Matiyò 3:14 - Mokpwe: Bakwery (New Testament)

¹⁴ Ndì Yòwanìrzɛ̀ à mà keka lì mò gbèya nanù ema à eŋgòwe ŋmèma mò eni, rzìi à mò òhwèyà nanù ema, “Nà òma è hwèlì ndi nanù ema ò wà ndi ò hwɛnì lì nò lùhwìrzɛ̀, mamɛ ndeŋgatɛ ò nò jèeya ema nò lùhwìrzɛ̀ e?”

Matiyò 3:14 Mawu Ofanana

Matiyò 3:13

Naŋgɛ Yerzù à mà uhwɛ̀lɛ̀lɛ ò erzòòkà ya Galìli à ɛndɛ òma Yòwanìrzɛ̀ ò mòrzò mò Jɔdànì aŋga nanù à mò lùhwìrzɛ̀.

Matiyò 3:15

Yerzù rzìi à mò tìmbirzɛ̀lɛ̀lɛ̀ nanù ema, “Inyɛ̀ è hwɛ nanù ò naŋgɛ. Ò lɔ̀wu ema ì gbèèye ene eyà naŋgɛ nà òma Lohwɛ̀ arza.” Yòwanìrzɛ̀ rzi à emèyà ò lì mò lùhwìrzɛ̀.

Lukàrzɛ̀ 1:43

Mamɛ ndeŋgàtɛ nà ŋgbàahwì èluhwe nanù e? Nɛ è nyàŋgò yà ama e Rzàŋgò e hwɛnì lì nò jèeya e?

Yòwanìrzɛ̀ 1:16

Nà òma mɔ̀ à òndi nà ndèli, ò èŋgànɛ̀lɛ̀ irzɔ hwa arzɛ ì lu mònàmɛ̀ mɔ̀kɔ, mɔ̀kɔ nà ɔ̀nɛyi.

Ròmànì 1:13

Wònyamòwè kòkò, nà lìŋgàna nanù ema è hwiye nanù ema, nà mà òhva mɔ̀ŋgɛ̀lɛ̀ rzayi-rzayi ja ŋgelì ò lì jà lì è ɛnɛ ndi nàtɛ̀ɛ nà nàŋgɛ è njiya è rzi lìhvòhwèlì. Nà lìŋgàna lì jà aŋga ò lì gbeyà èwòlò ò ìtììtènì jà anyu ema è ŋyàa hwehvùma nyàyi hvɔ̀kɔ nà òma nà mà gbèeyà hvɛ hwahvɛhvɛ hwatò ema hwa rza enje wònyà Yudà.

Ròmànì 3:23

Hwatò hwa arzɛ hwà mà gbeyà wòhwe, tɔ̀ mòtò a rza kànɛ lì luwa èluhwe ya ama Lohwɛ̀.

Ròmànì 3:25

Lohwɛ̀ à mà ŋgbà Yerzù nàa jàhwèyà ò lì e ŋwèeyà. Ndèŋgana hwatò hwa ò làkìrzɛ̀hwɛ̀ èhwanja hwa mò lòkɛ̀yì. Lohwɛ̀ à mà gbeyà ndi nanù ò lì uŋmɛ̀lɛ̀ hwatò hwa arzɛ kɔ̀yi-kɔ̀yi nanù ema, a gbeyà hweyà ŋgàna ema e hvòmɛ̀nɛ̀. O e hvònda kòhwa Lohwɛ̀ à mà àjùlɛ̀ na hwatò, a rzi kɔ̀kìrzɛ̀ hwatò ema hwa gbeyà wòhwe.

Gàletìyà 3:22

Ndi Eyà yà Lohwà è ohwa ndi nanù ema è rze yà arzɛ è hwèlì ndi ò rze yà ŋginyà yà wòhwe, ò eŋgànɛ̀lɛ̀ rzɔ, jàhwèyà ema Lohwɛ̀ à mà ohwe nanù ema à ŋgba, à mà ji ŋgba hwatò ema hwa lòkɛ̀yì Yerzù Krirztò.

Gàletìyà 4:6

Nà oma e hwèlì ndi hwàanà hwa ama Lohwɛ̀, eŋge eyà e ma gbeyà Lohwɛ̀ o lì jo òmeya Èlìŋgɛ̀ ya ama Ŋmanà eni o mèèmà me arzu. Èŋge Èlìŋgɛ̀ e ma gbeyà ema nàŋgɛ i hwɛlɛ Lohwɛ̀ nanù ema, “Ìi Tatɛ̀.”

Hibrù 7:23

Ipìlìrzì ja koohwa i ma koka, ehwànja e kpelì e ma gbeyà ema hwa rzi tanɛ o lì ɛ̀ndɛ̀nɛ̀ èwòlò o worzo.