Matiyò 26:41 - Mokpwe: Bakwery (New Testament)

⁴¹ Lìya èhvɛnyɛ, kanɛ̀ aŋga nanù Lohwɛ̀ a rza emeyà ema màkèkìrzɛ̀nɛ̀ mò ò jèeya. Ŋmèma mò lìŋgàni, ndi e nyàmà ya nyò e ɔ̀tɔ̀.”

Matiyò 26:41 Mawu Ofanana

Matiyò 24:42

O èŋgànɛ̀lɛ rzɔ inyɔ hvɛ e hwɛnì lì wòwa hvònda, èhwanja è rza hwi wùùnya ema Rzàŋgò ya anyu à ò jɛ̀ɛ̀ hvɛ.

Matiyò 25:13

Yerzù rzìi à umba mònò ŋmàna ò lì òhwa nanù ema, “È wòwe hvònda, èhwanja è rza hwi wùùnya tɔ̀ è hvònda ema è Ŋmanà wà è Mòtò wà Hwènàmà à ò jɛ̀ɛ.”

Matiyò 26:38

Yerzù rzìi a hwa òhweyà nanù ema, “Ŋmemà mò ami mò òndi na ndùtù ema e tànɛyi lì nò òŋwa. È lìya anù è lìya ò ehvɛ̀nyɛ̀ nà imba.”

Matiyò 6:13

Ò rzi emeyà nanù ema, i unde ò màkèkìrzɛ̀nɛ̀, ndi ò jò hvɔ̀ɔ̀tè ò màà mà amà Mòkarzɛ̀.

Makòrzì 14:38

È lìyà èhvɛnyɛ ò màkanɛ̀ aŋga nanù Lohwɛ̀ à rza emeyà nanù ema màkèkìrzɛnɛ̀ mà è jèeyà. Ŋmèma mò lìŋgàni lì gbeyà ndi è nyàmà nyò è òka wɔ̀ŋgɔ̀.”

Lukàrzɛ̀ 11:4

O jò làkìrzɛ̀ wòhwe wò arzu, nà òmà irzɔ hvɛ ì làkìrzɛ̀ wòhwe wò hwaŋga ema hwa jò gbeyànà wòhwe, O rzì emeyà nanù ema, ì kpèeyà ò màkèkìrzɛ̀nɛ̀.’”

Lukàrzɛ̀ 21:36

È aŋgòhweyà ì hvònda ja arzɛ. È kanɛ̀ ema e hwɛnɛ è ŋginyà ema è ò karzòlɛ̀ hwenè hweyà ema hwe gbeyɛ̀nɛ̀, aŋga nanù e tanɛ lì tɛmeyà ò wòrzò wò è Ŋmanà wà è Mòtò wà Hwènàmà.”

Lukàrzɛ̀ 22:40

Nà òmà hwa mà ùke aŋga, rzìi a hwa òhweyà nanù ema, “È kanɛ̀ e rzì jà lì hwɛ ema è unda ò màkèkìrzɛ̀nɛ̀.”

Lukàrzɛ̀ 22:46

À mà hwa ijòwa nanù ema, “Mamɛ ndeŋgàtɛ è lìmelì ndi ò ìjɔ e? È tɛ̀mɛ̀ ò ŋmanyu, e kanɛ̀, è rzì jà lì unda ò màkèkìrzɛ̀nɛ̀.”

Lukàrzɛ̀ 8:13

Ìhvɔ̀ŋgɔ̀ hvɛ ema ì mà unda ò èwòmà yà lìŋyayì, jɔ̀ hvɛ ì tɛ̀mèlì ndi hwatò ema hwa mà hwèya Eyà yà Lohwà, rzìi hwa è wòwà nà mɔ̀nyɛ̀ŋgì. Ndi Eyà yà ama Lohwɛ̀ è rzi rzɔ̀ŋgɔ ò mèèmà mè awu. Ò ŋmanà hvòkà hvònda hwa mà lòkɛ̀ Lohwɛ̀, ndi màkèkìrzɛ̀nɛ̀ ma mà jèe, hwa mà tìmbeyà ò mburzà.

Ròmànì 8:3

È mbenda e rzi tanɛ lì kulɛ wòhwe èhwanja e mòtò wa hwènàmà a rzi hwɛnɛ e ŋginyà ya lì e òŋgama. O èŋgànɛ̀lɛ̀ Lohwɛ̀ à mà gbeyà eyà ema e mbenda e rzi tanɛ lì gbeyà. A ma òma è Ŋmanà wà eni na e nyò ya e mòtò wa hwènàmà ema e gbeyà wòhwe, ò lì lìmìrzɛ̀ e ŋginyà ya wòhwe. Nà òma Lohwɛ̀ à mà gbeye nanù e ma kulɛ e ŋginyà ya wòhwe ò tenì ya e mòtò wa hwènàmà.

1 Kɔ̀rintìyà 10:13

Tɔ̀ ima lìkèkìrzɛ ema ò lu lì hwèlì ndi maŋga ema mà nyàmɛ̀hwɛlɛ nà hwatò. Ndi Lohwɛ̀ à ika lìkàkɛ̀nɛ là eni nyàyi ema ò rza hwɛnì lì kèkìrzɛhwɛ lì akà mamɛ e ŋginyà yà àŋgɔ è rzà tanɛ̀yi lì hwanɛ̀. Ò èŋge hvonda yà lìŋgi lìkèkìrzɛ̀ à ò ŋgba ŋginyà ò lì ajùlɛ̀nɛ̀ lìŋgi lìkèkìrzɛ̀ nanù rzìi à ò lùhweyà hvèyò yà lì li àrzòlòhwɛ̀.

1 Kɔ̀rintìyà 16:13

È aŋgòwà e tɛ̀mɛ̀ ehve-ehve o lì lòkɛ̀. È ètìrzɛ̀ mèèmà, e hwɛnɛ̀ hvɛ màyìmbì.

1 Kɔ̀rintìyà 9:27

Nà òkòlɛ̀yi e nyo ya ami ò lì ajùlɛ̀nɛ̀ mètàkà me lìhwaŋgi. Ène ŋgàna e èŋgànɛ̀lɛ̀ imba na oka wɔ̀ŋgɔ̀ ema nà mà òhwèyà tɛ hwahvɛhvɛ hwatò eyà yà Lohwà, rzìi imba na tìmba eyoyo.

Gàletìyà 5:24

Ndèŋgàna hwaŋga hwatò ema hwa hwèlì na Yerzù Krirztò hwa rza enje hvɛ o rze ya e nyɔ̀ŋgi ya e nyàmà nyo. È gbèyi ndi nàa hwa ɛnɛ oma hwà mà wòmeyà eŋge nyɔ̀ŋgi ya e nyàma nyo ò mbarza, ndèŋgàna e ma ŋwèeyà aŋga.

Ɛ̀hvìrzìyà 6:18

È kànɛ̀ na oma Èlìŋgɛ̀ yà Wòtani ye e lìyɛlɛ o ihvonda ja arzɛ. Inyɔ e ohweyà Lohwɛ̀ o lì e oŋgowàna o tɔ̀ mamɛ ema e gbeyà. È hwɛni lì aŋgowa, e kànɛ̀ o ihvonda ja arzɛ e rzi hwɛ nanù ema e ɔ̀tɔ̀. Ndèŋgànɛ̀lɛ̀ e a kànɛ̀lɛlɛ hwatò hwa arzɛ hwa ama Lohwɛ̀.

1 Pètrò 4:7

Lirzuku la hweyà hwe arzɛ lì ma kombɛnɛ. È hwɛni lì àwòhvɛ̀lɛ̀, na lì aŋgowa, aŋga nanù e tànɛ lì kànɛ.

1 Pètrò 5:8

Ya aŋgowe, e wowe hvonda. Mòkarzɛ̀ e mɔ̀kɔ̀yèlì wa anyu a hwèlì a ahwa ndi nàa njila ema e rzìŋga o lì arza njɛnɛ ema a tàawa.

2 Pètrò 2:9

O eŋgànɛ̀lɛ̀ rzɔ, e Rzàŋgo e hwi nɛ a kombɛ hwatò ema hwa hwi Lohwɛ̀ o màkèkirzɛnɛ ma awu. Nà nɛ hvɛ o lì ika hwatò hwa wòhwe o rze ya hwèkɔ̀kìrzèlì o lì ambɛ̀lɛ̀ Wùnyà wo hwèkàyìrzèlì.

Hwèwulùwèlì 16:15

Yerzù à ohwi nanù ema, “È okànèyà, nà ò jà ò wùnyà ema tɔ̀ mòtò à rza ò hwiyɛ nàa ŋmìhwɛ̀ à jà. Mònàmɛ̀ nà oŋgo mòtò ema à ò lìya ehvɛ̀nyɛ̀, ndèŋgànɛ̀lɛ̀ à ò ohvɛ mààtù mà eni, aŋga nanù mɔ̀ à rza ò ɛndɛ̀nɛ̀ morzombo ò lì luwa erzàmbo ò marzo mà hwatò.”

Hwèwulùwèlì 3:10

Nà oma e hwèlì nanù ema, inyɔ e ika eyà ya ami ema na e ohwèlì nanù ema e kake mèèmà o lì àjùlɛ̀nɛ̀ mètàkà me anyu, imba hvɛ na o e kombɛ o e hvonda ya mòtàkà ema mo o jèeya e rze ya mɔ̀nyɛ̀, o lì kèkirzɛ hwatò hwa arzɛ hwa è rze yà mɔ̀nyɛ̀.