Matiyò 3:1 - Mokpwe: Bakwery (New Testament)

¹ O mburza hvònda, Yòwanìrzɛ̀ è Mòlùhwìrzèlì à mà jà ò mòrzanjɛ̀ mò è mbòwà yà Jùdèyà rzìi à wòteyà lì òhwa Eyà yà Lohwà. Rzìi mɔ̀ à òhwèyà hwatò nanù ema,

Matiyò 3:1 Mawu Ofanana

Matiyò 11:11

Nà è òhweyà nà è jɔ̀kɛ̀ nanù ema, ò hwaŋga hwa arzɛ ema hwa ma lìya anù rze ya mɔ̀nyɛ̀, ò rza enje tɔ̀ mɔ̀kɔ ema a akayi Yòwanìrzɛ̀ è Mòlùhwìrzèlì. Ndi tɔ̀ e mɔ̀ ema a hwèlì e Njùŋgɛ̀ ò Lìkànèyà la ama Lohwɛ̀, a akayi Yòwanìrzɛ̀ wòlìtò.

Matiyò 11:7

È hvònda ema hwà-òkòwèlì hwa ama Yòwanìrzɛ̀ hwà mà hwɛ lì timba, Yerzù rzìi a wòteyà lì òhweyà è ŋgìndì lì hvòmɛ̀nɛ̀ Yòwanìrzɛ̀. À ma hwa ijòwa nanù ema, “È hvònda ema e ma anjiye lì ɛndɛ lì ùŋmanɛ̀lɛ̀ Yòwanìrzɛ̀ ò mòrzànjɛ̀, mamɛ inyɔ e mà ɔ̀ŋgɛ̀lɛ̀ nanù ema è ma ɛnɛ e? È mà ɛnɛ ndi yàlì ema è mbɛ̀hvɛ̀nì e nyìŋgìrzɛ̀nɛ̀ e?

Matiyò 16:14

Rzìi hwa mò alàhwɛ̀ nanù ema, “Lòŋgò hwa òhwa nanù ema ò hwèlì ndi Yòwanìrzɛ̀ è Mòlùhwìrzèlì. Hwanɛ̀yi hvɛ hwa òhwa nanù ema ò hwèlì ndi Èlàyijà. Hwanɛ̀yi wɔ̀ hvɛ hwa òhwi nanù ema ò hwèlì ndi Jèrìmayà tɔ̀ òhvɛhvɛ Mòòhwèlì wa Èlìŋgɛ̀.”

Matiyò 21:32

Nà òhwa ene eyà nanù èhwanja Yòwanìrzɛ̀ e Mòlùhwìrzèlì à mà jà, ò lì e uŋmɛ̀lɛ̀ e njiya ema e enyòhwɛnɛ, ndi inyɔ e rzi mò lòkɛ̀. Ndi hwarzaŋgelì hwa e njàŋge ya lìkànèyà na hwàalanà hwa àkpàlà hwà mà mò lòkɛ̀. Tɔ̀ na òma inyɔ e ma ɛnɛ ene eyà, inyɔ e rzi aŋgòwɛ ò wòhwe wò anyu ndèŋgànà e rzi mò lòkɛ̀.”

Matiyò 3:8

Inyɔ è ɛndɛ è gbèèye hwèyà ema hwe uŋmɛ̀lɛ̀ nanù ema è mà rzɔnjɛ̀lɛ̀ wòhwe wò anyu.

Makòrzì 1:15

“È hvònda è mà uka, Lìkànèyà là ama Lohwɛ̀ lì mà kòmbɛ̀nɛ̀. È rzɔnjɛ̀lɛ̀ hwègbèèlì hwe anyu hwe wòhwe, è lòkɛ̀ Ŋmɛ̀ndì mò Gbamù mò amà Lohwɛ̀.”

Makòrzì 1:2

Nà òma è tìlàhwì ò kààtì yà ama è mòòhwèlì wà èlìŋgɛ̀ Àyìrzayà nanù ema, “Lohwɛ̀ à òhwi nanù ema, ‘Nà ò òma mèèrzènjà mè ami ò wòrzò ò lì ò rzèkeyà è njiya.’ Mòrzeya mò mà hweyàhwà ò mòrzanjɛ̀ nanù ema, È rzèkeyà hwèjèelì hwe ama è Rzàŋgò,

Lukàrzɛ̀ 1:76

Ndi ò wa e ŋmanà wà amì, o ò hwɛ̀lɛ̀hwɛ̀ ndi Mòòhwèlì wà Èlìŋgɛ̀ wà ama Lohwɛ̀ lì karzamì. O ò ɛ̀ndɛ ò wòrzò wò ama è Rzàŋgò, ò lì rzèeyà è njìya ema è Rzàŋgò e akeyà.

Lukàrzɛ̀ 7:24

Nà òmà mèŋge mèrzènjà mè ama Yòwanìrzɛ̀ mè mà tìmbe, Yerzù rzìi à wòteyà lì òhweyà è ŋgìndì lì hvòmɛ̀nɛ̀ Yòwanìrzɛ̀. À ma hwa ijòwa nanù ema, “È hvònda ema e ma anjiye lì ɛndɛ lì ùŋma Yòwanìrzɛ̀ ò mòrzànjɛ̀, mamɛ inyɔ e mà ɔ̀ŋgɛ̀lɛ̀ nanù ema è ma ɛnɛ e? È mà ɛnɛ ndi yàlì ema è mbɛ̀hvɛ̀nì e nyìŋgìrzɛ̀nɛ̀ e?

Hwègbèèlì 1:22

lìwòteyà e hvònda ema Yòwanìrzɛ̀ à mà hwɛ lì lùhwìrzɛ̀ hwatò lì uka e hvònda ema Lohwɛ̀ à mà gbeye Yerzù a ɛndɛ ò ŋmanyu ya Lohwà. Mɔ̀ hvɛ a hwɛni ndi lì hwɛ mòtò ema à mà tɛ̀mɛ̀ mbòŋgi ò hwèhvùmùwèlì hwe ama Yerzù.”