̀ nɛ o eŋge hvonda mɔ̀ à rza ɛnɛ hweŋge hweyà na mìirzɔ̀ ma eni, ndi mɔ̀ à mà gbeyà hweŋge hweyà ema Lohwɛ̀ à mà mo òhweyà ema a gbeye. A ma oŋga wɔ̀lɔ wo ndɛnɛ. O tenì ɔ̀ndi mɔ̀ à mà kpeyaneya lìtumba la eni la arzɛ ndèŋgàna wɔ̀ hwà mà rzùŋgàhwa e hvonda ema màlìhwà ma mà onde e rze ya arzɛ rzìi hwèèmà hwe arzɛ hwe inda. Nà oma Nowà à mà gbèyi nanù e ma awuŋmɛ̀lɛ̀ nanù ema hwatò hwa arzɛ hwa e rze ya mɔ̀nyɛ̀ hwà mà hwɛ wòhwe. Ndi lìlòkɛ̀ ema Nowà à mà hwɛnɛ lì ma gbeyà ema Lohwɛ̀ a mo wowa nàa mòtò ema a tɛmi ehve-ehve.

Hibrù 6:18

Lohwɛ̀ à mà ŋgbà hwene hweyà hweahwàkɛ ema hwe rza tanɛ lì àyèŋgowɛ̀, ehwànja Lohwɛ̀ a rza kɔ̀ɔ hweyà. A ma jo ŋgba yòombò na lìkàkɛ̀nɛ. A ma gbeyà ndi nanù, aŋga nanù irzɔ ema i lɛmbi lìni lìkàkɛ̀nɛ na màyìmbi jo o rzulɛhwɛ, na o lì àhvìtɛ̀ o hwèèmà ema mɔ̀ à ohwi nanù ema a o jo ŋgba.

1 Yòwanìrzɛ̀ 3:10

Nànù ndi irzɔ ì hwɛni lì hwiya njɛnɛ hwàànà hwa ama Lohwɛ̀ hwa hwèlì, nà njɛnɛ hwàànà hwa ama Mòkarzɛ̀ hvɛ hwa hwèlì, tɔ̀ njɛnɛ ema à rza gbèyɛ mamɛ ema è hvomɛ̀nɛ̀yi à rza enje è ŋmanà wà ama Lohwɛ̀. Ŋgànà hvɔ̀kɔ hvɛ nà tɔ̀ njɛnɛ ema à rza lìŋgànɛ̀ ŋmanyàŋgò tɔ̀ è ndomɛ̀ yà eni.