Matiyò 3:2 - Mokpwe: Bakwery (New Testament)

² “È rzɔnjɛ̀lɛ̀ hwègbèèlì hwe anyu hwe wòhwe, èhwanja lìkànèyà là ama Lohwɛ̀ lì mà kòmbɛ̀nɛ̀.”

Matiyò 3:2 Mawu Ofanana

Matiyò 10:7

È ɛ̀ndɛ, na òma e ɛndɛ, e òhwe ŋmɛ̀ndì nanù ema, ‘Lìkànèyà la e ŋmanyu yà lohwà lì ma kòmbɛ̀nɛ̀.’

Matiyò 11:20

Hwatò ema hwa ma hwɛ ò màmbowà ema Yerzù à mà gbeeya hweyà hwe mànyakà rzayi-rzayi wɔ̀ hwa rzìi kìnyɛ̀lɛ̀ wòhwe wò awu. O èŋgànɛ̀lɛ̀ rzɔ Yerzù à mà wòteya lì hwa kanja,

Matiyò 12:41

O wùnyà wò hwèkàyìrzèlì hwatò hwa Nìnìhvɛ̀ hwa ò hvùmùwà ò rzɔ̀ŋgɔ̀ nà ène nyɔ̀ŋgɔ̀nì yà hwatò. Hwa ò tɛ̀mɛ̀ mbòŋgi ema è gbeyà ène nyɔ̀ŋgɔ̀nì yà hwatò è tuwà ŋmàŋgò, èhwanja hwatò hwa Nìnìhvɛ̀ hwa ma rzɔ̀njɛlɛ wòhwe wò awu è hvònda Jona a mà hwɛ lì hwa òhweyà Eyà ya Lohwà, ndi na òhweya e jɔ̀kɛ̀ nanù ema mòtò a hwèlì anu naŋgɛ ema à akayi Jona.

Matiyò 13:11

Yerzù rzìi a hwa alàhwɛ̀ nanù ema, “Lìhwiye la è wùndɛ̀ ya Lìkànèyà la ŋmanyu yà lohwà lì e ŋgbààhwi ndì inyɔ, ndi rzeketɛ ò hwahvɛhvɛ hwatò.

Matiyò 13:24

Yerzù à mà kpɛ̀ɛyà eŋge ŋgindi mòhvɛhvɛ ŋmàna nanù ema, “Likànèyà la ŋmanyu lì hwèlì ndi nàa mòtò ema à mà òna hvɔ̀ŋgɔ̀ ya gbamù ò mòònda.

Matiyò 13:31

Yerzù à mà kpɛ̀ɛ̀yà eŋge ŋgindi mòhvɛhvɛ ŋmàna nanù ema, “Likànèyà là ŋmanyu lì hwèlì ndi nàa ŋmanà hvɔ̀ŋgɔ̀, ema mòtò a wòwi rzi a òni ò mòònda mò eni.

Matiyò 13:33

Yerzù rzìi a hwa kpɛ̀ɛyà hvɛ mònò ŋmàna nanù ema, “Lìkànèyà la ŋmanyu lì gbèyi ndi nàa èhwindi ema mòlanà a hvuŋguwani mèyɔnjɔ me hvìlawà meyawò natɛ̀ɛ me ita ò lì gbèyanɛhwɛ.”

Matiyò 13:47

Yerzù à mà kpɛ mòhvɛhvɛ ŋmàna nanù ema, “Lìkànèyà la ŋmanyu lì hwèlì ndi nàa e mbunja ema hwatò hwa mòrzòmbò hwa kòma ò malìhwa rzìi e lɛ̀mbɛ i nyayi ja nyàmà ja arzɛ.

Matiyò 13:52

O èŋgànɛ̀lɛ̀ à mà hwa timbirzɛlɛlɛ ama, “Mòòkòlèlì hwa mbenda ema à mà jɛ̀ɛ̀ ò lì hwɛ mòòkòwèlì wa lìkànèyà la ama Lohwɛ̀, a hwèlì ndi nàa e mòhwɛnɛ wa ndawò ema a ulɛ hwema hwehvènya na e hwe mbòlòwa ò tùu ya eni ya lùùtà.”

Matiyò 18:23

O èŋgànɛ̀lɛ̀ rzɔ nanù ndi e hwèlì ò lìkànèyà là è ŋmanyu yà Lohwà. Lohwɛ̀ a kànèyà ndi nàa kiŋgɛ ema e hwɛlɛ hwàgbèelì hwe eni ema hwa kɔ̀ke wòlì ema tɔ̀ ima mɔ̀ wà awu a etàhwà.

Matiyò 20:1

Yerzù à mà kpɛ ŋmàna nanù ema, “Likànèyà la ama Lohwɛ̀ lì hwèlì ndi nàa mòtò ema a òhvi e wàŋga ya eni, ema à mà akɛlɛ lì wurza ò ndawò ekpa ya arzɛ lì ɛ̀ndɛ lì arza hwatò a aka ò lì mò gbèeyà èwòlò ò hvaya ya eni.

Matiyò 22:2

“Lìkànèyà là ŋmanyu yà lohwà lì hwèlì ndi nàa Kiŋgɛ hvɔ̀kɔ ema è mà òhweyà hwàgbèèlì hwa eni ema hwa rzèkeya e ndèma ya lìhwa la ama e ŋmanà wa eni wa mùnyanà.

Matiyò 23:13

Yerzù rzìi a òhwa nanù ema “Mòjema na inyɔ̀ Hwà-òkòlèlì hwa mbenda na inyɔ Ihvàlìrzàyì, e hwèlì ndi hwatò hwa mòlàŋgà! Inyɔ e umbana hwatò lìyòhva là lìkànèyà là ŋmanyu yà Lohwà aŋga nanù hwatò hwa rza kpeya. Tɔ̀ inyɔ hwiti e rza ò kpèeyà. È rza tànɛyi hvɛ lì hwɛmɛ tɔ̀ hwaŋga hwatò ema hwa hwèlì hwa keka lì kpèeyà ò lì kpèeyà.

Matiyò 25:1

Yerzù à mà kpɛɛ mɔ̀ hvɛhvɛ ŋmàna ò lì òhwa nanù ema, “Ò eŋge hvònda ema è Ŋmanà wà è Mòtò wà Hwènàmà à ò jɛ̀ɛ̀, lìkànèyà là ŋmanyu lì ò hwɛ ndi nàa lìyòmɛ̀ là mèyɔ̀mbɔ̀ mè ŋgɔ̀ndɔ̀ ema hwa mà wòwà hwètùlù hwe awu ò lì ɛ̀ndɛ lì ambɛlɛlɛ è mòhwayèlì ò lì ɛndɛ lì mò lìyɛlɛ.

Matiyò 25:14

Yerzù rzìi à hwatɛ ò lì òhwa nanù ema, “Ò eŋge hvònda lìkànèyà là ŋmanyu lì ò hwɛ ndi nàa mòtò mɔ̀kɔ ema à mà wòŋgirzɛnɛ ò lì ɛndɛ yɔ̀ndɔ̀. À mà hwɛlɛ hwàgbèèlì hwa eni rzìi à hwa lììyà erzaŋgò yà eni.

Matiyò 4:17

Lìwòtèyà è hvònda ema Yerzù à mà ɛ̀ndɛ ò erzòòkà ya Galìlì, Yerzù à mà wòteyà lì òhwa Eyà yà Lohwà nanù ema, “È rzɔnjɛ̀lɛ̀ hwègbèèlì hwe anyu hwe wòhwe, èhwanja Likànèyà la ama Lohwɛ̀ lì ma kòmbɛ̀nɛ̀.”

Matiyò 4:23

Yerzù à mà lìŋgòwa màmbòwà mà arzɛ mè èkòmè ya Galìlì, ò lì òkòlɛ̀ eyà yà Lohwà ò màndawò mà awu mà màkanɛ̀, nà lì òhwa hvɛ Ŋmɛ̀ndì mò Gbamù mò Likànèyà là ama Lohwɛ̀. À mà hwɛ hvɛ lì wɔ̀wìrzɛ̀ hwatò hwa arzɛ ema hwa mà ɔ̀kìrzɛ̀ nà inyayi ja nyàmbɛ ema hwa mà ɔ̀kìrzɛ̀.

Matiyò 5:10

Mònàmɛ̀ nà hwaŋga hwatò ema hwa ò hwɛnɛ mètàkà, èhwanja hwa gbèya mamɛ ema Lohwɛ̀ arza nanù ema hwa gbèèye. Hwa hwèlì ndi ò rze yà Likànèyà la ŋmanyu yà lohwà.”

Matiyò 5:3

“Mònàmɛ̀ nà hwatò ema hwa hwèlì mòlìrzà ò èlìŋgɛ̀, èhwanja hwa hwèlì ò rze yà Likànèyà la ama Lohwɛ̀.

Matiyò 6:10

Inyɛ̀ lìkànèyà là aŋgɔ̀ lì jèe, lì jò kànèyà. Inyɛ̀ hwatò hwà ene rze yà mɔ̀nyɛ̀ hwa gbèèyè hweyà ema ò wà ò arza, nà òma è gbèyɛ̀nɛ̀ ò ŋmanyu yà lohwà.

Matiyò 6:33

Ndi è lòmè lì arza hweyà hwe lìkànèyà là ama Lohwɛ̀ lì aka hweyà hwe arzɛ. Ndèŋgana è gbèèyè hvɛ mamɛ ema Lohwɛ̀ à arza nanù ema è gbèèyè. È gbèyi tɛ nanù, Lohwɛ̀ à è ŋgbà hwenɛyi hwèmà hwe arzɛ.

Makòrzì 1:15

“È hvònda è mà uka, Lìkànèyà là ama Lohwɛ̀ lì mà kòmbɛ̀nɛ̀. È rzɔnjɛ̀lɛ̀ hwègbèèlì hwe anyu hwe wòhwe, è lòkɛ̀ Ŋmɛ̀ndì mò Gbamù mò amà Lohwɛ̀.”

Makòrzì 1:4

Yòwanìrzɛ̀ à mà jà ò mòrzanjɛ̀ lì lùhwìrzɛ̀ hwatò, nà lì hwa òhweyà Eyà yà Lohwà nanù ema, “È rzɔ̀njɛlɛ hwègbèèlì hwe anyu hwe wòhwe, è lùhwìrzɛ̀hwɛ̀. Aŋga nanù Lohwɛ̀ à è làkìrzɛ̀ wòhwe wò anyu.”

Makòrzì 6:12

Hwa mà ɛ̀ndɛ rzìi hwa òhwa Eyà ya Lohwà nanù ema, “Hwatò hwa ayèŋgòwɛ̀ ò wòhwe wò awu.”

Lukàrzɛ̀ 1:16

A ò tìmbirzɛ mèèmà me rzayì-rzayì ja wònyà Irzàyɛ̀lì ò ma Rzàŋgò, ema a hwèlì Lòohwà la awu.

Lukàrzɛ̀ 11:20

Ndi nà òmà na gbeyàna ndi è ŋginyà yà ama Lohwɛ̀ ò lì hvayànà hwèlìŋgɛ̀ hwe wòhwe, e uŋmɛ̀lɛ̀ ema Lìkànèyà là ama Lohwɛ̀ lì ma è jèeyà.

Lukàrzɛ̀ 13:3

Jàyɛ̀! Nà è òhweyà ema, inyɔ hvɛ è rza hwɛmì tɛ wòhwe wò anyu lì tìmbeyà Lohwɛ̀ nanù òma inyɔ hwa arzɛ è kùwa lì ŋwa nàa wɔ̀.

Lukàrzɛ̀ 13:5

Jàyɛ̀! Nà è òhweyà ema, inyɔ hvɛ è rza hwɛmì tɛ wòhwe wò anyu lì tìmbeyà Lohwɛ̀ nanù òma inyɔ hwa arzɛ è kùwà lì ŋwa nàa wɔ̀.”

Lukàrzɛ̀ 15:10

Nà è òhweyà ema, nà i aŋgèlì ja ama Lohwɛ̀ ò ŋmanyu, ja òka mɔ̀nyɛ̀ŋgì lì hvòmɛ̀nɛ̀ mòtò mɔ̀kɔ wà wòhwe ema a ayèŋgòwɛ̀ ò wòhwe wa eni ò lì tìmba ò ma Lohwɛ̀.”

Lukàrzɛ̀ 15:7

Yerzù rzìi à hwàtɛ hvɛ lì òhwà nanù ema, “O ò hwɛ mɔ̀nyɛ̀ŋgì mò ndɛnɛ̀, ò ŋmanyu yà lohwà, ehwànja mòtò mɔ̀kɔ wà wòhwe à tìkòhwi hwɛ̀ɛ̀mɛ̀ hwe eni a timbi nà Lohwɛ̀. Òŋgò à akayi mènìlùùwà nà lùùwà mè hwatò ema hwa hwèlì ehve-ehve. Wɔ̀ hwa rza tànɛ̀yi hvɛ lì àyèŋgòwɛ̀.

Lukàrzɛ̀ 16:30

Èŋge èhwàŋgì ya mòtò rzìi ya òhwa nanù ema, ‘Jàyɛ̀ tatà Abràhamù kòkò, mòtò à ànji tɛ anù, ò èkòmè ya kpelì, rzìi a ɛ̀ndɛ lì hwa òhweyà, òma hwà mà atikòwɛ ò wòhwe wa awu, lì tìmba ò ma Lohwɛ̀.’

Lukàrzɛ̀ 21:31

Ŋgana hvɔ̀kɔ, e ɛni hvɛ tɛ hwèŋgè hweyà hwe àrzɛ hwe gbèyɛ̀nɛ̀, e hwiyè ndi nanù ema, Lìkànèyà là ama Lohwɛ̀ lì ma kòmbɛ̀nɛ̀.

Lukàrzɛ̀ 24:47

È tìlahwì nanù ema, hwatò hwa òhwe Ŋmɛ̀ndì mò Gbamù ò hwekòmɛ̀ hwe àrzɛ ema, hwatò hwa ayèŋgòwɛ̀ ò wòhwe wò awu ò lìinà la ama Yerzù, aŋga nanù Lohwɛ̀ a hwà làkìrzɛ̀ wòhwe wò awu. Hwa wòteya lì òhwa Ŋmɛ̀ndì mò Gbamù ò Jèrurzalɛ̀mù.

Lukàrzɛ̀ 6:20

Yerzù à mà ɔ̀ŋgɔ hwà-òkòwèlì hwa eni rzìi a hwa òhweyà nanù ema, “Mònàmɛ̀ mò hwɛ nà inyɔ mèlìrza me hwatò èhwanja è hwèlì ò rze yà Lìkànèyà là ama Lohwɛ̀.

Lukàrzɛ̀ 9:2

Rzìi à hwa òma ema hwa ɛ̀ndɛ hwa òhwe Ŋmɛ̀ndì mò Gbamù mò Lìkànèyà là ama Lohwɛ̀, nà lì wɔ̀wìrzɛ̀ hvɛ hwatò.

Hwègbèèlì 11:18

Lirzakò ema hwanɛ̀yi hwatò hwà mà hweye ene eyà, wɔ̀ hwà mà hwɛmɛ e ndandò ya awu na Pètrò rzi hwa wòteya lì eka Lohwɛ̀. Wɔ̀ hwà mà òhwa nanù ema, “Irzɔ i tànɛyi ò lì ɛnɛ nanù ema, Lohwɛ̀ a ŋgbèlì hvɛ hwanù hwatò ema hwa rza enje wònyà Yudà èŋge ehvòlò ya lì tikòwa ò wòhwè wò awu lì timba ò ma Lohwɛ̀ lì luwa lòŋgɛ la gbìndèyà.”

Hwègbèèlì 17:30

È hvònda ema hwatò hwa rzi hwiyɛ Lohwɛ̀, Lohwɛ̀ a rzi wòwe wòhwe wò awu nàa eyà. Ndi ò naŋgɛ mɔ̀ à òhweyà tɔ̀ ima mòtò ò hweki hwe arzɛ ò lì rzɔnjɛ̀lɛ̀ wòhwe.

Hwègbèèlì 2:38

Pètrò rzìi a hwa alàhwɛ̀ nanù ema, “Tɔ̀ ima mɔ̀ wa anyu a tikòwe ò hwɛ̀ɛ̀mɛ̀ hwe wòhwe a timbeya Lohwɛ̀ rzìi a lùhwìrzɛ̀hwɛ̀ ò lìna la ama Yerzù Krirztò, aŋga nanù Lohwɛ̀ a e làkirzɛ ò wòhwe wò anyu. Ndeŋgana Lohwɛ̀ a e ŋgba jàhwèyà ja eni ja Èlìŋgɛ̀ yà Wòtani.

Hwègbèèlì 20:21

Nà ma kòkòwɛ̀lɛ̀ hwatò hwa wònyà Yudà na hwatò ema hwa rza enje wònyà Yudà nanù ema wɔ hwa hwɛni lì tikòwa ò lì anjiya ò wòhwe wò awu lì timbeya Lohwɛ̀ na lì lòkɛ̀ hvɛ e Rzàŋgò ya arzu Yerzù.

Hwègbèèlì 26:20

Lì wòteyà aŋga nà mà wòteyà lì òhwa ŋmɛ̀ndì mò gbamù. Nà ma wòteyà ò mbòwa ndɛnɛ ya Dàmàrzkɔ̀rzì, rzìi na ɛndɛ o Jèrurzalɛ̀mù, ndèŋgànà na ɛndɛ ò hwèrzòòkà hwe arzɛ hwe Irzàyɛ̀lì na ò erzòòkà ya hwatò ema hwa rza enje wònyà Yudà. Nà ma hwɛ lì hwa òhweyà nanù ema hwa hwɛmɛ lì gbeyà wòhwe hwa timbeya Lohwɛ̀, ndeŋga nanù ema hwa gbèye hweyà ema hwe uŋmɛ̀lɛ̀ nanù ema wɔ̀ hwà mà hwɛmɛ wòhwe wò awu.

Hwègbèèlì 3:19

È àyèŋgòwɛ̀ rzɔ nàŋgɛ̀, ò wòhwe wò anyu e tìmbèyà Lohwɛ̀, aŋga nanù à è làkirzɛ̀ wòhwe wò anyu.

2 Kɔ̀rintìyà 7:10

O hwèlì tɛ mòtò ema a hweyi wòhwe na oma Lohwɛ̀ mɔ̀ à àrzeyà, oŋgo mòtò a tikòwè o lì gbeyà wòhwe na oma Lohwɛ̀ mɔ̀ à àrzeyà. Ène ndi e gbeyà ema oŋgo mòtò a kɔtɔ̀we, ene rzɔ e rza tàtìrzɛ̀ tɔ̀ mòtò. Ndi hwatò ema hwa lòkɛ̀yi Lohwɛ̀, ema hwa hweyà wòhwe èhwanja hwa hwèlì ndi hwatò hwa hwènàmà, e hwa gbeyà ema hwa ŋwe o èlìŋgɛ̀.

Kòlòrzìyà 1:13

Mɔ̀ à mà jò ulɛ̀ ò rze yà è ŋginyà yà lìkànèyà là jìtìtì, ndèŋgànà à mà jò jànà ò tenì yà lìkànèyà là ama è ŋmanà wà eni wà ndìŋgɛ yà màlìŋgò.

2 Tìmotì 2:25

O òkolɛ hwaŋga hwatò ema hwa o teŋgɛ̀nɛ, aŋga nanù wɔ̀ hwa hwiya nanù ema hweŋge hweyà ema wɔ̀ hwa ohwa lì o teŋgɛ̀nɛ hwe rza enje e jɔ̀kɛ̀. O hwa okolɛ tɛ o hwa ajùlɛ̀nɛ̀, o hwɛni lì hwɛnɛ lìhvìtà nanù ema Lohwɛ̀ a gbeyà ema hwa embɛ lùùrzè la awu aŋga nanù hwa a eŋgohwɛ̀, ndèŋgàna hwa rzɔŋgìtɛ̀nɛ̀ e jɔ̀kɛ̀ ya mamɛ ema eyà ya Lohwà e ohwa.

Hibrù 6:1

O eŋgànɛ̀lɛ̀ rzɔ, inyɛ je ɛ̀ndɛ̀nɛ̀ lìlòkɛ̀ la arzu o worzo, nàa hwatò ema hwà mà màa lì hwiya eyà. I rza àŋgàmɛ̀nɛ̀ o lì wowa hvonda hvɛ o lì okowa hweyà ema hwà mà jo okolɛ̀ lì hvomɛ̀nɛ̀ Krirztò o hwèwòtelì. I ma màa lì okowa, ndèŋgànɛ̀lɛ̀ irzɔ i hwi nanù ema hwatò hwa àŋgàmɛ̀nɛ̀ lì àyèŋgowɛ̀ o lì hwɛmɛ lì gbeyà hweyà hwe wòhwe ema hwe jànà e kpelì. Ndeŋgànɛ̀lɛ̀ i ma màa lì hwiya nanù ema hwa àŋgàmɛ̀nɛ̀yi lì lòkɛ̀ Lohwɛ̀.

2 Pètrò 3:9

È Rzàŋgo e rza ɛndɛ ndi hviyayi, o lì gbeyà mamɛ ema mɔ̀ à kàkɛ̀nɛyi. Lòŋgo la hwatò hwa ɔ̀ŋgɛlɛ nanù ema mɔ̀ à hwèlì hviyàyi. Ndi à mà e àjùlɛ̀nɛ̀ ehwànja mɔ̀ à rza arza nanù ema tɔ̀ mòtò tɔ̀ mɔ̀kɔ a wɔ̀lɛnɛ lòŋgɛ la eni. A arza nanù ema hwatò hwa arzɛ hwa tikowe o wòhwe hwa awu.

Hwèwulùwèlì 2:21

Nà mà mò ŋgba hvonda ema à àyèŋgowɛ̀ ò wòhwe wò eni, ndi à rza arza lì hwɛmɛ mòrzònje mò eni.

Hwèwulùwèlì 2:5

Ò eŋgànɛlɛ rzɔ, inyɔ hwiti è ɔ̀ŋgɔ tɛ è ŋgànà ema inyɔ hwiti è kpɛ̀lɛ̀lɛ̀yi. È hwɛmɛ hwɛ̀ɛmɛ̀ hwe anyu hwe wòhwe è wòteyà lì gbeyà hweyà ema è mà hwɛ lì gbeyà è hvonda ema è mà wòteyà lì oŋgama Yerzù. È hwèlì tɛ nanù ema inyɔ e rza hwɛmi tɛ hwɛ̀ɛmɛ̀ hwe anyu hwe wòhwe, eŋge ŋgànà e hwèlì ndi nanù ema imba na e jèeya rzìi na e ulɛnɛ e mboko ya anyu ya etùlù o èki ya eni ema e tɛ̀mɛ̀.