Matiyò 3:6 - Mokpwe: Bakwery (New Testament)

⁶ Nà òma hwaŋga hwatò hwa mà purzɛ̀lɛ̀ wòhwe wò awu, rzìi Yòwanìrzɛ̀ à hwa lùhwìrzɛ̀ ò mòrzò mò Jɔdànì.

Matiyò 3:6 Mawu Ofanana

Matiyò 3:11

Imba nà è lùhwìrzɛ̀ nà malìhwa ò lì uŋmɛ̀lɛ̀ nanù ema è mà ayèŋgòwɛ̀ ò wòhwe wò anyu. Ndi òhvɛhvɛ mòtò à hwèlì à jà ema à nò akàyi. Ema imba nà rza ukɛ hvɛ tɔ̀ mòtò ema à tanɛ lì hwànɛ hwètàmbì hwe eni. Mɔ̀ à è lùhwìrzɛ̀ ndi nà Èlìŋgɛ̀ yà Wòtani nà mùùnya.

Makòrzì 1:5

Hwatò hwa mà uhwɛlɛlɛ ò erzòòkà yà arzɛ yà Jùdeyà, nà ò mbòwà ndɛ̀ɛ̀ndɛ̀ yà Jèrurzalɛ̀mù, hwa mà wurza lì mò òkànèyà. Nà òma hwaŋga hwatò hwa mà purzɛ̀lɛ̀ wòhwe wò awu, rzìi Yòwanìrzɛ̀ à hwa lùhwìrzɛ̀ ò mòrzò mò Jɔdànì.

Lukàrzɛ̀ 1:16

A ò tìmbirzɛ mèèmà me rzayì-rzayì ja wònyà Irzàyɛ̀lì ò ma Rzàŋgò, ema a hwèlì Lòohwà la awu.

Lukàrzɛ̀ 3:16

Yòwanìrzɛ̀ rzìi à hwa alàhwɛ̀ hwa arzɛ nanù ema, “Nà è lùhwìrzɛ̀ naŋgɛ nà màlìhwa, ndi òŋgò ema à kàrzàmi lì nò aka à ò jà, ema nà rzà ukì hvɛ tɔ̀ òŋgò ema à tànɛyì lì wùnduwa mèèrzìŋgà mè hwètàmbì hwe eni. Mɔ̀ à è ò lùhwìrzɛ̀ ndi nà Èlìŋgɛ̀ yà Wòtani nà mùnya.

Hwègbèèlì 1:5

Yòwanìrzɛ̀ à mà lùhwìrzɛ̀ ndi nà malìhwa ndi ò ŋgùrzu jà mèènyà ema mè ò jɛ̀ɛ̀ è lùhwìrzɛ̀hwɛ̀ ndi nà Èlìŋgɛ̀ yà Wòtani.”

Hwègbèèlì 11:16

Àŋga ndi nà à ɔ̀ŋgɛ̀lɛ̀ hweyà ema Rzàŋgò mɔ̀ à mà òhwe nanù ema, ‘Yòwanìrzɛ̀ à mà lùhwìrzɛ̀ ndi nà malìhwa, ndi inyɔ è ò lùhwìrzɛ̀hwɛ̀ ndi nà Èlìŋgɛ̀ yà Wòtani.’

Hwègbèèlì 19:18

Rzayi-rzayi ja hwaŋga ema hwà mà lòkɛ̀yì hwà mà jà, rzìi hwa purzɛlɛ ò mòte wòhwe wò arzɛ ema hwà mà gbeyɛ.

Hwègbèèlì 22:16

O naŋgɛ rzɔ, mamɛ ò wa ò hwèlì ò lì ambɛ̀lɛ̀ e? Tɛ̀mɛ̀nɛ̀ ò ŋmanyu ò emeyà nanù ema Yerzù a hwèlì ndi Rzàŋgò ya aŋgɔ̀, ndèŋgànɛlɛ hwa ò lùhwìrzɛ̀. Ène eyà e gbeyà Lohwɛ̀ a ò rzòrza wòhwe wò àŋgɔ.’”

1 Kɔ̀rintìyà 10:2

Nà oma hwà mà hwɛ o rze yà lìmbàki, ndèŋgàna na oma hwà mà akeyà o tenì ya ŋmanjà mo teyàa, e ma hwa gbeyà wɔ̀ hwa mà lùhwìrzɛ̀hwɛ̀ rzi hwa nɔ̀ŋgɔ Morzè.

Kòlòrzìyà 2:12

È hvonda ema è mà lùhwìrzɛ̀hwɛ̀, è mà hwɛ ndi nàa è mà ŋwa, hwa imeya, rzìi Lohwɛ̀ à è hvùmùlɛ̀ nà Krirztò. Ène eyà è mà è gbèyɛ̀nɛ nanù ehwànja è mà lòkɛ̀ nanù ema, è ŋginyà yà ama Lohwɛ̀ ema è mà hvùmùlɛ̀ Krirztò è ò è hvùmùlɛ̀ inyɔ hvɛ.

Hibrù 6:2

Hwa okolɛ hwatò lì hvomɛ̀nɛ̀ lìlùhwìrzɛ̀, na lì hvomɛ̀nɛ̀ lì hwàkɛ la màa o meyohvo me hwatò, ndèŋgànɛ̀lɛ̀ i hwi nanù ema hwa àŋgàmɛ̀nɛ̀yi lì okolɛ hwatò lì hvomɛ̀nɛ̀ hwèhvùmùwèlì hwe kpèelì, na lì hvomɛ̀nɛ̀ hwèkàyìrzèlì ema hwe hwèlì natɛ̀ɛ na o gbìndèyà.

Hibrù 9:10

Ini mbenda ja arzɛ i ma hwɛ ndi mbenda ja hwèlèèlì na hwènyɔ̀ɔ̀nì na hwehvɛhvɛ hweyà rzayi-rzayi ema hwatò hwà mà gbeeye o lì arzàŋgìrzɛ̀ wɔ̀ hwiti. Ini mbenda ja arzɛ i hwèlì ndi imbenda ja e nyàma ya nyo ema jo o kuwɛ e hvonda ema Lohwɛ̀ a o rzèeya hweyà hwe arzɛ.

Jèmìrzì 5:16

O eŋgànɛ̀lɛ rzɔ, e àpùrzɛ̀lɛ̀nɛ̀ wòhwe hwa anyu mɔ̀kɔ na ɔ̀nɛyi ndèŋgànɛ̀lɛ̀ inyɛ tɔ̀ ima mòtò a kànɛlɛlɛ ŋmanyàŋgò wa eni, aŋga nanù inyɔ hwa arzɛ e wɔ̀wìrzɛ̀hwɛ. Màkanɛ̀ ma e mòtò ema a gbeyà hweyà hwe jɔ̀kɛ̀ o worzo wo ama Lohwɛ̀ hwe imbami rzàyi-rzàyi, ndèŋgànɛlɛ ma ɛndeya.

1 Pètrò 3:21

Ndeŋgànɛ̀lɛ̀ manù malìhwà mà tɛmelì ndi lìlùhwìrzɛ̀. O naŋgɛ, lìŋgi lìlùhwìrzɛ̀ lɔ ndi lì gbèyi ɔ̀ndeŋgàtɛ̀ hwatò hwa rzùŋgahwì o lì akeyà na e ŋginyà ya hwèhvùmuwèlì hwe ama Yerzù Krirztò. Lìlùhwìrzɛ̀ lì rza enje ndi o lì ulɛ la ŋmiŋgo ò nyo, ndi lì hwèlì ndi o lì emeyà o lì gbèeyà Lohwɛ̀ na ŋmèma mo rzàŋgi.

1 Yòwanìrzɛ̀ 1:9

Ndì i purzɛlɛyi tɛ wòhwe wo arzu, mɔ̀ à ondìrzɛ̀ lì kàkɛ̀nɛ̀ la eni ndèŋgànɛ̀lɛ̀ a lì gbeyà o ŋgànà ema e hvomɛ̀nɛ̀yi. Mɔ̀ a o jo làkìrzɛ̀ wòhwe wo arzu, ndèŋgànɛ̀lɛ̀ a jo rzorza wòhwe wo arzu wo arzɛ.