Matiyò 26:5 - Mokpwe: Bakwery (New Testament)

⁵ Hwà mà kaka nanù ema, “I rza hwɛni lì gbeyà nanù ò wùnyà wò e ndèma èhwanja hwatò hwa ò jana lùwànje.”

Matiyò 26:5 Mawu Ofanana

Matiyò 14:5

Hɛ̀rɔ̀dì à mà arza lì mò òŋwa ndi à mà òka wònyà Yudà wɔ̀ŋgɔ̀, èhwanja hwa ma lòkɛ̀ nanù ema Yòwanìrzɛ̀ a hwèlì ndi mòòhwèlì wa èlìŋgɛ̀.

Matiyò 21:26

Ndi i òhwi tɛ nanù ema, ‘È wònja ya eni e uwɛ̀lɛ̀lɛ̀yi ndi ò hwatò hwa hwènàmà,’ nanù òma ene ŋgindi ya hwatò e jò gbeyàna wòhwe, èhwanja wɔ̀ hwa arzɛ hwa hwi ema Yòwanìrzɛ̀ à mà hwɛ ndi Mòòhwèlì wà èlìŋgɛ̀.”

Matiyò 27:24

Nà òmà Pìlatò a mà ɛnɛ nanù ema mɔ̀ à rzi tànɛyi ò lì gbeyà tɔ̀ eyà, ndèŋgànà ema ò tànɛyi lì hwɛ lùwànje, rzìi à wòwa màlìhwà à rzòrza màa me eni ò wòrzò wò e ŋgindi rzìi a òhwà nanù emà, “Maà mà ami ma rza enje ò e kpelì yà amà ònò mòtò. Ène eyà e ɔŋgɔ̀ ndi inyɔ.”

Makòrzì 14:12

O wùùnya wò wòrzò wò e Ndèma ya Èhvòòtò ema è rza hwɛnɛyì ehwindi èma wò òhwa ema hwa òŋwè è ŋguma ya mɔ̀lɛ̀ŋgù ò lì rzèkeya mòlelì mò hwèlèèlì mò lì aka ɔnɛ̀yi. Hwà-òkòwèlì hwa ama Yerzù rzìi hwa mò ijòwa nanù ema, “One ò arza nanù ema ì rzèkeya hwelèelì hwe lì aka ɔnɛ̀yi e?”

Makòrzì 14:2

Ndi hwa mà òhwa nanù ema, “Ì rza gbeyà nanù ò wùnyà wò ndemà èhwanja hwatò hwa jànà kayɛ.”

Makòrzì 14:27

Yerzù rzìi a òhweyà hwà-òkòwèlì hwa eni nanù ema, “Inyɔ hwa arzɛ e ò kùwa lì hwaŋga lì nò rzɔ̀njɛlɛ. Èhwanja e tìlahwì ò Kaàti ya ama Lohwɛ̀ nanù ema, ‘Nà òŋwà è mɔ̀ɔŋgelì hwa mɛ̀lɛ̀ŋgù, rzìi mɛ̀ɛlɛ̀ŋgù me kùwa lì wùweya.’”

Lukàrzɛ̀ 20:6

Jò òhwi tɛ nanù ema, ‘O hwatò hwa hwènàmà,’ ène ŋgìndì ya àrzɛ è jò àŋgbà mànyayi. Èhwanja hwa hwi nanù ema Yòwanìrzɛ̀ à mà hwɛ ndi mòòhwèlì wà èlìŋgɛ̀”

Lukàrzɛ̀ 22:7

Nàŋgɛ nà òmà wòŋgò wùnyà wò è Ndemà yà Èhvòòtò ema e rza hwɛ̀nɛ̀ èhwindi e mà ùke, ema iŋguma ja mɛ̀lɛ̀ŋgù ì mà hwɛnɛ lì òŋwàhwà ò hwèleèlì hwe lì Akà Ɔnɛ̀yi.

Yòwanìrzɛ̀ 18:28

Nàŋgɛ rzɔ hwatò hwa Yudà rzi hwa tìmba Yerzù hwa mò anjiyana ò ndawò ya ama Kàyìhvàrzì natɛ̀ɛ na ò màandà mà ama e Gɔhwina ya Ròmànì. Ènè, e ma hwɛ ndi ò ekpà ya arzɛ. Wɔ̀ hwà mà òka wɔ̀ŋgɔ̀ ò lì kpèeyà ò ndawò èhwanja hwa rzì arze nanù ema hwa ɛneya kɔ̀wu-kɔ̀wu ò wòrzò wò ama Lohwɛ̀ ò lì arza nanù ema hwa le mòlelì mò Ndèma yà lì Akà Ɔnɛ̀yi.

Hwègbèèlì 19:29

Mòŋgò mòhvùŋgu mò ma nyàla ò e mbòwa ndɛɛndɛ ya arzɛ. È ŋgindi rzìi e hvùma Gàyiyùrzì na Arìrztàkùrzì, ema hwà mà uwɛ̀lɛ̀lɛ̀yi o Màrzèdonìyà ema hwà mà hwɛ ò mòndeŋge na Pàwolò, rzìi hwa hwà hwaŋgàna ò ndawò ya wòlìya wò mbòwa.

Hwègbèèlì 21:38

Èŋge ŋgànà e hwèlì ndi nanù ema rzeketɛ ò wa ndi ò hwèlì òŋgò mòtò wa Ìjiptò ema à mà jà anu ò hvònda hvɔ̀kɔ rzìi a jànà lùwànje. Mɔ̀ à mà rzàŋga hwekòlì hweni hwe hwàanà njuma, hwà-òŋwelì hwa hwatò rzìi a hwa ɛ̀ndɛ̀nɛ̀ ò mòrzànjɛ.”

Hwègbèèlì 4:28

Hwà mà òhva wòlìya ò lì gbeyà hweyà ema ò ma hwɛ ò ma tɛ̀yirzɛ na e ŋginyà ya aŋgɔ̀ ò e hvònda ema e ma aka.