Matiyò 27:2 - Mokpwe: Bakwery (New Testament)

² Hwà mà mò kaka, rzi hwà tìmbà lì mò akɛlɛlɛ Pìlatò ema mɔ̀ ndi e kiŋgɛ ya èkòmè ya Ròmànì à mà ika ò lì kànèyà hwatò hwa erzòòkà yà Jùdeyà.

Matiyò 27:2 Mawu Ofanana

Matiyò 20:19

Rzi hwa mò akɛlɛlɛ ò hwaŋga hwatò ema hwa rza enje wònyà Yudà ema hwa mò yɔ̀yeya, hwa mò gbiyɛ hvònji na lì mò wòmeya ò mbarza. O wùnyà ema wò ò ùkirzɛ̀ mèenyà meyawò, Lohwɛ̀ a ò mò hvùmùlɛ.”

Matiyò 28:14

Pìlatò a hweyi tɛ ene eyà e mò gbeyà a hwiya nanù ema rzeketɛ e njɔ̀mì ya anyu. Aŋga nanù inyɔ e rza hwɛnɛ tɔ̀ mòhvùŋgu.”

Lukàrzɛ̀ 13:1

Nà òma Yerzù a mà hwɛ lì òhwa nanù, lòŋgò la hwatò hwà mà hwɛ aŋga hwa mà mò òhweyà nɛ Pìlatò à mà òŋwe hwatò hwa Gàlìlì è hvònda hwa mà hwɛ lì ŋgbà màahweyà ma hwèembè òma Lohwɛ̀.

Lukàrzɛ̀ 20:20

Hwà-òkòlèlì hwà mbenda nà Ìpìlìrzì ndɛnɛ̀ hwà mà hwɛ lì arza ŋmanò mò jɔ̀kɛ̀ ò lì ŋgbaŋgɛ Yerzù. Hwa mà hvɔ̀rzɔ̀ hwatò, hwa hwà tàŋgeyà, ema hwa mò nɔ̀ŋge ò mburzà. Hwàŋga hwatò hwà mà hwɛnɛ lì ahwàŋgɛ̀lɛ̀ nanù ema hwa mò nɔ̀ŋgɔ̀nɔ̀ ndi ŋmèma mɔ̀kɔ. Hwà mà gbeyà ndi nanù, aŋga nanù, òma hwà mà mò lɛ̀mbɛnɛ njɔ̀mì. Èŋge hvònda rzɔ òma hwà mà mò akɛlɛlɛ e Gɔhwina ya Ròmànì ema mɔ̀ ndi à kànèyà.

Lukàrzɛ̀ 23:1

Hwatìmbèlì hwa mbòwà hwa àrzɛ rzìi, hwa tɛ̀mɛ̀, hwa ɛ̀ndɛnɛ Yerzù ò wòrzò wò ama Pìlatò.

Lukàrzɛ̀ 23:12

O wòŋgò wùnyà mɛnɛ, Hɛ̀rɔ̀dì nà Pìlatò ema hwà mà àwòhvànɛ ehwa, hwa mà tìmba lì lɛŋgɛ̀.

Lukàrzɛ̀ 3:1

È hvònda ema è mòkànèlì Tìbɛ̀rìyàrzì a mà hwɛ è Kàyìrzà yà Ròmànì, ò hvòkà yà lìyòmɛ̀ la meya nà meta me lìkànèyà la eni, Eyà ya Lohwà e mà jèeya Yòwanìrzɛ̀, è ŋmanà wà ma Rzàkàriyà è hvònda ema a mà hwɛ ò mòrzanjɛ̀. Èŋge hvònda ndi Pòntìyùrzì Pìlatò a mà hwɛ è mòkànèlì hwà Jùdeyà. Hɛ̀rɔ̀dì mɔ̀ hvɛ ndi à ma hwɛ è mòkànèlì wà èkòmè ya Galìlì, ndèŋgà ŋmanyàŋgò Hvìlìpì hvɛ è mòkànèlì hwà èkòmè ya Ìturèyà nà èkòmè ya Tràkònitìrzì. Lìrzànìyàrzì hvɛ è mòkànèlì wa èkòmè ya Àbilɛ̀nì. Èŋge hvònda mɛnɛ ndi Anàrzì nà Kàyìhvàrzì hwa mà hwɛ Ipìlìrzì ì Karzamì.

Yòwanìrzɛ̀ 18:12

Rzìi hwaŋga hwanelì hwa njùma nà è mòtimbèlì wa awu, nà hwàgbèèlì hwa hwatò hwa Yudà, hwa mà lɛmbɛ Yerzù rzìi hwa mò kanya.

Yòwanìrzɛ̀ 18:24

Àŋga ndi Anàrzì a mà òhwe ama hwa ɛ̀ndɛ̀nɛ̀ Yerzù òma Kàyìhvàrzì e Pìlìrzì ema è kàrzamì. Yerzù à mà kanyahwa nanù mɛnɛ.

Yòwanìrzɛ̀ 18:28

Nàŋgɛ rzɔ hwatò hwa Yudà rzi hwa tìmba Yerzù hwa mò anjiyana ò ndawò ya ama Kàyìhvàrzì natɛ̀ɛ na ò màandà mà ama e Gɔhwina ya Ròmànì. Ènè, e ma hwɛ ndi ò ekpà ya arzɛ. Wɔ̀ hwà mà òka wɔ̀ŋgɔ̀ ò lì kpèeyà ò ndawò èhwanja hwa rzì arze nanù ema hwa ɛneya kɔ̀wu-kɔ̀wu ò wòrzò wò ama Lohwɛ̀ ò lì arza nanù ema hwa le mòlelì mò Ndèma yà lì Akà Ɔnɛ̀yi.

Hwègbèèlì 12:6

Hɛ̀rɔ̀dì à mà arza lì jànà Pètrò elele ò marzò ma hwatò. O wòŋgò wuu mɛnɛ ema Hɛ̀rɔ̀dì à mà ika ò ŋmèma mò eni nanù ema a jàneyà hwatò Pètrò ò wònɛyi wùnyà, Pètrò à mà hwɛ ò ijɔ ò ìtììtènì ja hwàanà njuma hwahwakɛ. A ma kakahwa na ŋgɔ̀kɔ̀hwi ò hwèhvàrzù hwe eni hwe nyò hwe ahwakɛ, ndèŋgànɛ̀lɛ̀ hwahvɛhvɛ hwàanèlì hwa njuma hwà mà tɛ̀mɛ̀ ò lì ɔŋgeya hwèkpèèlì hwe e ndawò ya hwèwòwà.

Hwègbèèlì 21:33

È mòkànèlì wa hwàanà njuma rzìi a ɛndɛ lì ùŋmànɛ̀lɛ̀ Pàwolò rzi a mò ŋgbaŋgɛ, rzìi a akɛlɛ lìlò nanù ema hwa mò kàkane ŋgɔ̀kɔ̀hwì ihwakɛ. Rzìi à ijòwa nanù ema, “Njɛnɛ ònò e? Mamɛ mɔ̀ à gbèyi e?”

Hwègbèèlì 22:25

Ndi è hvònda ema wɔ̀ hwa mà hwɛ ò lì kàka Pàwolò ò lì mò gbiyɛ è hvònji, Pàwolò rzìi à ijòwa è ŋmànèlì wà njuma ema à mà mò kòmbɛ̀nɛ̀ nanù ema, “È hvòmɛ̀nɛ̀ nanù ema inyɔ è gbiyɛ wònja yà Ròmànì, ema è rzìi è kàyìrzɛ̀ e?”

Hwègbèèlì 22:29

Nà òma hwatò ema hwa mà arza lì anana Pàwolò hwa mà hwèye nanù, ò lìwòkimɛnɛ hwa mà mò hwɛmɛ rzìi hwa akòòwɛ̀ ò mbùrza. Nà òma òŋgò mòkànèlì wà hwàànà njuma à mà àyèmbɛ̀ nanù ema Pàwolò à hwèlì ndi è wònja yà Ròmànì ndèŋgana mɔ̀ à mà mò kàka ema à rzi àŋgàmɛ̀nɛ̀ lì mò kaka, wɔ̀ɔ̀ŋgɔ wò ma mò lɛ̀mbɛ̀.

Hwègbèèlì 24:27

O mburzà meya me hwàkɛ, Pòkìyùrzì Hvɛ̀rzìtùrzì mɔ̀ ndi à mà wòwa e mbòkò ya lìkànèyà la ama e mòkànèlì Hvɛlìkrzi. Hvɛlìkrzi à mà kìnyɛ̀lɛ̀ Pàwolò ò hwèwòwà ehwànja à mà arza lìinà la gbamù ò wòrzò wò hwatò hwa wònyà Yudà.

Hwègbèèlì 28:20

Lìtiŋga lɔ̀ lìŋgi ema lì gbèyi imba na e hwɛlɛ nanù ema jò òhwe. Ò jɔ̀kɛ̀-jɔ̀kɛ̀ na arza nanù ema e hwiye nanù ema e hwèlì tɛ nanù ema iŋgɔ̀kɔ̀hwi i nò hwèlì tɛ ò màà ma ami, nanù òma i hwèlì ndi ò lì hvòmɛ̀nɛ̀ e mòtò ema hwatò hwa Irzàyɛ̀lì hwa ikayi màhvìtà mà awu nanù ema mɔ̀ à hwɛni lì jà.”

Hwègbèèlì 3:13

Lòohwà là ama, Abràhamù, Irzàkì nà Jèkɔ̀bù, Lòohwà là ama hwà tàatɛ̀, lɔ̀ ndi lì ŋgbèlì è mògbèèlì hwa eni Yerzù èluhwe. Inyɔ è mà mò akɛ̀lɛ̀lɛ̀ ò màà mà hwàkànèlì nanù ema à òŋwahwe, rzìi è mò rzɔ̀rzɔ̀ ò wòrzò wò ama Pìlatò. Tɔ̀ nɛ Pìlatò mɔ̀ à mà ɔ̀ŋgɛ̀lɛ̀ nanù ema à rzòlòwàhwè inyɔ è mà tìmba lì mò rzɔ̀rzɔ̀.

Hwègbèèlì 4:27

È ma gbèyɛ̀nɛ nanù. Hɛ̀rɔ̀dì na Pòntìyùrzì Pìlatò hwà mà taneya ò ene mbòwà nàa hwatò ema hwa rza enje wònyà Yudà na hwàtimbelì hwa wònyà Irzàyɛ̀lì. Wɔ̀ hwà mà gbeyà ndi nanù, ò lì gbeyà hwètɛ̀yìrzèlèlì lì teŋgɛ̀nɛ̀ Yerzù, e mògbèèlì wa aŋgɔ̀ ema a hwèlì Wòtani, ndèŋgànà mɔ̀ ema ò wa ò ma Ɔ̀kirzɛ̀yi.

Hwègbèèlì 9:2

Rzìi à mò ijòwa ama à mò ŋgbe itita, ò lì ŋgba hwàtìmbèlì hwa è ndawò yà màkànɛ̀ ema è hwèlì ò mbòwa yà Dàmàrzkɔ̀rzì. Aŋga nanù, à hwɛnɛ è wònja nanù ema à ɛni tɛ tɔ̀ ima mòtò ema à nɔ̀ŋgɔ è njiya yà ama Yerzù aŋga mɔ̀ à hwa ŋgbaŋgɛ, tɔ̀ hwa hwɛ ndi wunyanà tɔ̀ hwalanà, à hwa ɛ̀ndɛ̀nɛ̀ ò mbòwa yà Jèrurzalɛ̀mù.

1 Tìmotì 6:13

O worzo wo ama Lohwɛ̀, mɔ̀ ema a ŋgbàà lòŋgɛ o hwema hwe arzɛ, ndèŋgàna o worzo wo ama Yerzù Krirztò mɔ̀ ema à mà ohwa e jɔ̀kɛ̀ o worzo wo ama Pòntìyùrzì Pìlatò, na e ohweyà nanù ema,

2 Tìmotì 2:9

Ndèŋgàna, èhwanja na òhwèyà hwatò mono ŋmɛ̀ndì mò gbamù, ɔ̀ndeŋgàtɛ̀ imba na taka, natɛ̀ɛ hwa no kaki iŋgɔkɔhwi ò à ɛnɛ oma na hwèlì ndi mòtò ema a undi mbenda. Ndi tɔ̀ mòtò a rza tànɛyi a kaka Eyà ya ama Lohwɛ̀ na ŋgɔ̀kɔ̀hwi.

Hibrù 13:3

È ɔ̀ŋgɛlɛ hwaŋga ema hwa hwèlì o hwèwòwà nàa wà ɛ̀nɛ oma e hwèlì aŋga na wɔ̀. È ɔ̀ŋgɛ̀lɛ̀ hvɛ hwaŋga ema hwa taka o rze ya hwahvɛhvɛ hwatò, inyɛ e hwɛ nàa inyɔ hvɛ e taka ndi na wɔ̀.